John 4:42 - Nǫ̀htsı̨ Nı̨htł'è

⁴² Eyıt'à ts'èko ts'ǫ̀ hagedı, “Neyatıì zǫ t'à gogha ehkw'ı-ahodı nıìle, hanìkò goxı̨ xàè weyatıì ts'ıìkw'o t'à. Ededı̨ sìı xàè dıı nèk'e dǫ Edaxàgolee elı̨ hǫt'e, hotıì wek'èts'eezǫǫ̀ ats'ejà,” gıìhdı.

John 4:42 ပူးပေါင်းရင်းမြစ်များ

Matthew 1:21

Dǫzhìa nìı̨htè ha. Edèot'ı̨ gıhołı̨į̀ ch'à edaxàgole ha t'à, Zezì wìyeh awı̨ı̨le ha,” yèhdı.

Luke 2:32

Dǫ hazǫǫ̀ Israel got'ı̨į̀ gı̨ı̨lı̨-le sìı gogha dzęh nı̨ı̨dı̨ı̨ elı̨ t'à gıgha xègaat'ı̨ ha eyıts'ǫ wets'ıhɂǫ̀ Israel got'ı̨į̀, nets'ǫ dǫ agı̨ı̨t'ee sìı, gıxè enıìyah hòɂǫ ha,” Sımeyon hadıì xàyaı̨htı.

John 1:29

Ek'èdaedzęę̀ k'e John-Baptıst, Zezì yets'ǫ̀ etłe yaɂı̨ ekò, hadı, “K'eaht'į̀. Nǫ̀htsı̨ wesahzǫ̀ą wet'à dıı nèk'e dǫ gıhołı̨į̀ hazǫǫ̀ nahoezhe ha!

John 11:17

Zezì kǫ̀ta Bethany gà nıwà-lea nììtła ekò hòt'a dı̨ dzęę̀ ts'ǫ̀ Lazarus wekw'ǫǫ̀ nègı̨į̀tǫ ı̨lè yeghǫ ıìkw'o.

John 17:8

Yatı seghàneeɂǫǫ sìı gıghàehɂǫ xè gıgha ehkw'ı-ahodı. Nets'ǫ aht'ı̨ hotıì sek'ègeezǫ, eyıts'ǫ nı̨ seneehɂàa sìı gıgha ehkw'ı-ahodı.

John 4:29

“Sek'èahdè! Yeè dǫ whedaa sìı t'asìı hazǫǫ̀ hahłàa sìı yek'èezǫ. Asį̀į̀ eyı Chrıst at'ı̨ sǫnı?” gòhdı.

John 4:41

Zezì weyatıì ts'ıhɂǫ̀ denahk'e dǫ łǫ gıgha ehkw'ı-ahodıì agejà.

Zezì Wecheekeèdeè 13:23

“Nǫ̀htsı̨ sìı Davıd wets'ıhɂǫ̀ǫ-dǫǫ̀ gots'ǫ amìı Edaxàgolee elı̨ı̨ sìı Israel got'ı̨į̀ ts'ǫ̀ ayı̨į̀là. Eyı sìı Zezì hǫt'e. Eyıt'à Nǫ̀htsı̨ edeyatıì k'ę̀ę̀ eghàlaı̨dà.

Zezì Wecheekeèdeè 4:12

Ededı̨ zǫ edaxàgole ha hǫt'e. Dıı nèk'e dǫ wı̨ı̨zìı wet'à edaxàts'eedè ha gǫ̀hłı̨ nıìle,” Peter gòhdı.

Zezì Wecheekeèdeè 5:31

Nǫ̀htsı̨ ı̨dòo ts'ǫ̀ neyı̨į̀htı̨, edegà nàgòts'ehnèe whedaà ayį̀į̀là, gogha k'àowocho yèhtsı̨ eyıts'ǫ edaxàgole ha ayį̀į̀là. Eyıt'à Israel got'ı̨į̀ edek'egı̨ı̨lı̨ nı̨dè gıhołı̨į̀ goghǫ nahoele ha.

2 Corınth 5:19

Nǫ̀htsı̨ sìı Zezì-Krı wet'ǫ̀ǫ̀ dıı nèk'e dǫ edexè ts'èwhı̨į̀ geedaà agǫ̀ǫ̀là, eyıt'à gıhołı̨į̀ k'èxa gosınìyaehtı nıìle. Nǫ̀htsı̨ dànì dǫ edexè ts'èwhı̨į̀ geedaà agohɂı̨ı̨ sìı weghǫ dǫ ts'ǫ̀ hats'edı ha goghàhòı̨ɂǫ hǫt'e.

1 Tımothy 4:10

Eyıt'à wek'ę̀ę̀ hòtł'ò eghàlats'eeda xè wet'à dats'ı̨ı̨ɂa, Nǫ̀htsı̨ edaa sìı wegha goınì nàtsoò ats'ı̨ı̨là t'à. Nǫ̀htsı̨ sìı dıı nèk'e ts'ǫ dǫ hazǫǫ̀ edaxàlee elı̨ı̨ hǫt'e, eyıts'ǫ dǫ gıgha ehkw'ı-ahodıı sìı denahk'e edaxàgole hǫt'e.

1 John 2:2

Ededı̨ sìı gohołı̨į̀ k'èxa ełaàwı gha Nǫ̀htsı̨ ghàdìtı̨ hǫt'e. Goxı̨ zǫ gogha ajà nıìle, dıı nèk'e dǫ hazǫǫ̀ gıhołı̨į̀ gha ełaı̨wo.

1 John 4:14

Nǫ̀htsı̨-Gotà, Weza dǫ Edaxàgolee elı̨ ha dıı nèk'e ts'ǫ̀ ayį̀į̀làa sìı wets'aɂı̨ t'à weghǫ gots'ede hǫt'e.

1 John 5:20

Nǫ̀htsı̨ Weza sìı dıı nèk'e ts'ǫ̀ ajà, eyıts'ǫ wenàowoò wenıts'eedì agǫ̀ǫ̀là wek'èts'eezǫ, eyıt'à ededı̨ sìı ehkw'ı hǫt'e wek'èts'eezǫ. Nǫ̀htsı̨ Weza Zezì-Krı ehkw'ı hǫt'e sìı wexè ats'ı̨ı̨t'e. Ededı̨ xàè Nǫ̀htsı̨ ehkw'ı elı̨, eyıts'ǫ ededı̨ wet'à welǫ whìle ts'ǫ̀ ts'eeda ha hǫt'e.