John 4:5 - Nǫ̀htsı̨ Nı̨htł'è

⁵ Eyı nèk'e kǫ̀ta Sykar ts'ǫ̀ nègı̨ı̨de. Jacob, dèè edeza Joseph ghàı̨ɂǫǫ sìı ts'ǫ̀ gǫǫwà-le hǫt'e.

John 4:5 ပူးပေါင်းရင်းမြစ်များ

Dànì Kèhoį̀wo 33:19

Eyı dèè k'e nı̨hbàa nàı̨hgèe sìı Hamor wèot'ı̨ gots'ǫ dı̨akw'eènǫ sǫǫ̀mba degoo k'èxa dèè nàgoèhdì ı̨lè. (Hamor Shekem wetà hǫt'e.)

Dànì Kèhoį̀wo 48:22

Nı̨ı̨de gınahk'e nelı̨ k'ę̀ę̀ dèè nezı̨ı̨ dagòɂǫǫ sìı neghàehɂǫ. Eyı dèe sìı behcho eyıts'ǫ k'į̀ t'à Amor got'ı̨į̀ gıghǫ ìhchì ı̨lè hǫt'e,” Jacob yèhdı.

Luke 9:52

Wegha sınìhogììɂà ha t'à, wecheekeè mǫ̀hdaa edenakweè Samarıa got'ı̨į̀ gıkǫ̀ta ts'ǫ̀ agǫ̀ǫ̀là.

John 4:12

Gocho Jacob wenahk'e anet'e nì-ghǫ aı̨dı? Ededı̨ dıı tı-ts'ìhchıı-k'è goghàı̨ɂǫ hǫt'e. Ededı̨ jǫ gots'ǫ tı ats'e, weza sı eyıts'ǫ wets'ǫ tıts'aàdìı sı jǫ tı gıats'e hǫt'e,” yèhdı.

John 4:39

Eyı kǫ̀ta gots'ǫ Samarıa got'ı̨į̀ łǫ Zezì ehkw'ı adı gı̨ı̨wǫǫ̀ agejà. Eyı ts'èko yeghǫ dıı hadı t'à, “T'asìı hazǫǫ̀ hahłàa sìı sets'ǫ̀ hadı.”

John 4:6

T'akwe whaà Jacob dèè goyìı tı-ts'ìhchıı-k'è gòhtsı̨ı̨ sìı eyı gòɂǫ. Zezì nıwà dèhtła t'à nìı̨tsǫ, eyı tı-ts'ìhchıı-k'è gà dèhkwà. Dzętanı ekìıyeè k'e agǫ̀ht'e. (Wecheekeè t'asìı nàgeehdì ha kǫ̀ta ts'ǫ̀ geède ı̨lè.) Nı̨į̀là kǫ̀ta Samarıa gots'ǫ ts'èko tı ìhchı ha eyı nììtła. Zezì yets'ǫ̀ hadı, “Tı sàı̨dı,” yèhdı.