John 5:10 - Nǫ̀htsı̨ Nı̨htł'è

¹⁰ Eyıt'à Israel gha k'aodèe eyı dǫ k'aàt'ıì ajàa sìı ts'ǫ̀ hagedı, “Nǫ̀htsı̨ Dzęę̀ k'e agǫ̀ht'e, gonàowoò k'èch'a netè k'enehchı,” gıìhdı.

John 5:10 ပူးပေါင်းရင်းမြစ်များ

Matthew 12:10

Dǫ ı̨łè wılà ełeènııtsoo eyı wheda. Pharısee gı̨ı̨lı̨ı̨ sìı Zezì k'e nìdahogeeɂà ha gı̨ı̨wǫ t'à gıts'ǫ̀ hadı, “Gonàowoò k'ę̀ę̀ ha nı̨dè, asį̀į̀ Nǫ̀htsı̨ Dzęę̀ k'e dǫ k'aàt'ıì ats'ele ha dìì-le?” gıìhdı.

Mark 2:24

Pharısee gı̨ı̨lı̨ı̨ sìı Zezì ts'ǫ̀ hagedı, “Necheekeè gıghàı̨da! Dànìghǫ Nǫ̀htsı̨ Dzęę̀ k'e ayìı wets'àet'ǫǫ sìı hagehɂı̨?” gıìhdı.

Mark 3:4

Eyı tł'axǫǫ̀ Zezì dǫ gıts'ǫ̀ xànegı̨ı̨ɂaa sìı gots'ǫ̀ hadı, “Nǫ̀htsı̨ Dzęę̀ k'e ayìı wets'àet'ǫ-le? Dǫ ts'ǫ̀ nezı̨į̀ eghàlats'eedaa, hanì-le-ı̨dè dǫ ts'ǫ̀ hoìla ghàlats'eedaa? Dǫ edaxàts'elee hanì-le-ı̨dè dǫ ełaàts'ehwhıı?” gòhdı. Hanìkò Zezì ts'ǫ̀ t'asagedı-le.

Luke 13:14

Nǫ̀htsı̨ Dzęę̀ k'e Zezì k'aàt'ıì ayį̀į̀là t'à, ełègehdèe-kǫ̀ gha k'àowo wek'èch'a. Eyıt'à dǫ hazǫǫ̀ ts'ǫ̀ hadı, “Eghàlats'eeda gha ek'ètaı dzęę̀ whela hǫt'e. K'aàt'ıì aahde ha dahwhǫ nı̨dè eyı dzęę̀ k'e aaht'ı̨, hanìkò Nǫ̀htsı̨ Dzęę̀ k'e haaht'ı̨-le,” gòhdı.

Luke 23:56

Eyı tł'axǫǫ̀ edekǫ̀ ts'ǫ̀ nageèhde. Dǫkw'ǫǫ̀ sıìgele gha dı̨ı̨ts'ıa eyıts'ǫ yìk'eetł'òo sınìgı̨ı̨le. Hanìkò nàowodeè k'ègedì ha gı̨ı̨wǫ t'à, Nǫ̀htsı̨ Dzęę̀ k'e k'èhogeèɂa.

Luke 6:2

Pharısee gı̨ı̨lı̨ı̨ mǫ̀hdaa dagogeehke, “Dànìghǫ Nǫ̀htsı̨ Dzęę̀ k'e ayìı wets'àet'ǫǫ sìı haahɂı̨?” gògedı.

John 1:19

Kǫ̀ta Jerusalem gots'ǫ Israel got'ı̨į̀ gha k'aodèe John-Baptıst dageehke gha, yahtıı eyıts'ǫ Levıte gı̨ı̨lı̨ı̨ gıts'ǫ̀ geèhɂà. Dageehke, “Amìı anet'e?” gıìhdı t'à John-Baptıst gots'ǫ̀ goı̨de.

John 5:11

Hanìkò eyı dǫ hadı, “Dǫ k'aàt'ıì asį̀į̀làa sìı sets'ǫ̀ dıı hadı, ‘Netè nı̨į̀ɂa gà k'eı̨tło,’ sèhdı t'à aht'ı̨,” gòhdı.

John 5:15

Eyı dǫ k'aàt'ıì ajàa sìı Israel gha k'aodèe gots'ǫ̀ èhtła, hagòhdı, “Zezì k'aàt'ıì asį̀į̀là,” gòhdı.

John 5:16

Zezì, Nǫ̀htsı̨ Dzęę̀ k'e hanì eghàlaı̨dà t'à k'aodèe Zezì gha hoìla hogehtsı̨į̀ agejà.

John 7:23

Moses wenàowoò nàahzhì ha-le dahwhǫ t'à Nǫ̀htsı̨ Dzęę̀ k'e dǫzhìa nàweet'àa sìı naxıgha t'asanìle hǫt'e. Ekò sı̨ Nǫ̀htsı̨ Dzęę̀ k'e dǫ deghàà k'aàt'ıì ahɂı̨ nı̨dè dànìghǫ weghǫ sets'ǫ̀ ààhch'e?

John 9:16

Pharısee mǫ̀hdaa Zezì ghǫ hagedı, “Eyı dǫ at'ı̨ı̨ sìı Nǫ̀htsı̨ Dzęę̀ k'èdì nıìle t'à, Nǫ̀htsı̨ gots'ǫ at'ı̨ nıìle,” gedı. Hanìkò mǫ̀hdaa hagedı, “Dıı hanì enıìyah hòèhtsı̨ nı̨dè dànì hołı̨ı̨-hohtsı̨ı̨-dǫǫ̀ welè?” gedı t'à ełek'ę̀ę̀ agı̨ı̨wǫ-le agejà.