John 4:37 - Nǫ̀htsı̨ Nı̨htł'è

³⁷ Dǫ dıı hagedı ehkw'ı hǫt'e, ‘Dǫ ı̨łè wet'à t'asìı dehshee nèyele, eyıts'ǫ dǫ ı̨łè wets'ǫ t'asìı dıìdìı nàyehtsį̀.’

John 4:37 ပူးပေါင်းရင်းမြစ်များ

Luke 19:21

‘Dǫ dìì anet'e t'à nets'àehjı̨. T'asìı dehshe gha t'asìı dèè k'e nèneela-le kò, wets'ǫ t'asìı ı̨į̀hchı,’ yèhdı.

John 14:12

Ehkw'ı anaxèehsı̨, dǫ wegha ehkw'ı aehsı̨ı̨ sìı ayìı ghàlaehdaa sìı ededı̨ sı yeghàlaeda ha hǫt'e. Setà ts'ǫ̀ anahde ha t'à eyı dǫ denahk'e enıìyah hohtsı̨ ha.

John 4:36

Dǫ t'asìı dıìdìı xàyeht'àa sìı hòt'a dıì-t'ıì wets'àɂeedì hǫt'e. Hòt'a dıì-t'ıì welǫ whìle ts'ǫ̀ geeda ha dǫ łǫ nàhtsį̀. Hanì-ı̨dè dǫ t'asìı dehshee nègelee sìı eyıts'ǫ dǫ t'asìı dıìdìı nàgehtsį̀ı̨ sìı į̀łah ełexè gınà ha hǫt'e.

John 4:38

La wek'e eghàlaahdà-le kò, wets'ǫ t'asìı dehshee nàahtsį̀ ha ts'ǫ̀ naxehɂa hǫt'e. Dǫ eyıì-le hòtł'ò gıghàlagı̨ı̨dà, gılaà gots'ǫ t'asìı nezı̨ı̨ nàahtsį̀ ha,” Zezì edecheekeè gòhdı.