John 5:42 - Nǫ̀htsı̨ Nı̨htł'è

⁴² hanìkò naxık'èehsǫ; naxıdzeè t'à Nǫ̀htsı̨ ghǫnıahtǫ nıìle.

John 5:42 ပူးပေါင်းရင်းမြစ်များ

Luke 16:15

Eyıt'à Zezì gots'ǫ̀ hadı, “Naxı̨ sìı dǫ gıdaà ehkw'ı k'ehoahɂa, hanìkò Nǫ̀htsı̨ naxıdzeè k'èezǫ hǫt'e. Dǫ ayìı gıgha deɂǫ̀ǫ̀ wet'àaɂàa sìı Nǫ̀htsı̨ wegha wet'àaɂà nıìle.

John 2:25

Dǫnì k'èezǫ t'à, dǫ ghǫ wets'ǫ̀ hats'edı-le kò dǫ gıdzeè k'èezǫ hǫt'e.

John 21:17

K'achı̨ taı t'à Zezì yets'ǫ̀ hadı, “John weza Sımon, seghǫneę̀tǫ nì?” yèhdı. Peter, Zezì taà-eht'aà hayèhdı t'à wegha dìì agòjà. Peter hayèhdı, “Sets'ǫ̀ K'àowo t'asìı hazǫǫ̀ k'èı̨zǫ ne, neghǫneehtǫ sek'èı̨zǫ hǫt'e,” yèhdı. Zezì yets'ǫ̀ hadı, “Sesahzǫ̀ą gıwàı̨dı.

John 5:41

“Dǫ seghǫ nezı̨į̀ agedı gha aht'ı̨-le,

John 5:43

Setà wedahxà jǫ nèehtła, hanìkò ehkw'ı aehsı̨ seahwhǫ-le. Ekò dǫ ededı̨ ededahxà jǫ nììtła nı̨dè eyı dǫ naxıgha ehkw'ı adı ha hǫt'e.

John 5:44

Dǫ naxıghǫ nezı̨į̀ agedı ha dahwhǫ, hanìkò Nǫ̀htsı̨ naxıghǫ nezı̨į̀ adı gha hots'ǫnıahɂà-le. Hanì-ı̨dè dànì naxıgha ehkw'ı-ahodı lì?

John 8:42

Zezì gots'ǫ̀ hadı, “Nǫ̀htsı̨ naxıtà elı̨ nı̨dè seghǫnıahtǫ ha ı̨lè. Nǫ̀htsı̨ gots'ǫ aht'ı̨ eyıts'ǫ dıì jǫ whıhda hǫt'e. Sı̨ sedahxà jǫ ts'ǫ̀ ahjà nıìle, Nǫ̀htsı̨ jǫ ts'ǫ̀ sı̨ı̨hɂà hǫt'e.

John 8:47

Amìı Nǫ̀htsı̨ wets'ǫ dǫ elı̨ı̨ sìı Nǫ̀htsı̨ dàdıı sìı yeèhkw'ǫ hǫt'e. Nǫ̀htsı̨ wets'ǫ dǫ aaht'e nıìle t'à weàhkw'ǫ nıìle,” Zezì gòhdı.

John 8:55

Naxı̨ sìı Nǫ̀htsı̨ wek'èahsǫ nıìle, sı̨ Nǫ̀htsı̨ wek'èehsǫ hǫt'e. Wek'èehsǫ-le dehsı̨ nı̨dè naxıxèht'eè hots'ìı-dǫǫ̀ ehłı̨ ha ı̨lè, hanìkò wek'èehsǫ hǫt'e eyıts'ǫ weyatıì sı k'èhdì hǫt'e.

Rome 8:7

Gonìłı̨ı̨ sìı Nǫ̀htsı̨ wek'èch'a hǫt'e. Nǫ̀htsı̨ nàowoò k'èı̨t'e ha nıwǫ-le xè Nǫ̀htsı̨ nàowoò k'èı̨t'e ha dìì.

1 John 2:15

Dıı nèè gots'ǫ t'asìı wı̨ı̨zìı ghǫnıahtǫ-le. Dǫ dıı nèè ts'ǫ nàowo ghǫneètǫ nı̨dè Nǫ̀htsı̨-Gotà goghǫneètǫǫ sìı k'ę̀ę̀ geeda nıìle.

1 John 3:17

Dǫ t'asìı łǫ wets'ǫ sìı wèot'ı̨ t'asìı wets'ǫ-le yek'èezǫ kò eteyeèɂı̨-le nı̨dè, dànì Nǫ̀htsı̨ goghǫneètǫǫ sìı k'ę̀ę̀ eda ha?

1 John 4:20

Amìı “Nǫ̀htsı̨ ghǫneehtǫ,” hadı hanìkò edèot'ı̨ nèlı̨-le nı̨dè hots'ì adı hǫt'e. Amìı edèot'ı̨ ghàeda kò yeghǫneètǫ-le sìı dànì Nǫ̀htsı̨ wegha wègaat'ı̨-le sìı ghǫneètǫ lì? Hanıı dǫ sìı Nǫ̀htsı̨ ghǫneètǫ-le hǫt'e.

John Wenazhıı 2:23

Ts'èko wecheekeè hazǫǫ̀ ełaàgehde ha. Hanì-ı̨dè Nǫ̀htsı̨ wecheekeè hazǫǫ̀ dǫdzeè yìı eyıts'ǫ dǫnì yìı k'eeht'į̀ aht'e sek'ègeezǫ ha. Eyıts'ǫ naxıhołı̨į̀ k'èxa naxık'eehkwa hǫt'e sek'ègeezǫ ha.