John 6:5 - Nǫ̀htsı̨ Nı̨htł'è

⁵ Zezì dǫdeè gıts'ǫ̀ède goaɂı̨ ekò Zezì Phılıp ts'ǫ̀ hadı, “Dıı dǫ gıghǫ shèzhe ha edı̨į̀ gots'ǫ łèt'è nàts'eèhdì lì?” yèhdı.

John 6:5 ပူးပေါင်းရင်းမြစ်များ

Matthew 15:33

Wecheekeè gıts'ǫ̀ hadı, “Kǫ̀ta gòlaa ts'ǫ̀ gǫǫwà ts'eèhkw'e, eyıt'à dànì dǫ haàtłǫǫ gıgha łèt'è nàts'eehdì ha?” gıìhdı.

Mark 6:32

Eyıt'à elà yìı gı̨ı̨de gà gowhatsǫǫ̀ gòɂǫǫ ts'ǫ̀ geèɂe.

Luke 9:10

Wecheekeèdeè kǫ̀ta yàgòlaa gots'ǫ nǫǫ̀gı̨ı̨de ekò ayìı dàgı̨ı̨laa sìı Zezì ts'ǫ̀ hagedı. Eyı tł'axǫǫ̀ Zezì edecheekeè kǫ̀ta Bethsaıda gòyeh ts'ǫ̀ edexè goòwa, ekǫ whatsǫǫ̀ ełexè geèhkw'e ha t'à.

John 1:43

Ek'èdaedzęę̀ k'e Zezì Galılee nèk'e ts'ǫ̀ ajà. Ekǫ Phılıp wheda yaɂı̨, yets'ǫ̀ hadı, “Sek'èı̨tła,” yèhdı.

John 1:44

Phılıp Bethsaıda got'ı̨į̀ hǫt'e, Andrew eyıts'ǫ Peter ededı̨ sı ekǫ gots'ǫ agı̨ı̨t'e.

John 1:45

Phılıp, dǫ ı̨łè Nathanael wìyeh ts'ǫ̀ èhtła, hayèhdı, “Moses, dǫ ı̨łè ghǫ ı̨ı̨tł'è ı̨lèe sìı wegots'į̀hɂǫ. Nakwenàoɂǫǫ sı weghǫ gı̨ı̨tł'è ı̨lè. Joseph weza Zezì wìyeh kǫ̀ta Nazareth gots'ǫ dǫ,” yèhdı.

John 1:46

Nathanael yets'ǫ̀ hadı, “Nazareth nı̨ı̨dı nì? Ekǫ gots'ǫ t'asìı nezı̨ı̨ xàhohwhı ha nì?” yèhdı. “Sek'èątła, wı̨ı̨ɂį̀ ha ne,” Phılıp yèhdı.

John 1:48

“Dànì sek'èı̨zǫ ghǫ aı̨dı?” Nathanael yèhdı. Zezì yets'ǫ̀ hadı, “Phılıp nets'ǫ̀ gode kwe, ı̨łaà jìechots'ıì wetł'a wheęda ekò neehɂı̨ ı̨lè,” yèhdı.

John 4:35

Naxı̨ dǫ yàahłı̨ı̨ sìı dıı haahdı: ‘Dı̨ sa tł'axǫǫ̀ nı̨dè t'asìı dehshee sìı nàts'ehtsį̀ gà xehkǫ̀ goyats'eewa ha,’ dahdı. Hanìkò sı̨ dıı hanaxèehsı̨, ‘Dèè k'e k'eaht'į̀. T'asìı dehshee sìı dıìdì ajà, hòt'a nàts'ehtsį̀ ha nezı̨.’