John 4:14 - Nǫ̀htsı̨ Nı̨htł'è

¹⁴ Hanìkò amìı tı weghàehdıı sìı k'achı̨ tı wı̨ı̨zìı ghaewı ha nıìle. Tı weghàehdıı sìı weyìı gots'ǫ tı xàelı̨ı̨ lade ha; yet'à welǫ whìle ts'ǫ̀ eda ha,” yèhdı.

John 4:14 ပူးပေါင်းရင်းမြစ်များ

Matthew 25:46

“Eyı dǫ gots'ı̨hts'ǫ nàgeèhzaa sìı welǫ whìle ts'ǫ̀ dagı̨ı̨ɂa ha, hanìkò amìı ehkw'ı edaa sìı welǫ whìle ts'ǫ̀ eda ha,” Zezì hadıì goxè godo.

Matthew 5:6

Amìı nàowo ehkw'ıı ghǫ sıì hòtł'ò agı̨ı̨wǫǫ sìı gıxè sìghà hǫt'e; ayìı gı̨ı̨wǫǫ sìı gıghǫ̀t'à ha.

John 10:10

Eeɂį̀ı̨-dǫǫ̀ sìı sahzǫ̀ą deɂį̀ı̨ xè ełaàgòhde zǫ gha at'ı̨, hanìkò sı̨ set'à geeda ha jǫ ahjà, eyıts'ǫ denahk'e gıxè sìghà hòɂǫ gha jǫ ahjà.

John 11:26

Eyıts'ǫ amìı ı̨łaà eda xè ehkw'ı adı sı̨ı̨hwhǫǫ sìı ełaàwı hǫı̨lı̨ ha-le. Eyı asį̀į̀ negha ehkw'ı-ahodı?” Zezì yèhdı.

John 4:10

Zezì hayèhdı, “Nǫ̀htsı̨ ayìı dǫ ghàɂàa sìı wek'èı̨zǫ nı̨dè, eyıts'ǫ amìı tı neekèe sìı wek'èı̨zǫ nı̨dè, tı wı̨ı̨kè ha ı̨lè. Hanì-ı̨dè tı wet'à ts'eedaa neghàedı ha ı̨lè,” yèhdı.

John 4:11

Ts'èko yets'ǫ̀ hadı, “K'àowo, wet'à tı ts'ìhchıı nets'ǫ-le eyıts'ǫ tı-ts'ìhchıı-k'è ı̨zhıì tı ts'ǫ̀ gǫǫwà. Eyıt'à edı̨į̀ gots'ǫ tı wet'à ts'eedaà anele lì?

John 4:13

Zezì yets'ǫ̀ hadı, “Amìı dıı tı yedǫǫ sìı k'achı̨ tı ghaewıì ade ha hǫt'e.

John 4:36

Dǫ t'asìı dıìdìı xàyeht'àa sìı hòt'a dıì-t'ıì wets'àɂeedì hǫt'e. Hòt'a dıì-t'ıì welǫ whìle ts'ǫ̀ geeda ha dǫ łǫ nàhtsį̀. Hanì-ı̨dè dǫ t'asìı dehshee nègelee sìı eyıts'ǫ dǫ t'asìı dıìdìı nàgehtsį̀ı̨ sìı į̀łah ełexè gınà ha hǫt'e.

John 6:27

Łèt'è tsį̀wı ha sìı gha eghàlaahda-le, hanìkò łèt'è wet'à welǫ whìle ts'ǫ̀ aahda ha sìı gha eghàlaahda. Dǫ-wet'àaɂàa-deè eyı łèt'è naxıghàɂà ha. Ededı̨ sìı Nǫ̀htsı̨-Gotà wınì k'ę̀ę̀ eghàlaeda wek'èedzǫǫ̀ ayı̨į̀là hǫt'e,” hadı.

John 6:35

Eyıt'à Zezì edeghǫ dıı hadıì xàyaı̨htı, “Sı̨ eyı łèt'è wet'à ts'eedaa aht'e. Amìı sets'ǫ̀ at'ı̨ı̨ sìı k'achı̨ deèhdì hǫı̨lı̨ ha-le, eyıts'ǫ amìı wegha ehkw'ı aehsı̨ı̨ sìı k'achı̨ tı ghaewı ha-le.

John 6:58

Dıı łèt'è sìı yak'e gots'ǫ nììtła hǫt'e. Naxıcho ‘manna’ ghǫ shègıazhee sìı ełaàgı̨ı̨dè, hanìkò amìı dıı łèt'è ghǫ shètı̨ı̨ sìı welǫ whìle ts'ǫ̀ eda ha hǫt'e,” gòhdı.

John 7:37

Dzędeè gha nǫǫde dzęę̀ nàtsoo wheɂǫ k'e Zezì dǫnı ts'ǫ̀ hòtł'ò hadı, “Amìı tı ghaewıı sìı sets'ǫ̀ awede gà tı wedǫ̀.

Rome 5:21

Hanì hòɂǫ t'à hołı̨ı̨ ts'ıhɂǫ̀ dǫ ełaàgede ı̨lè, hanìkò Nǫ̀htsı̨ gots'ǫ̀ sǫnıwǫ t'à ehkw'ı geedaa k'ę̀ę̀ gııtà agole ha, eyıts'ǫ Zezì-Krı wet'ǫ̀ǫ̀ welǫ whìle ts'ǫ̀ geedaà agole ha.

Rome 6:23

Hołı̨ı̨ hots'ehtsı̨ k'èxa ełaàts'ede hǫt'e. Hanìkò gots'ǫ̀ K'àowo Zezì-Krı wet'ǫ̀ǫ̀ Nǫ̀htsı̨ welǫ whìle ts'ǫ̀ ts'eedaà agǫ̀ǫ̀là hǫt'e.

2 Corınth 1:22

eyıts'ǫ wets'ǫ ats'ı̨ı̨t'e wek'èhoedzǫǫ̀ ayį̀į̀là. Eyıt'à edets'ǫ Įnì Degaı godzeè yìı nàdè ayį̀į̀là, wet'à gogha sǫǫ̀mba nìı̨ɂǫ lanì, eyı weghàà ı̨daà ayìı godawhelaa sìı hotıì goghǫ̀t'à ha wek'èhoedzǫǫ̀ ayį̀į̀là.

Ephesus 4:30

Eyıts'ǫ Nǫ̀htsı̨ wets'ǫ Įnì Degaı sìı wedzeè nànııtì aweahłe-le. Ededı̨ sìı weghàà Nǫ̀htsı̨ wets'ǫ dǫ aaht'e eyıts'ǫ nǫǫde dzęę̀ k'e edaxànaxeetè gha naxık'èhoedzǫ hǫt'e.

1 Peter 1:22

Hòt'a nàowo ehkw'ıı k'èaht'e t'à degaı k'ę̀ę̀ aahda adèahłà hǫt'e. Eyı ts'ıhɂǫ̀ naxèot'ı̨ sıì gıghǫnıahtǫ. Hęɂę, naxıdzeè t'à sıì ełeghǫnıahtǫ ha hǫt'e.

1 John 5:20

Nǫ̀htsı̨ Weza sìı dıı nèk'e ts'ǫ̀ ajà, eyıts'ǫ wenàowoò wenıts'eedì agǫ̀ǫ̀là wek'èts'eezǫ, eyıt'à ededı̨ sìı ehkw'ı hǫt'e wek'èts'eezǫ. Nǫ̀htsı̨ Weza Zezì-Krı ehkw'ı hǫt'e sìı wexè ats'ı̨ı̨t'e. Ededı̨ xàè Nǫ̀htsı̨ ehkw'ı elı̨, eyıts'ǫ ededı̨ wet'à welǫ whìle ts'ǫ̀ ts'eeda ha hǫt'e.

John Wenazhıı 7:16

Welǫ whìle ts'ǫ̀ degeèhdì ha-le eyıts'ǫ tı sı ghageewı ha-le. Sadeè nàtsoo gık'e ade ha-le, eyıts'ǫ sıì edı t'à dagı̨ı̨ɂa ha-le.

John Wenazhıı 7:17

Eyı sahzǫ̀ą daèhchı̨cho gà tanı nàwoo sìı sahzǫ̀ą-k'èdìı-dǫǫ̀ lanì gok'èdì ha. Tı nı̨ı̨lı̨ı̨ wet'à ts'eedaa sìı ts'ǫ̀ agole ha. Eyıts'ǫ Nǫ̀htsı̨ gonatì hazǫǫ̀ yedeedı ha,” ǫhdah hasèhdı.