John 4:1 - Nǫ̀htsı̨ Nı̨htł'è

¹ Pharısee gı̨ı̨lı̨ı̨ sìı Zezì, John-Baptıst nahk'e dǫ łǫ k'ètaìdzı̨ eyıts'ǫ wecheekeè łǫ ajà ghǫ gıìkw'o.

John 4:1 ပူးပေါင်းရင်းမြစ်များ

Luke 1:76

Ekò nı̨, seza, Nǫ̀htsı̨ wenahk'e gǫ̀hłı̨-le wets'ǫ nakwenàoɂǫǫ nègedı ha. Gots'ǫ̀ K'àowo wenakweè naı̨tłe ha wegha ts'atà sıìgoı̨le ha.

Luke 19:31

‘Ayìıha daweahge?’ dǫ naxèhdı nı̨dè, ‘Gots'ǫ̀ K'àowo yet'à-at'ı̨ ha nıwǫ,’ hawèahdı nǫǫ̀,” Zezì gòhdı.

Luke 19:34

“K'àowo yet'à-at'ı̨ ha nıwǫ,” gògedı.

Luke 2:11

Dıı dzęę̀ k'e k'àowocho Davıd wekǫ̀ta Edaxàgolee elı̨ı̨ sìı wegǫ̀hłı̨. Eyı bebìa sìı gots'ǫ̀ K'àowo Chrıst hǫt'e.

Luke 7:13

Gots'ǫ̀ K'àowo ts'èko eɂı̨ ekò weghǫ wedzeè dìì, hayèhdı, “Netse-le,” yèhdı.

Luke 7:19

Eyıt'à edecheekeè nàke Zezì ts'ǫ̀ goèhɂà. “Dıı hanì daweahke: ‘Dǫ ı̨łè jǫ nììtła ha ı̨lèe sìı asį̀į̀ eyı anet'e? Eyı anet'e-le nı̨dè asį̀į̀ dǫ eyıì-le danats'eèhɂı̨ ha?’ wèahdı,” gòhdı.

John 3:22

Eyı tł'axǫǫ̀ Zezì edecheekeè xè Judea nèk'e ts'ǫ̀ geède. Ekǫ whaà-lea ts'ǫ̀ goxè aı̨t'è, eyıts'ǫ dǫ k'ètaìdzı̨.

John 3:26

Eyıt'à John-Baptıst ts'ǫ̀ geède, hagedı, “K'àowo, dǫ ı̨łè, Jordan deh te nexè at'ı̨ weghǫ goneedè là, dǫ k'ètaìdzı̨ t'à dǫ hazǫǫ̀ wets'ǫ̀ aget'ı̨,” gıìhdı.

Zezì Wecheekeèdeè 10:36

Nǫ̀htsı̨ Israel got'ı̨į̀ yatı gots'ǫ̀ ayį̀į̀làa sìı wek'èahsǫ hǫt'e. Zezì dǫ hazǫǫ̀ ts'ǫ̀ k'àowo elı̨ı̨ sìı wets'ıhɂǫ̀ dǫ xè sìghà hòɂǫ hǫt'e. Nǫ̀htsı̨ hanì yatı gots'ǫ̀ ayį̀į̀là ı̨lè.

1 Corınth 1:17

Zezì-Krı, dǫ k'ètaìhdzı̨ ts'ǫ̀ sı̨ı̨hɂà nıìle, godı nezı̨ı̨ t'à dǫ xè gohdo ha sı̨ı̨hɂà hǫt'e. Dıı nèk'e wet'à gogı̨ı̨zǫ t'à gohde nıìle. Hanì gòhde nı̨dè Zezì dànì gogha dechı̨et'aa k'e ełaı̨wo wegodıì sìı naxıgha nàtso-le ahłe ha.

1 Corınth 15:47

T'akwełǫ̀ǫ̀ dǫ wehòèlı̨ı̨ sìı dıı nèk'e gots'ǫ ehtł'è t'à hòèlı̨ hǫt'e, hanìkò dǫ nǫǫde ajàa sìı yak'e gots'ǫ hǫt'e.

1 Corınth 2:8

Dıı nèk'e k'aodèe gı̨ı̨lı̨ı̨ sìı gınıedì-le ı̨lè. Gınıedì nı̨dè gots'ǫ̀ K'àowo enıìyah wehòhɂǫǫ sìı dechı̨et'aa k'e ełaàgıìhwhı ha-le ı̨lè.

2 Corınth 4:5

Goxı̨ edeghǫ gots'edeè-ats'edı-le, Zezì-Krı, t'asìı hazǫǫ̀ ts'ǫ̀ k'àowo elı̨ı̨ sìı weghǫ gots'edeè-ats'edı. Zezì wets'ıhɂǫ̀ naxıgha eghàlats'eeda hǫt'e.

James 2:1

Sèot'ı̨ı̨, gots'ǫ̀ K'àowo Zezì-Krı wexè enıìyah hòɂǫǫ sìı naxıgha ehkw'ı-ahodı t'à, dǫ mǫ̀hdaa zǫ nezı̨į̀ gıts'ǫ̀ naahɂa-le, dǫ hazǫǫ̀ naxıgha ełègı̨ı̨ht'e ha hǫt'e.

John Wenazhıı 19:16

Weɂeè nedèe k'e eyıts'ǫ wedzaà k'e wıızì dek'eèhtł'è: “K'àodèe ts'ǫ̀ K'àowo, k'àowocho hazǫǫ̀ gha K'àowocho,” dek'eèhtł'è.