John 6:51 - Nǫ̀htsı̨ Nı̨htł'è

⁵¹ Yak'e gots'ǫ łèt'è dıı nèk'e ts'ǫ̀ ajàa sìı, eyı aht'e. Dıı łèt'è dǫ yeghǫ shètı̨ nı̨dè welǫ whìle ts'ǫ̀ eda ha. Dıı łèt'è sezhį̀į̀ hǫt'e, dıı nèk'e dǫ hazǫǫ̀ gıgha hǫt'e, wet'à dǫ eda ha,” Zezì gòhdı.

John 6:51 ပူးပေါင်းရင်းမြစ်များ

Matthew 20:28

Dǫ-wet'àaɂàa-deè ededı̨ kò dǫ yegha eghàlageeda gha jǫ nììtła nıìle, hanìkò dǫ ts'àdı xè dǫ gha ełaàwı gha jǫ nììtła hǫt'e. Dǫ łǫ gıhołı̨į̀ gıghǫ nahoezhe gha ełaàwı ha hǫt'e,” Zezì edecheekeè gòhdı.

Luke 22:19

Zezì łèt'è nıìchı gà yek'eèyaı̨htı, tàyı̨ı̨zhì gà edecheekeè goghàyı̨ı̨dì, hadı, “Dıı łèt'è sezhį̀į̀ hǫt'e naxıgha adlà. Dıı haaht'ı̨ t'à senaahdì nǫǫ̀,” gòhdı.

John 1:14

Eyı yatı wehòhɂǫǫ sìı dǫ whelı̨ eyıts'ǫ gota nàı̨dè. Dànì enıìyah deè t'à wehòhɂǫǫ sìı wets'aɂı̨. Ededı̨ ı̨łàet'ee zǫ hanì enıìyah deè elı̨. Ededı̨ sìı Nǫ̀htsı̨-Gotà gots'ǫ nììtła hǫt'e, wesǫnıwǫ deè eyıts'ǫ nàowo ehkw'ıı wets'ǫ̀-èlı̨ hǫt'e.

John 1:29

Ek'èdaedzęę̀ k'e John-Baptıst, Zezì yets'ǫ̀ etłe yaɂı̨ ekò, hadı, “K'eaht'į̀. Nǫ̀htsı̨ wesahzǫ̀ą wet'à dıı nèk'e dǫ gıhołı̨į̀ hazǫǫ̀ nahoezhe ha!

John 11:26

Eyıts'ǫ amìı ı̨łaà eda xè ehkw'ı adı sı̨ı̨hwhǫǫ sìı ełaàwı hǫı̨lı̨ ha-le. Eyı asį̀į̀ negha ehkw'ı-ahodı?” Zezì yèhdı.

John 3:13

Dǫ wı̨ı̨zìı yak'e hoaɂı̨ whìle, amìı yak'e gots'ǫ dıı nèk'e ts'ǫ̀ ajàa sìı ededı̨ zǫ yak'e hoaɂı̨ hǫt'e. Eyı sìı Dǫ-wet'àaɂàa-deè hǫt'e.

John 3:14

T'akwe whaà Moses, ekìı-ka nèk'e dechı̨ k'e gòo ı̨dòo ts'ǫ̀ ayį̀į̀là ı̨lè. Eyı xèht'eè Dǫ-wet'àaɂàa-deè dechı̨ k'e ı̨dòo awedle ha hǫt'e.

John 3:16

“Nǫ̀htsı̨ dıı nèk'e dǫ hazǫǫ̀ sıì goghǫneètǫ t'à, edeza ı̨łàet'ee dǫ tł'aàyį̀ı̨htı̨. Amìı ehkw'ı adı yı̨ı̨hwhǫǫ sìı wedıhołè ha-le, welǫ whìle ts'ǫ̀ eda ha.

John 3:36

Amìı Nǫ̀htsı̨ Weza ehkw'ı adı yı̨ı̨hwhǫǫ sìı welǫ whìle ts'ǫ̀ eda ha. Amìı Weza nıwǫ-le sìı welǫ whìle ts'ǫ̀ eda ha-le, Nǫ̀htsı̨ hoìla yeghàhòɂà ha sìı wedawheɂǫ hǫt'e,” John-Baptıst edecheekeè gòhdı.

John 5:24

“Ehkw'ı anaxèehsı̨, amìı seyatıì ıìkw'o xè t'aa sı̨ı̨hɂàa sìı ehkw'ı adı yı̨ı̨hwhǫǫ sìı welǫ whìle ts'ǫ̀ eda ha, eyıts'ǫ hoìla awedle ha-le. Ełaı̨wo gots'ǫ eda ts'ǫ̀ łataèhtła hǫt'e.

John 6:33

Yak'e gots'ǫ hodàèhtłaa sìı ededı̨, Nǫ̀htsı̨ wełèt'è hǫt'e, dıı nèk'e dǫ geedaà agohɂı̨,” gòhdı.

John 6:35

Eyıt'à Zezì edeghǫ dıı hadıì xàyaı̨htı, “Sı̨ eyı łèt'è wet'à ts'eedaa aht'e. Amìı sets'ǫ̀ at'ı̨ı̨ sìı k'achı̨ deèhdì hǫı̨lı̨ ha-le, eyıts'ǫ amìı wegha ehkw'ı aehsı̨ı̨ sìı k'achı̨ tı ghaewı ha-le.

John 6:41

“Yak'e gots'ǫ łèt'è dıı nèk'e ts'ǫ̀ ajàa sìı eyı aht'e,” Zezì hadı t'à Israel got'ı̨į̀ gıghǫ sǫagedı.

John 6:47

Ehkw'ı anaxèehsı̨, amìı ehkw'ı adı sı̨ı̨hwhǫǫ sìı welǫ whìle ts'ǫ̀ edaa sìı hòt'a weghǫ̀t'ǫ hǫt'e.

John 6:48

Sı̨ łèt'è wet'à ts'eedaa aht'e.

John 6:50

Ekò dıì yak'e gots'ǫ łèt'è dıı nèk'e ts'ǫ̀ ajàa sìı jǫ wheda hǫt'e. Dǫ yeghǫ shètı̨ı̨ sìı ełaàwı ha-le.

John 7:38

Amìı wegha ehkw'ı aehsı̨ı̨ sìı tı wet'à ts'eedaa wedzeè yìı gots'ǫ xàı̨lı̨ ha. Hanì Nǫ̀htsı̨ Nı̨htł'è k'e dek'eèhtł'è,” Zezì gòhdı.

2 Corınth 5:19

Nǫ̀htsı̨ sìı Zezì-Krı wet'ǫ̀ǫ̀ dıı nèk'e dǫ edexè ts'èwhı̨į̀ geedaà agǫ̀ǫ̀là, eyıt'à gıhołı̨į̀ k'èxa gosınìyaehtı nıìle. Nǫ̀htsı̨ dànì dǫ edexè ts'èwhı̨į̀ geedaà agohɂı̨ı̨ sìı weghǫ dǫ ts'ǫ̀ hats'edı ha goghàhòı̨ɂǫ hǫt'e.

2 Corınth 5:21

Zezì wehołı̨į̀ whìle sìı Nǫ̀htsı̨ gogha hołı̨ı̨ wek'e whelaà ayį̀į̀là, hanì-ı̨dè Zezì wet'ǫ̀ǫ̀ Nǫ̀htsı̨ ehkw'ı ts'eedaà agole ha.

Ephesus 5:2

Zezì dànì goghǫneètǫ xè gogha ełaı̨wo k'ę̀ę̀, t'aats'ǫǫ̀ ełeghǫnıahtǫ k'ę̀ę̀ aahda. Zezì gogha ełaàwı gha Nǫ̀htsı̨ ghàdìtı̨ t'à yınì k'ę̀ę̀ eghàlaı̨dà.

Ephesus 5:25

Dǫzhìı yàahłı̨ı̨ sìı naxıts'èkeè ghǫnıahtǫ, Zezì-Krı edecheekeè goghǫneètǫ lanì eyıts'ǫ gogha ełaı̨wo lanì.

Tıtus 2:14

Ededı̨ sìı gohołı̨į̀ k'èxa ełaı̨woò adììdlà, wet'à gonàowołı̨ı̨ hazǫǫ̀ ch'à edaxàgoazha hǫt'e. Edegha degaı gòèhtsı̨, xàè wegha ts'ı̨ı̨lı̨ ha agǫ̀ǫ̀là eyıts'ǫ ayìı nezı̨ı̨ sìı weghǫ hòtł'ò ats'ı̨ı̨wǫ ha agǫ̀ǫ̀là.

Hebrew 10:20

Nàowo wegòò wet'à ts'eedaa sìı ts'ǫ̀ dexats'eède hǫt'e, gots'ǫǫ̀hk'e enìı̨t'ı tanı ts'ǫ̀ tàı̨dlà t'à, eyı sìı Zezì wezhį̀į̀ lanì hǫt'e.

1 Peter 2:4

Amìı wets'ǫ̀ aahjàa sìı “kwe wet'à ts'eedaa” wìyeh. Dıı nèk'e ts'ǫ dǫ eyı kwe gı̨ı̨wǫ-le, hanìkò Nǫ̀htsı̨ eyı kwe wegha sıì wet'àhoòɂà ne t'à yį̀į̀hchì hǫt'e.

1 John 2:2

Ededı̨ sìı gohołı̨į̀ k'èxa ełaàwı gha Nǫ̀htsı̨ ghàdìtı̨ hǫt'e. Goxı̨ zǫ gogha ajà nıìle, dıı nèk'e dǫ hazǫǫ̀ gıhołı̨į̀ gha ełaı̨wo.

1 John 4:10

Dıı hanì ełeghǫnets'eètǫǫ wedeèdlı̨ı̨ hǫt'e: goxı̨ dǫ ts'ı̨ı̨lı̨ı̨ sìı dànì Nǫ̀htsı̨ ghǫnets'eètǫ awèts'edı-le, hanìkò ededı̨ sıì goghǫneètǫ t'à Weza gohołı̨į̀ k'èxa gogha ełaı̨wı ha gots'ǫ̀ ayį̀į̀là.

1 John 4:14

Nǫ̀htsı̨-Gotà, Weza dǫ Edaxàgolee elı̨ ha dıı nèk'e ts'ǫ̀ ayį̀į̀làa sìı wets'aɂı̨ t'à weghǫ gots'ede hǫt'e.