John 4:24 - Nǫ̀htsı̨ Nı̨htł'è

²⁴ Nǫ̀htsı̨ sìı Įnì hǫt'e. Dǫ Nǫ̀htsı̨ ts'ǫ̀ yagehtıı sìı wets'ǫ Įnì t'à ehkw'ı gıts'ǫ̀ yahtı ha hǫt'e,” yèhdı.

John 4:24 ပူးပေါင်းရင်းမြစ်များ

John 4:23

Įdaà nı̨dè —hòt'a jǫ nìhǫǫwo— amìı Nǫ̀htsı̨-Gotà ts'ǫ̀ sıì yagehtı ha gı̨ı̨wǫ nı̨dè, Nǫ̀htsı̨ wets'ǫ Įnì t'à ehkw'ı gıts'ǫ̀ yahtı ha hǫt'e. Gotà hanì wets'ǫ̀ yats'ehtı ha goı̨hwhǫ hǫt'e.

2 Corınth 1:12

Godzeè t'à nàowo degaı k'ę̀ę̀ eyıts'ǫ ehkw'ı k'ę̀ę̀ eghàlats'ı̨ı̨dà wek'èts'eezǫ hǫt'e. Nǫ̀htsı̨ wek'ę̀ę̀ dıı nèk'e dǫ gıta eyıts'ǫ naxıta hanì denahk'e eghàlats'ı̨ı̨dà hǫt'e. Dıı nèk'e gots'ǫ wet'à gots'ı̨ı̨zǫǫ nàowoò k'ę̀ę̀ ats'ı̨ı̨t'į̀ nıìle, Nǫ̀htsı̨ wesǫnıwǫ k'ę̀ę̀ ats'ı̨ı̨t'į̀ hǫt'e. Eyı weghǫ xàdahots'edì ha dìì-le.

2 Corınth 3:17

Gots'ǫ̀ K'àowo Įnì Degaı hǫt'e, eyıts'ǫ edı̨į̀ gots'ǫ̀ K'àowo wets'ǫ Įnì Degaı wehòhɂǫǫ sìı dǫ k'ahogedè agììdlà hǫt'e.

Phılıppı 3:3

Goxı̨ sìı hòt'a gokwǫ̀ nàat'a ı̨lè lanì, eyıts'ǫ Nǫ̀htsı̨ wets'ǫ Įnì Degaı wedahxà Nǫ̀htsı̨ ts'ǫ̀ yats'ehtı. Zezì-Krı weghàsǫts'eedı t'à, t'asìı deè ts'ı̨ı̨lı̨ı̨ sìı weghǫ xàhots'edì nıìle.

1 Tımothy 1:17

Gots'ǫ K'àowocho welǫ whìle ts'ǫ edaa, eładı̨į̀ ade-le, eyıts'ǫ wègaat'ı̨-le sìı, weghàsǫts'eedı welè. Gonǫ̀htsı̨ ı̨łàet'ee zǫ sìı welǫ whìle ts'ǫ̀ wexè enıìyah welè. Amen.