John 5:3 - Nǫ̀htsı̨ Nı̨htł'è

^3-4 Eyı wetł'a dǫ-eyaelı̨ı̨ łǫ whete. Mǫ̀hdaa gıdaà goìlee, mǫ̀hdaa k'egedè-le eyıts'ǫ mǫ̀hdaa gıkw'ǫǫ̀ ełaı̨dè.

John 5:3 ပူးပေါင်းရင်းမြစ်များ

Matthew 15:30

Dǫ łǫ gıts'ǫ̀-ède. Dǫ k'egedè-le, dǫ gıdaà goìlee, dǫ gogede-le eyıts'ǫ dǫ-eyagı̨ı̨lı̨ı̨ hazǫǫ̀ Zezì gà nègogį̀ı̨wa t'à k'aàt'ıì agǫ̀ǫ̀là.

Matthew 4:24

Syrıa nèk'e hazǫǫ̀ wegodıì gıìkw'o t'à dǫ eyagı̨ı̨lı̨ı̨ sìı hazǫǫ̀ Zezì ts'ǫ̀ gogeèwa. Dǫ tàda deè t'à eyagı̨ı̨lı̨ı̨, dǫ ı̨nìłı̨ı̨ gıts'ǫ̀-èlı̨ı̨, dǫ edoo t'à eyagı̨ı̨lı̨ı̨, eyıts'ǫ dǫ gıkw'ǫǫ̀ ełaı̨dèe sìı hazǫǫ̀ Zezì k'aàt'ıì agǫǫ̀là.

Luke 7:22

Eyıt'à Zezì, eyı dǫ nàke ts'ǫ̀ hadı, “John-Baptıst ts'ǫ̀ anaahde. Ayìı aahɂı̨ı̨ eyıts'ǫ ayìı aàhkw'oo sìı hazǫǫ̀ wets'ǫ̀ haahdı: Dǫ gıdaà goìlee sìı k'egeet'į̀, k'egedè-le sìı k'egedè, gokwǫ̀ tàda t'à eyagı̨ı̨lı̨ı̨ sìı k'aàt'ıì agejà, gıdzıì goìlee sìı egeèhkw'ǫǫ̀ agejà, ełaàgı̨ı̨dèe sìı nagìdà eyıts'ǫ dǫ etegeèt'ı̨ı̨ sìı godı nezı̨ı̨ egıìkw'o.

John 5:2

Jerusalem ekǫ enìı̨tǫ nechàa gà tıa whehtǫ. (Eyı enìı̨tǫ nechàa sìı “sahzǫ̀ą-gha-enìı̨tǫ” wìyeh, eyıts'ǫ eyı tıa, Aramaıc gıyatıì k'ę̀ę̀, Betesda wìyeh.) Eyı tıa wemǫǫ̀ sagòhɂı̨ı̨-k'è sı̨làı gòla.

Rome 8:25

Hanìkò t'asìı wekanıts'eèɂàa sìı ı̨łaà gots'ǫ-le nı̨dè, ts'èwhı̨į̀ wek'enats'eèhɂı̨.

James 5:7

Sèot'ı̨ı̨, gots'ǫ̀ K'àowo jǫ anade ts'ǫ̀ ts'èwhı̨į̀ naahɂı̨. Dèè-goehshee-dǫǫ̀ sìı wedèè k'e t'asìı dehshee gha naèhɂı̨ı̨ sìı wedaànıahdè. Łık'è eyıts'ǫ xat'ǫ̀ chǫh agode gha ts'èwhı̨į̀ naèhɂı̨ hǫt'e.