John 6:11 - Nǫ̀htsı̨ Nı̨htł'è

¹¹ Eyı tł'axǫǫ̀ Zezì łèt'è neyı̨į̀wa, yek'eèyaı̨htı gà dǫ geèhkw'ee sìı gotaàgį̀ı̨la. T'agı̨ı̨wǫ ts'ǫ̀ shègıazhe. Eyı xèht'eè łıwe hayı̨į̀là.

John 6:11 ပူးပေါင်းရင်းမြစ်များ

Matthew 15:36

Eyı tł'axǫǫ̀ Zezì łèt'è łǫ̀hdı̨ eyıts'ǫ łıwe neyı̨į̀wa gà yek'eèyaı̨htı. Łèt'è eyıts'ǫ łıwe tàyı̨ı̨zhì gà edecheekeè goghàyı̨ı̨wa, eyıts'ǫ wecheekeè dǫ hazǫǫ̀ gotaàgı̨ı̨dì.

Luke 24:30

Shègezhe ha nègı̨ı̨de ekò, łèt'è nıìchì gà yek'eèyaı̨htı, tàyı̨ı̨zhì gà goghàyı̨ı̨dì.

John 21:10

Zezì gots'ǫ̀ hadı, “Łıwe whahłìı sìı, mǫ̀hdaa jǫ nìahwha,” gòhdı.

John 21:13

Zezì gots'ǫ̀ èhtła, łèt'è neyıìchı gà goghàyı̨ı̨dì eyıts'ǫ łıwe sı hayį̀į̀là.

John 21:9

Tabàa dàgeède ekò kǫ̀kwıì k'e łıwe et'è eyıts'ǫ łèt'è wheɂǫ gıaɂı̨.

John 6:23

Eyıt'à kǫ̀ta Tıberıas gots'ǫ dǫ mǫ̀hdaa elà t'à geèɂe. Edı̨į̀ Zezì łèt'è k'eèyaı̨htı eyıts'ǫ edı̨į̀ dǫ shègıazhe ı̨lèe sìı ekǫ dàgı̨ı̨de.

John 6:9

“Jǫ chekoa łèt'è nechà-lea sı̨làı eyıts'ǫ łıwe nàke k'ele, hanìkò sıì dǫ łǫ t'à t'asìı elı̨ ha-le,” yèhdı.

Zezì Wecheekeèdeè 27:35

Paul hadı tł'axǫǫ̀ dǫ hazǫǫ̀ godaà łèt'è nıìchì gà Nǫ̀htsı̨ ts'ǫ̀ masì dı. Łèt'è tàı̨zhì gà yı̨ı̨ɂà.

Rome 14:6

Dǫ dzę ı̨łè wegha denahk'e elı̨ nı̨dè, gots'ǫ̀ K'àowo wınà hohtsı̨ gha at'ı̨ hǫt'e. Dǫ bò edèe sìı Nǫ̀htsı̨ ts'ǫ̀ masì nıwǫ t'à, gots'ǫ̀ K'àowo wınà hohtsı̨ gha at'ı̨ hǫt'e. Eyıts'ǫ dǫ bò edè-le sìı gots'ǫ̀ K'àowo wınà hohtsı̨ gha at'ı̨ xè Nǫ̀htsı̨ ts'ǫ̀ masì nıwǫ hǫt'e.

1 Corınth 10:31

Eyıt'à t'asìı ghǫ shèahzhe xè t'asìı aahdǫ, eyıts'ǫ t'asìı t'ahoòyį̀ı̨ haahɂı̨ nı̨dè, wet'à Nǫ̀htsı̨ weghàsǫahdı.

1 Thessalonıca 5:18

Naxıxè dànì k'ehokw'oo sìı Nǫ̀htsı̨ masì wèahdı. Naxı̨ Zezì xè aahdaa sìı Nǫ̀htsı̨ hanì aahda ha naxı̨ı̨hwhǫ.