John 6:27 - Nǫ̀htsı̨ Nı̨htł'è

²⁷ Łèt'è tsį̀wı ha sìı gha eghàlaahda-le, hanìkò łèt'è wet'à welǫ whìle ts'ǫ̀ aahda ha sìı gha eghàlaahda. Dǫ-wet'àaɂàa-deè eyı łèt'è naxıghàɂà ha. Ededı̨ sìı Nǫ̀htsı̨-Gotà wınì k'ę̀ę̀ eghàlaeda wek'èedzǫǫ̀ ayı̨į̀là hǫt'e,” hadı.

John 6:27 ပူးပေါင်းရင်းမြစ်များ

Matthew 17:5

Įłaà Peter gode ekò k'oh gımǫǫ̀ ajà. K'oh yìı gots'ǫ gots'edeè hǫt'e, “Dıı Seza weghǫneehtǫ hǫt'e, weghǫ sǫdehwhǫ hǫt'e, weàhkw'ǫ!” hats'edıì hǫt'e.

Matthew 25:46

“Eyı dǫ gots'ı̨hts'ǫ nàgeèhzaa sìı welǫ whìle ts'ǫ̀ dagı̨ı̨ɂa ha, hanìkò amìı ehkw'ı edaa sìı welǫ whìle ts'ǫ̀ eda ha,” Zezì hadıì goxè godo.

Matthew 3:17

Yak'e gots'ǫ hats'edıì hǫt'e, “Dıı sìı Seza hǫt'e, weghǫneehtǫ eyıts'ǫ weghǫ sìghà dehwhǫ,” hats'edıì hǫt'e.

Matthew 6:19

“Dıı nèk'e t'asìı nezı̨ı̨ łǫ edegha ełèahłe-le, yììda yedè xè wek'ıìtsǫ̀ ade ha ne t'à, eyıts'ǫ eeɂį̀ı̨-dǫǫ̀ naxıkǫ̀ enìxàgeezhì gà naxıghǫ egeeɂį̀ ha t'à t'asìı nezı̨ı̨ łǫ edegha ełèahłe-le.

Matthew 8:20

Zezì yets'ǫ̀ hadı, “Nǫgèe gıɂǫ gǫ̀hłı̨ eyıts'ǫ chı̨ą sı gıt'oh gǫ̀hłı̨, hanìkò Dǫ-wet'àaɂàa-deè edı̨į̀ kwìhɂǫ ha gǫ̀hłı̨-le,” yèhdı.

Mark 1:11

Yak'e gots'ǫ dıı hats'edıì hǫt'e, “Nı̨ Seza anet'e, neghǫneehtǫ eyıts'ǫ neghǫ sìghà dehwhǫ,” hats'edıì hǫt'e.

Mark 9:7

Hǫtsaa k'oh gımǫǫ̀ ajà. K'oh yìı gots'ǫ gots'edeè hǫt'e, “Dıı Seza hǫt'e, weghǫneehtǫ; weàhkw'ǫ!” hats'edıì hǫt'e.

Luke 3:22

Yedàyeh Nezı̨ı̨ Zezì k'e ajà, k'àba degoo lanì wègaat'ı̨. Yak'e gots'ǫ dıı hats'edıì hǫt'e, “Nı̨ Seza anet'e, neghǫneehtǫ eyıts'ǫ neghǫ sìghà dehwhǫ,” hats'edıì hǫt'e.

Luke 9:35

K'oh yìı gots'ǫ gots'edeè hǫt'e, “Dıı Seza hǫt'e, wììhchì hǫt'e, weàhkw'ǫ,” hats'edıì hǫt'e.

John 10:28

Welǫ whìle ts'ǫ̀ geedaà agehłe ha, ełaàgede hǫı̨lı̨ ha-le. Dǫ wı̨ı̨zìı seghǫ nıgoòwa ha nıìle.

John 11:42

T'aats'ǫǫ̀ sı̨į̀hkw'ǫ ne wek'èehsǫ, hanìkò dıı haehsı̨ı̨ sìı dǫ gıgha aehsı̨. Hanì-ı̨dè dıı nèk'e ts'ǫ̀ seneehɂàa sìı gıgha ehkw'ı-ahodı ha,” hadıì yaı̨htı.

John 14:6

Zezì yets'ǫ̀ hadı, “Sı̨ sìı sek'e gǫǫ̀ɂà aht'e, nàowo ehkw'ıı aht'e, eyıts'ǫ wet'à ts'eedaa aht'e. Dǫ wı̨ı̨zìı Setà ts'ǫ̀-etła ha dìì, sı̨ zǫ sek'e gǫǫ̀ɂà hǫt'e.

John 15:24

Dǫ wı̨ı̨zìı sexèht'eè gınadąą̀ enıìyah hòèhtsı̨ı̨ whìle. Hahłà-le nı̨dè gıhołı̨į̀ gık'e whela ha-le ı̨lè. Hanìkò dıì enıìyah łǫ gıaɂı̨ kò ı̨łaà sedzagı̨ı̨hwhǫ eyıts'ǫ Setà sı dzagı̨ı̨hwhǫ.

John 17:2

Dǫ weghàneelaa sìı welǫ whìle ts'ǫ̀ geedaà agole ha t'à, dǫ hazǫǫ̀ ts'ǫ̀ k'àowo awènelà.

John 3:15

Dǫ ehkw'ı adı yı̨ı̨hwhǫǫ sìı welǫ whìle ts'ǫ̀ eda ha.

John 3:33

Amìı ehkw'ı adı yı̨ı̨hwhǫǫ sìı ‘Nǫ̀htsı̨ ehkw'ı hǫt'e,’ hadı hǫt'e.

John 6:40

Dǫ hazǫǫ̀ Weza ts'ǫ̀ nageɂa xè gıgha ehkw'ı ahodıı sìı welǫ whìle ts'ǫ̀ geeda ha, Setà hanì ha nıwǫ hǫt'e. Amìı ehkw'ı aehsı̨ sı̨ı̨hwhǫǫ sìı nǫǫde dzęę̀ k'e nı̨dè naìdà awehłe ha,” Zezì hadı edeghǫ gode.

John 6:47

Ehkw'ı anaxèehsı̨, amìı ehkw'ı adı sı̨ı̨hwhǫǫ sìı welǫ whìle ts'ǫ̀ edaa sìı hòt'a weghǫ̀t'ǫ hǫt'e.

John 6:51

Yak'e gots'ǫ łèt'è dıı nèk'e ts'ǫ̀ ajàa sìı, eyı aht'e. Dıı łèt'è dǫ yeghǫ shètı̨ nı̨dè welǫ whìle ts'ǫ̀ eda ha. Dıı łèt'è sezhį̀į̀ hǫt'e, dıı nèk'e dǫ hazǫǫ̀ gıgha hǫt'e, wet'à dǫ eda ha,” Zezì gòhdı.

John 6:53

Zezì gots'ǫ̀ hadı, “Ehkw'ı anaxèehsı̨, Dǫ-wet'àaɂàa-deè wezhį̀į̀ aahdè xè wedoò aahdǫ lenǫsıı, aahda ha nıìle.

John 6:54

Dǫ sezhį̀į̀ ghǫ shètı̨ xè sedoò edǫǫ sìı welǫ whìle ts'ǫ̀ edaà awììdlà hǫt'e, eyıts'ǫ nǫǫde dzęę̀ k'e naìdà awehłe ha.

John 6:58

Dıı łèt'è sìı yak'e gots'ǫ nììtła hǫt'e. Naxıcho ‘manna’ ghǫ shègıazhee sìı ełaàgı̨ı̨dè, hanìkò amìı dıı łèt'è ghǫ shètı̨ı̨ sìı welǫ whìle ts'ǫ̀ eda ha hǫt'e,” gòhdı.

John 6:62

Dǫ-wet'àaɂàa-deè edı̨į̀ gots'ǫ at'ı̨ı̨ sìı naxıdaà ı̨dòo anajà nı̨dè weghǫ dàahwhǫ ha?

John 6:68

Sımon-Peter yets'ǫ̀ hadı, “K'àowo, amìı ts'ǫ̀ ats'ejà lì? Nı̨ zǫ neyatıì t'à welǫ whìle ts'ǫ̀ ts'eeda hǫt'e.

John 8:18

Sı̨ sìı edegha gohde hǫt'e, eyıts'ǫ Setà sı̨ı̨hɂàa sìı segha gode hǫt'e,” Zezì gòhdı.

Zezì Wecheekeèdeè 2:22

“Israel got'ı̨į̀ yàahłı̨ı̨ sìı seàhkw'ǫ: Nǫ̀htsı̨ sìı, Nazareth got'ı̨į̀ Zezì naxıts'ǫ̀ yı̨ı̨hɂà hǫt'e, enıìyah łǫ hòèhtsı̨ı̨ eyı weghàà wek'èahsǫ hǫt'e. Nǫ̀htsı̨ yet'à hanì naxıta eghàlaı̨dà, naxı̨ kò wek'èahsǫ hǫt'e.

Rome 4:11

Eyı tł'axǫǫ̀ k'ǫǫ̀t'a Abraham wekwǫ̀ nàat'a hǫt'e. Abraham wegha ehkw'ı-ahodı t'à wekwǫ̀ nàat'a hǫt'e. Eyıts'ǫ Nǫ̀htsı̨ ehkw'ı edaa k'ę̀ę̀ yııhtàa sìı wekwǫ̀ nàat'a weghàà wek'èhoedzǫ gha adlà hǫt'e. Hanìkò wekwǫ̀ nàat'a kwe-t'ıì Nǫ̀htsı̨ ehkw'ı edaa k'ę̀ę̀ yııhtà ı̨lè. Hanì ts'ıhɂǫ̀ dǫ gıkwǫ̀ nàt'à-le kò gıgha ehkw'ı-ahodıı sìı Abraham hazǫǫ̀ gogha gotà elı̨ lanì hǫt'e. Hanì-ı̨dè Nǫ̀htsı̨ sìı eyı dǫ hazǫǫ̀ ehkw'ı geedaa k'ę̀ę̀ goıhtà hǫt'e.

Rome 6:23

Hołı̨ı̨ hots'ehtsı̨ k'èxa ełaàts'ede hǫt'e. Hanìkò gots'ǫ̀ K'àowo Zezì-Krı wet'ǫ̀ǫ̀ Nǫ̀htsı̨ welǫ whìle ts'ǫ̀ ts'eedaà agǫ̀ǫ̀là hǫt'e.

1 Corınth 6:13

“Bò sìı gobò gha hòèlı̨, eyıts'ǫ gobò sìı bò gha hòèlı̨,” haahdı ha tahkò, hanìkò Nǫ̀htsı̨ eyı nàke sìı yedıhohtsı̨ ha hǫt'e. Gozhį̀į̀ wet'à hołı̨ı̨ k'ę̀ę̀ ełek'alats'edè gha hòèlı̨ nıìle, hanìkò gots'ǫ̀ K'àowo gozhį̀į̀ ts'ǫ̀ k'àowo ne t'à wegha wet'à-ats'et'ı̨ ha hòèlı̨ hǫt'e.

1 Corınth 9:2

Dǫ eyıì-le gıgha Nǫ̀htsı̨ wecheekeèdeè aht'e-le sǫnı kò, naxıgha sìı xàè Nǫ̀htsı̨ wecheekeèdeè aht'e. Sı̨ set'à naxıgha ehkw'ı-ahodıì aahjà t'à, gots'ǫ̀ K'àowo wecheekeèdeè aht'e gha sek'èhoedzǫ hǫt'e.

2 Corınth 4:18

Eyıt'à ayìı wègaat'ı̨ı̨ sìı gha goınì nàtso ats'ı̨ı̨hwhǫ-le, hanìkò ayìı wègaat'ı̨-le sìı gha goınì nàtso ats'ı̨ı̨hwhǫ hǫt'e. T'asìı wègaat'ı̨ı̨ sìı whaà-le gots'ǫ̀ zǫ gha hǫt'e, ekò t'asìı wègaat'ı̨-le sìı welǫ whìle ts'ǫ̀ gha hǫt'e.

Galatıa 5:6

Zezì-Krı gogha ehkw'ı-ahodı nı̨dè nàgoet'àa, nàgoet'à-le, ehk'ę̀ę̀ gogha wet'àaɂà-le. Edaxàts'eedè ha, gogha ehkw'ı-ahodıı eyı zǫ gogha wet'àaɂà hǫt'e, eyıts'ǫ ełeghǫnets'eètǫ sìı dǫ yek'èezǫ ats'ehɂı̨ hǫt'e.

Phılıppı 2:13

Nǫ̀htsı̨ ededı̨ naxıdzeè yìı eghàlaeda t'à. Ededı̨ sìı wenàowoò nezı̨ı̨ k'ę̀ę̀ dahwhǫǫ̀ anaxehɂı̨ eyıts'ǫ wek'ę̀ę̀ aahdaà anaxehɂı̨.

Colosse 1:29

Eyı gha hòtł'ò eghàlaehda xè nàhǫhoehwho. Nǫ̀htsı̨ wet'ıì t'asìı hazǫǫ̀ gha nàhtso asehɂı̨, eyıt'à hanì eghàlaehda ha dìì-le.

Colosse 2:22

Eyı nàowo sìı dıı nèk'e gots'ǫ dǫnì k'ę̀ę̀ hòèlı̨, eyıts'ǫ dǫ gınàowoò k'ę̀ę̀ hoghàgogeehtǫ t'à hazǫǫ̀ wet'àaɂà-le hǫt'e.

Colosse 3:2

Eyıt'à ı̨dòo gots'ǫ ne sìı ghǫ naxıdzeè nàtsoò aahwhǫ, dıı nèk'e t'asìı whelaa ghǫ naxıdzeè nàtsoò aahwhǫ-le.

1 Thessalonıca 1:3

Naxıgha ehkw'ı-ahodı t'à hòtł'ò eghàlaahdaa sìı weghǫ t'aats'ǫǫ̀ Nǫ̀htsı̨-Gotà masì wèts'edı hǫt'e. Gots'ǫ̀ K'àowo Zezì-Krı weghǫ naxınì nàtso t'à ełeghǫnıahtǫ xè wek'ę̀ę̀ hòtł'ò eghàlaahda eyıts'ǫ weghǫnaaht'è-le.

2 Tımothy 2:19

Hanìkò Nǫ̀htsı̨ wenàowoò sìı yìetł'aà nàtsoo whetǫ lanì hǫt'e. Wek'e dıı hanì dek'eèhtł'è: “Gots'ǫ̀ K'àowo amìı wets'ǫ agı̨ı̨t'ee sìı gok'èezǫ hǫt'e,” dek'eèhtł'è. Eyıts'ǫ dıı hanì dek'eèhtł'è: “Amìı gots'ǫ̀ K'àowo wegha ehkw'ı-ahodıı sìı hołı̨ı̨ nàowoò wedę ayele ha hǫt'e,” dek'eèhtł'è.

Hebrew 12:16

Naxıta dǫ wı̨ı̨zìı hołı̨ı̨ k'ę̀ę̀ ełek'alagııdè sǫ̀ǫ̀, hanì-le-ı̨dè Esau lanì Nǫ̀htsı̨ nàowoò gıgha wet'àaɂà-le lagııt'è sǫ̀ǫ̀. Esau wetà weza ǫhdaà ı̨lèe t'à wetà wets'ǫ t'asìı denahk'e wet'àaɂàa sìı wets'ǫ̀ ade ha ı̨lè, hanìkò ı̨łàà yeghǫ shètı̨ k'èxa wechı ts'ǫ̀ weghǫ nàedì ı̨lè.

Hebrew 4:11

Eyıt'à Nǫ̀htsı̨ xè ts'èwhı̨į̀ hòɂǫǫ k'è hots'eɂį̀ ha nı̨dè hòtł'ò eghàlats'eeda ha hǫt'e, hanì-ı̨dè gocho dànì Nǫ̀htsı̨ k'èagı̨ı̨t'e-le k'ę̀ę̀ gogha hoìla ha-le.

James 1:11

Sadeè nàtsoo wexèıdı nı̨dè eyı ı̨t'ǫ̀chàa sìı egǫ xè weɂı̨t'ǫ̀ą nàtł'ì, eyıts'ǫ wèdaat'ı̨-le at'į̀. Dǫ ahxee eyı lanì hǫt'e, ı̨łaà edılaà ghàlaeda et'ıì wewhìle ade ha.

1 Peter 1:24

Nǫ̀htsı̨ Nı̨htł'è k'e dıı hanì dek'eèhtł'è hǫt'e: “Dǫ hazǫǫ̀ tł'oh lagı̨ı̨t'e eyıts'ǫ ı̨t'ǫ̀chàa lanì gìdaat'ı̨; tł'oh whegǫǫ̀ at'į̀ eyıts'ǫ ı̨t'ǫ̀chàa dèè k'e ts'ǫ̀ hodàetł'ì,

2 Peter 1:17

Yak'e gots'ǫ Nǫ̀htsı̨-Gotà ededı̨ Zezì xè enıìyah hòɂǫ xè weghàsǫedıì ayį̀į̀là hǫt'e, yets'ǫ̀ dıı hadı t'à, “Dıı Seza hǫt'e, weghǫneehtǫ, eyıts'ǫ weghǫ sǫdehwhǫ hǫt'e,” yeghǫ hadı ı̨lè.