John 5:34 - Nǫ̀htsı̨ Nı̨htł'è

³⁴ Dǫ seghǫ xàyagehtı ha segha wet'àaɂà nıìle, hanìkò naxıgha weghǫ xàyahtı, hanì-ı̨dè naxıgha ehkw'ı-ahodı nı̨dè edaxànaxeetè ha welè.

John 5:34 ပူးပေါင်းရင်းမြစ်များ

Luke 13:34

“Jerusalem got'ı̨į̀, nakwenàoɂǫǫ naxıts'ǫ̀ adlàa sìı naxı̨ kwe t'à ełaàgìahde hǫt'e. K'àba edezaa edı̨ı̨ts'ǫǫ̀ tł'a gòhłaà lanaxehłe ha t'aats'ǫǫ̀ hahwhǫ kò naxı̨ haahwhǫ-le.

Luke 19:10

Dǫ-wet'àaɂàa-deè sìı dǫ dıkǫèdee gokak'eet'į̀ xè edaxàgole gha jǫ nììtła hǫt'e,” Zezì yèhdı.

Luke 24:47

Chrıst wıızì dahxà dıı nèk'e dǫ hazǫǫ̀ xàɂaa ts'ǫ̀ goahde ha, dǫ edek'egı̨ı̨lı̨ nı̨dè gıhołı̨į̀ gıghǫ nahoezhe ha. Jerusalem ekǫ t'akwełǫ̀ǫ̀ dǫ ts'ǫ̀ goahde ha.

John 20:31

Hanìkò ayìı dek'eèhtł'èe sìı naxıgha adlà hǫt'e. Zezì, Nǫ̀htsı̨ Weza, Chrıst hǫt'ee sìı, eyı naxıgha ehkw'ı-ahodı gha dek'eèhtł'è hǫt'e. Naxıgha ehkw'ı-ahodı nı̨dè Zezì wets'ıhɂǫ̀ welǫ whìle ts'ǫ̀ aahda ha.

John 5:32

Hanìkò eyıì-le seghǫ nezı̨į̀ xàyahtıı sìı ehkw'ı hǫt'e, seghǫ dàdıı sìı ıtà ha wek'èehsǫ.

John 5:41

“Dǫ seghǫ nezı̨į̀ agedı gha aht'ı̨-le,

John 8:54

Zezì hadı, “Sı̨ edeghàsǫehdı nı̨dè eyı t'asìı nıìle. Setà, Naxınǫ̀htsı̨ hǫt'e dahdıı sìı, ededı̨ seghàsǫhoedıì asį̀į̀là hǫt'e.

Rome 10:1

Sèot'ı̨ı̨, Israel got'ı̨į̀ edaxàgeedè gha sedzeè nànııtì, eyı gha gıgha yahtı hǫt'e.

Rome 10:21

Hanìkò Israel got'ı̨į̀ goghǫ dıı hadı, “Dǫ sek'èagı̨ı̨t'e-le eyıts'ǫ sek'èch'a eghàlageedaa sìı t'aats'ǫǫ̀ sılà gıts'ǫ̀ aahwhǫ,” dek'eèhtł'è.

Rome 12:21

Nàowołı̨ı̨ naxıdaèt'è aahłe-le, hanìkò nezı̨į̀ dǫ ts'ǫ̀ k'ehoahɂa t'à gınàowołı̨ı̨ wedaàht'e.

Rome 3:3

Ekò Israel got'ı̨į̀ mǫ̀hdaa gıgha ehkw'ı-ahodı-le ts'ıhɂǫ̀ Nǫ̀htsı̨ ayìı dàyele ha gòhdıı sìı edeyatıì k'èdì ha-le nì?

1 Corınth 9:22

Dǫ nàgetso-le sìı gıta aht'ı̨ nı̨dè gıxèht'eè nàhtso-le laht'e, hanì-ı̨dè edahxǫ Zezì gha geehnè ha welì. Dǫ hazǫǫ̀ xàɂaa gıxèwhıht'e ha dehwhǫ, hanì-ı̨dè edahxǫ gıta gots'ǫ dǫ mǫ̀hdaa edaxàgehłe ha welì.

1 Tımothy 4:16

Eyıt'à dànì ı̨daa eyıts'ǫ ayìı dǫ hoghàı̨htǫǫ sìı t'à hotıì edexonehdı. Nàowo ehkw'ıı t'aats'ǫǫ̀ netǫ̀. Hanì ı̨da nı̨dè edaxàdı̨ı̨tè ha, eyıts'ǫ dǫ negeèhkw'ǫǫ sı edaxàgı̨ı̨le ha.

1 John 5:9

Dǫ taı gıdaà dàgòjà gıaɂı̨ı̨ sìı ghǫ ełèht'eè gogede nı̨dè gıgodıì ıtà hǫt'e, hanìkò Nǫ̀htsı̨ xàè Edeza ghǫ gode nı̨dè eyı denahk'e ehkw'ı hǫt'e, Nǫ̀htsı̨ ededı̨ xàyaı̨htı t'à.