John 4:15 - Nǫ̀htsı̨ Nı̨htł'è

¹⁵ Ts'èko yets'ǫ̀ hadı, “K'àowo, k'achı̨ tı ghaehwhı ha-le t'à, eyı tı seghàı̨dı, hanì-ı̨dè t'aats'ǫǫ̀ jǫ ts'ǫ̀ tı ghǫehda ha-le,” yèhdı.

John 4:15 ပူးပေါင်းရင်းမြစ်များ

John 4:16

Zezì yets'ǫ̀ hadı, “Nedǫǫ̀ xàątła gà wexè jǫ nàątła,” yèhdı.

John 6:26

Zezì hadı, “Ehkw'ı anaxèehsı̨, t'aahwhǫ ts'ǫ̀ łèt'è ghǫ shèahzhe t'à sekaahwhǫ hǫt'e, naxıdaà enıìyah nàhòwo t'à sekaahwhǫ nıìle.

John 6:34

Zezì ts'ǫ̀ hagedı, “K'àowo, jǫ gots'ǫ ı̨daà eyı łèt'è goghàı̨dı,” gıìhdı.

John 6:35

Eyıt'à Zezì edeghǫ dıı hadıì xàyaı̨htı, “Sı̨ eyı łèt'è wet'à ts'eedaa aht'e. Amìı sets'ǫ̀ at'ı̨ı̨ sìı k'achı̨ deèhdì hǫı̨lı̨ ha-le, eyıts'ǫ amìı wegha ehkw'ı aehsı̨ı̨ sìı k'achı̨ tı ghaewı ha-le.

Rome 6:23

Hołı̨ı̨ hots'ehtsı̨ k'èxa ełaàts'ede hǫt'e. Hanìkò gots'ǫ̀ K'àowo Zezì-Krı wet'ǫ̀ǫ̀ Nǫ̀htsı̨ welǫ whìle ts'ǫ̀ ts'eedaà agǫ̀ǫ̀là hǫt'e.

Rome 8:5

Dǫ edınìłı̨ı̨ k'ę̀ę̀ geedaa sìı gınìłı̨ı̨ t'anıwǫǫ sìı k'ę̀ę̀ gınì nàtsoò adegį̀į̀là. Hanìkò dǫ Yedàyeh Nezı̨ı̨ k'ę̀ę̀ geedaa sìı Yedàyeh Nezı̨ı̨ dànıwǫǫ sìı k'ę̀ę̀ gınì nàtsoò adegį̀į̀là.

1 Corınth 2:14

Dǫ Yedàyeh Nezı̨ı̨ dę edaa sìı Nǫ̀htsı̨ wets'ǫ Įnì gots'ǫ t'asìı yenıedì nıìle. Eyı sìı wegha ezhı̨ne lanì, eyıts'ǫ yenıedì ha dìì. Dǫ Yedàyeh Nezı̨ı̨ wets'ǫ̀-èlı̨ nı̨dè zǫ, Nǫ̀htsı̨ ts'ǫǫ̀hk'e t'asìı yenıedì hǫt'e.

James 4:3

Weahkè sǫnı kò t'asìı naxıghǫ̀t'à-le nı̨dè naxınì ekǫ-le t'à weahkè ts'ıhɂǫ̀ hǫt'e. T'asìı naxıghǫ̀t'ǫ nı̨dè sìgoèt'ı̨ı̨ zǫ ts'ǫ̀ wek'ehoahwhı ha dahwhǫ.

1 John 5:20

Nǫ̀htsı̨ Weza sìı dıı nèk'e ts'ǫ̀ ajà, eyıts'ǫ wenàowoò wenıts'eedì agǫ̀ǫ̀là wek'èts'eezǫ, eyıt'à ededı̨ sìı ehkw'ı hǫt'e wek'èts'eezǫ. Nǫ̀htsı̨ Weza Zezì-Krı ehkw'ı hǫt'e sìı wexè ats'ı̨ı̨t'e. Ededı̨ xàè Nǫ̀htsı̨ ehkw'ı elı̨, eyıts'ǫ ededı̨ wet'à welǫ whìle ts'ǫ̀ ts'eeda ha hǫt'e.