John 6:2 - Nǫ̀htsı̨ Nı̨htł'è

² Zezì dǫ-eyaelı̨ı̨ gha enıìyah ghàlaı̨dà gıaɂı̨ t'à dǫ łǫ gık'èè goòhwho.

John 6:2 ပူးပေါင်းရင်းမြစ်များ

Matthew 12:15

Pharısee dàgı̨ı̨wǫǫ sìı Zezì gok'èezǫ t'à ekǫ ts'ǫǫ̀ naèhtła. Dǫ łǫ gık'èède eyıts'ǫ dǫ-eyaelı̨ı̨ hazǫǫ̀ k'aàt'ıì agǫ̀ǫ̀là,

Matthew 13:2

Sıì dǫ łǫ Zezì ts'ǫ̀ ełègehdè t'à Zezì elà yìetła gà dǫ ts'ǫ̀ gode. Dǫ hazǫǫ̀ tabàa nàgeèhza xè geèhkw'ǫ.

Matthew 14:14

Zezì edecheekeè xè ı̨nǫ̀ǫ̀ tàwheɂe ekò dǫ łǫ gıdanaèhɂı̨ nǫǫ̀. Zezì ededzeè t'à etegoèhɂı̨, eyıt'à dǫ eyagı̨ı̨lı̨ı̨ sìı k'aàt'ıì agǫ̀ǫ̀là.

Matthew 8:1

Zezì shìhka gots'ǫ hodàèhtła ekò dǫ łǫ gık'èè k'edè.

Mark 1:45

Hanìkò eyı dǫ naèhtła tł'axǫǫ̀ hazǫǫ̀ ts'ǫ̀ yeghǫ gode t'à dǫ hazǫǫ̀ godı gıìkw'o. Eyı ts'ıhɂǫ̀ dǫ łǫ Zezì ts'ǫ̀ aget'ı̨ t'à edı̨į̀ kǫ̀ta gòlaa sìı ts'ǫ̀ ade ha dìì ajà. Eyıt'à edı̨į̀ gowhatsǫǫ̀ gòɂǫǫ ts'ǫ̀ zǫ at'ı̨. Hanìkò ı̨łaà hazǫǫ̀ ts'ǫ dǫ gıts'ǫ̀ nìı̨de.

Mark 6:33

Hanìkò dǫ łǫ gogıaɂı̨ sìı amìı agı̨ı̨t'ee gok'ègeezǫ t'à, kǫ̀ta hazǫǫ̀ gots'ǫ dǫ Galılee-tì wetadà tı̨mǫgeède. Zezì wecheekeè ekǫ nègı̨ı̨ɂe kwe-t'ıì dǫ ekǫ nègı̨ı̨de.

John 11:47

Eyıt'à yahtıı-gha-k'aodèe eyıts'ǫ Pharısee gı̨ı̨lı̨ı̨ sìı ełegeèhdì gha Israel got'ı̨į̀ gha k'aodèe hazǫǫ̀ gokayagı̨ı̨htı, hagedı, “Eyı dǫ enıìyah łǫ hohtsı̨, eyıt'à ayìı dàwets'ele ha?

John 12:18

Zezì hanì enıìyah hòèhtsı̨ ghǫ egıìkw'o t'à dǫ łǫ Zezì nìhdǫǫ̀ geède.

John 12:37

Zezì hanì enıìyah łǫ godaà eghàlaı̨dà kò, ı̨łaà gıgha ehkw'ı-ahodı-le.

John 2:11

Zezì kǫ̀ta Cana wheda ekò eyı t'akwełǫ̀ǫ̀ enıìyah whehtsı̨ ı̨lè. Enıìyah deè elı̨ı̨ sìı dǫ gıaɂı̨į̀ agǫ̀ǫ̀là, eyıt'à wecheekeè weghǫ gınì nàtsoò agejà.

John 2:23

Zezì, dzędeè Passover gha kǫ̀ta Jerusalem wheda ekò, dǫ łǫ Zezì enıìyah łǫ eghàlaı̨dà gıaɂı̨, eyıt'à ehkw'ı adı gı̨ı̨wǫǫ̀ agejà.

John 20:30

Zezì edecheekeè godaà enıìyah eyıì-le łǫ hòèhtsı̨ hanìkò hazǫǫ̀ dıı nı̨htł'è k'e dek'eèhtł'è-le.

John 6:14

Zezì dıı hanì dǫ gha enıìyah hòèhtsı̨ gıaɂı̨ t'à dǫ ełets'ǫ̀ hagedı, “Nakwenàoɂǫǫ deè dıı nèk'e nììtła ha ı̨lèe sìı eyı at'ı̨ sǫnı,” gedı.

John 6:22

Ek'èdaedzęę̀ k'e ı̨nǫ̀ǫ̀ dǫ łǫ ageèhkw'ee sìı elà ı̨łè zǫ gıaɂı̨ gınadì. Zezì edecheekeè xè elà yìetła-le ı̨lè, eyıts'ǫ whatsǫǫ̀ nageèht'e ı̨lè gınadì.

John 6:26

Zezì hadı, “Ehkw'ı anaxèehsı̨, t'aahwhǫ ts'ǫ̀ łèt'è ghǫ shèahzhe t'à sekaahwhǫ hǫt'e, naxıdaà enıìyah nàhòwo t'à sekaahwhǫ nıìle.

John 6:30

Eyıt'à hagıìhdı, “Godaà enıìyah deè hoı̨htsı̨ nı̨dè weghàà ehkw'ı aı̨dı nets'ı̨ı̨hwhǫ ha.