John 4:46 - Nǫ̀htsı̨ Nı̨htł'è

⁴⁶ Zezì k'achı̨ Galılee nèk'e kǫ̀ta Cana nììtła, ekǫ tı t'à jìetì whehtsı̨ ı̨lè. Dèe-ts'ǫ̀-k'àowo-cheekeè ı̨łè ekǫ wheda, kǫ̀ta Capernaum ekǫ weza eyaelı̨.

John 4:46 ပူးပေါင်းရင်းမြစ်များ

Matthew 15:22

Canaan got'ı̨į̀ gots'ǫ ts'èko eyı nàdèe sìı Zezì ts'ǫ̀ èhtła. Ezeh xè hadı, “Sets'ǫ̀ K'àowo, Davıd Weza, etesenèeɂı̨! Setì ı̨nìłı̨ı̨ wets'ǫ̀-èlı̨ t'à sıì daı̨ɂa dìì,” hadıì ezeh.

Matthew 4:13

Kǫ̀ta Nazareth nàı̨dè tł'axǫǫ̀ kǫ̀ta Capernaum nàdè ajà. Eyı kǫ̀ta Zebulun eyıts'ǫ Naphtalı gınèk'e, tı nechàa whehtǫ gà gòɂǫ.

Matthew 9:18

Zezì ı̨łaà goxè godo ekò, k'àowo ı̨łè yegà nììtła gà yets'ǫ̀ nàgòı̨hgè, hayèhdı, “Setì dıìhk'ǫ̀ą ełaı̨wo. Hanìkò sexè sekǫ̀ nàwheętła xè nılà wek'e anelà nı̨dè naìdà ha,” yèhdı.

Luke 4:23

Zezì gots'ǫ̀ hadı, “Dıı hasèahdı ha wek'èehsǫ, ‘Nàèdı-k'èezǫǫ k'aàt'ıì adı̨ı̨le. Kǫ̀ta Capernaum ekǫ ayìı ghàlaneedàa sìı jǫ nekǫ̀ta sı hanele,’ sèahdı ha hǫt'e.

Luke 7:2

Eyı kǫ̀ta eghǫǫ-dǫǫ̀-gha-k'àowo edecheekeè ı̨łè ghǫneètǫǫ sìı hòtł'ò eyaelı̨ t'à ełaàdaawı ı̨lè.

John 2:12

Eyı hagòjà tł'axǫǫ̀ Zezì edemǫ, edechı eyıts'ǫ edecheekeè xè kǫ̀ta Capernaum ts'ǫ̀ geède. Ekǫ whaà-lea ts'ǫ̀ agı̨ı̨t'è.

John 21:2

Sımon-Peter, Thomas (Ełèchǫekèa wìyeh), Nathanael (Galılee nèk'e kǫ̀ta Cana gots'ǫ dǫ), Zebedee weza nàke eyıts'ǫ wedę wecheekeè nàke, hazǫǫ̀ ełexè geèhkw'e ı̨lè.