John 6:55 - Nǫ̀htsı̨ Nı̨htł'è

⁵⁵ Sezhį̀į̀ sìı weghǫ shèts'etı̨ wedeèdlı̨ hǫt'e, eyıts'ǫ sedoò sìı wet'à ts'eedaa wedeèdlı̨ hǫt'e.

John 6:55 ပူးပေါင်းရင်းမြစ်များ

John 1:47

Zezì, Nathanael naetłe yaɂı̨ ekò yets'ǫ̀ hadı, “Dıı dǫ Israel got'ı̨į̀ wedeèdlı̨ı̨ elı̨ hǫt'e, eyıts'ǫ eghǫyats'eeɂàa wı̨ı̨zìı wets'ǫ̀-èlı̨-le,” Zezì yeghǫ hadı.

John 1:9

Dzęh wedeèdlı̨ı̨ wet'à dǫ hazǫǫ̀ gha dzęh agode ha sìı dıı nèk'e dǫ ts'ǫ̀ ajà.

John 15:1

“Sı̨ sìı ts'ı wedeèdlı̨ı̨ aht'e, eyıts'ǫ Setà, dèè-goehshee-k'èdìı-dǫǫ̀ elı̨ hǫt'e.

John 6:32

Zezì gots'ǫ̀ hadı, “Ehkw'ı anaxèehsı̨, Moses ededı̨ yak'e gots'ǫ łèt'è naxıghàı̨dì nıìle, hanìkò Setà ededı̨ sìı yak'e gots'ǫ łèt'è wedeèdlı̨ı̨ naxıghàı̨dì hǫt'e.

John 6:54

Dǫ sezhį̀į̀ ghǫ shètı̨ xè sedoò edǫǫ sìı welǫ whìle ts'ǫ̀ edaà awììdlà hǫt'e, eyıts'ǫ nǫǫde dzęę̀ k'e naìdà awehłe ha.

John 6:56

Amìı sezhį̀į̀ ghǫ shètı̨ xè sedoò edǫǫ sìı, sexè nàdè ha, eyıts'ǫ sı̨ sı wexè nàhdè ha.

John 8:31

Israel got'ı̨į̀ gogha ehkw'ı adıı sìı Zezì gots'ǫ̀ hadı, “Seyatıì k'èahdì nı̨dè xàè secheekeè aaht'e.

John 8:36

Eyıt'à Nǫ̀htsı̨ Weza sìı t'asìı naxıts'ǫ̀ k'àowo-le anaxį̀į̀là nı̨dè hòt'ałǫ̀ǫ̀ t'asìı wı̨ı̨zìı naxıts'ǫ̀ k'àowo ha nıìle.

Hebrew 8:2

eyıts'ǫ Nǫ̀htsı̨ wets'ǫ degaı k'è gòɂǫǫ sìı ekǫ eghàlaeda hǫt'e. Eyı gòɂǫǫ sìı Nǫ̀htsı̨ wenı̨hbàa wedeèdlı̨ı̨ hǫt'e, eyı sìı Nǫ̀htsı̨ nàı̨ɂaà ayį̀į̀là, dǫ ayį̀į̀là nıìle.

1 John 5:20

Nǫ̀htsı̨ Weza sìı dıı nèk'e ts'ǫ̀ ajà, eyıts'ǫ wenàowoò wenıts'eedì agǫ̀ǫ̀là wek'èts'eezǫ, eyıt'à ededı̨ sìı ehkw'ı hǫt'e wek'èts'eezǫ. Nǫ̀htsı̨ Weza Zezì-Krı ehkw'ı hǫt'e sìı wexè ats'ı̨ı̨t'e. Ededı̨ xàè Nǫ̀htsı̨ ehkw'ı elı̨, eyıts'ǫ ededı̨ wet'à welǫ whìle ts'ǫ̀ ts'eeda ha hǫt'e.