John 5:14 - Nǫ̀htsı̨ Nı̨htł'è

¹⁴ Eyı tł'axǫǫ̀ Nǫ̀htsı̨kǫ̀-gocho gà Zezì k'achı̨ nayat'ı̨ t'à, yets'ǫ̀ hadı, “Negha k'aàt'ıì agòjà, nezı̨. K'achı̨ hołı̨ı̨ k'ę̀ę̀ eghàlaı̨da-le, hanì-le-ı̨dè dànì eyanelèe sìı wenahk'e nexè hoìla agode ha,” yèhdı.

John 5:14 ပူးပေါင်းရင်းမြစ်များ

Matthew 12:45

Eyıt'à k'achı̨ xàèhtła. Įnìłı̨ı̨ łǫ̀hdı̨ yenahk'e sıì gıjıı sìı edexè goyagoèwa gà, dǫ yìı nàgedè. Nǫǫde ts'ǫ̀ eyı dǫ t'akwe nahk'e deɂǫ̀ǫ̀ wexè gots'eèdıì agòjà. Dıı dǫ xàgeèɂaa sìı hanì gıxè hòɂǫ ha hǫt'e,” Zezì gòhdı.

Mark 2:5

Zezì eyı dǫ gıgha ehkw'ı-ahodı gok'èezǫ t'à dǫ wekw'ǫǫ̀ ełaı̨dèe ts'ǫ̀ hadı, “Àgı̨ą, nehołı̨į̀ neghǫ nahoazha,” yèhdı.

John 5:13

Dǫ k'aàt'ıì ajàa sìı amìı ayı̨į̀làa sìı yek'èezǫ-le, Zezì dǫnı ts'ǫ̀ èhtła t'à.

John 5:5

Dǫ ı̨łè eyı whedaa sìı taènǫ-daats'ǫ̀-ek'èdı̨ xo gots'ǫ k'eda-le hǫt'e.

John 8:11

Ts'èko yets'ǫ̀ hadı, “K'àowo, dǫ whìle,” yèhdı. Zezì yets'ǫ̀ hadı, “Sı̨ sı hoìla anehłe ha-le. Hòt'a, nekǫ̀ ts'ǫ̀ naı̨tłe, k'achı̨ hołı̨ı̨ nàowoò k'ę̀ę̀ ı̨da-le,” yèhdı.

1 Peter 4:3

Įnę̀ę hòt'a whaà hołı̨ı̨ nàowoò k'ę̀ę̀ aahda ı̨lè, dǫ Nǫ̀htsı̨ k'ègeezǫ-le lanì aahda ı̨lè: ełexè hołı̨ı̨ nàowoò k'ę̀ę̀ eghàlageedaa, hołı̨ı̨ ghats'eewıı, geèhdee, gıgha sìgoèt'ı̨ı̨ zǫ gı̨ı̨wǫǫ, eyıts'ǫ nǫ̀htsı̨ą hòèlı̨ı̨ ts'ǫ̀ yagehtı t'à sıì hołı̨ı̨ hogehtsı̨.