John 3:27 - Nǫ̀htsı̨ Nı̨htł'è

²⁷ John-Baptıst gots'ǫ̀ hadı, “Amìı yak'e gots'ǫ la weghǫ̀t'ǫǫ sìı yek'ę̀ę̀ zǫ eghàlaeda hǫt'e.

John 3:27 ပူးပေါင်းရင်းမြစ်များ

Matthew 21:25

John-Baptıst dǫ k'ètaìdzı̨ı̨ sìı amìı dahxà at'ı̨ nǫǫ̀? Yak'e godahxà at'ı̨ hanì-le-ı̨dè dǫ dahxà at'ı̨?” gòhdı. Eyı ghǫ ełets'ǫ̀ hagedı, “ ‘Yak'e godahxà at'ı̨,’ ts'edı nı̨dè ‘Dànìghǫ ehkw'ı adıı weahwhǫ-le nǫǫ̀?’ gòhdı ha.

Matthew 25:15

Sı̨làı-lemì satsǫ̀ą dekwoo edecheekeè ı̨łè ghàı̨la, k'achı̨ nàke-lemì satsǫ̀ą dekwoo edecheekeè ı̨łè ghàı̨la eyıts'ǫ k'achı̨, ı̨łè-lemì satsǫ̀ą dekwoo edecheekeè ı̨łè ghàı̨la. Dànì nezı̨į̀ eghàlageeda k'ę̀ę̀ satsǫ̀ą dekwoo gotaàwhela. Eyı tł'axǫǫ̀ nıwà kǫ̀taèhtła.

Mark 13:34

Dıı godı lagode ha: Dǫ ahxee t'asį̀ı̨ gǫǫwà ts'ǫ̀ kǫ̀taetła ha t'à edecheekeè t'asìı hazǫǫ̀ ts'ǫ̀ k'àhogedè agǫǫ̀là eyıts'ǫ gıtaàt'eè la goghàı̨ɂǫ. Eyıts'ǫ detła kwe enìı̨tǫ-k'èdìı-dǫǫ̀ ts'ǫ̀ hadı, ‘Hotıì kexoı̨hdı,’ yèhdı.

John 10:41

dǫ łǫ gıts'ǫ̀ède. Hagedı, “John-Baptıst enıìyah hòèhtsı̨-le, hanìkò dıı dǫ ghǫ dàdı ı̨lèe sìı hazǫǫ̀ ehkw'ı hǫt'e nǫǫ̀,” gedı.

John 6:65

Eyıt'à hagòhdı, “Eyı ts'ıhɂǫ̀ dıı hanaxèehsı̨ ı̨lè, ‘Setà dǫ sets'ǫ̀ ayı̨į̀là lenǫsıı dǫ wı̨ı̨zìı sets'ǫ̀ ade ha dìì,’ ” gòhdı.

Rome 1:5

Gots'ǫ̀ K'àowo sets'ǫ̀ sǫnıwǫ t'à wecheekeèdeè ehłı̨ ha sį̀į̀hchì. Eyıt'à wedahxà dıı nèk'e hazǫǫ̀ ts'ǫ̀ dǫ eyıì-le xàɂaa Nǫ̀htsı̨ gıgha ehkw'ı-ahodı xè gık'èı̨t'e ha gıkayahtı ha hǫt'e.

Rome 12:6

Wesǫnıwǫ ts'ıhɂǫ̀ goxı̨ hazǫǫ̀ t'asìı wet'à-ats'et'ı̨ ha Nǫ̀htsı̨ goghàyı̨ı̨la hǫt'e. Dǫ Yedàyeh Nezı̨ı̨ dahxà xàyahtı ha weghàhòt'ǫ nı̨dè wınì dànàı̨htsoo sìı k'ę̀ę̀ yet'àwet'į̀.

1 Corınth 1:1

Sı̨ Paul aht'e, Nǫ̀htsı̨ wedahxà Zezì-Krı wecheekeèdeè ehłı̨ gha sìhchı hǫt'e. Gòet'ı̨ Sostenes wexè dıı enı̨htł'è kǫ̀ta Corınth Nǫ̀htsı̨ wecheekeè nàgedèe sìı gıts'ǫ̀ ts'eetł'è. Zezì-Krı wet'ǫ̀ǫ̀ Nǫ̀htsı̨ edegha gòį̀hchìı hǫt'e. Eyıts'ǫ hazǫǫ̀ nèk'e dǫ Zezì-Krı ghǫ gınì nàtsoo sìı ededı̨ sı gıts'ǫ̀ ts'eetł'è hǫt'e. Zezì gıts'ǫ̀ K'àowo elı̨ hǫt'e eyıts'ǫ goxı̨ sı gots'ǫ̀ K'àowo elı̨ hǫt'e.

1 Corınth 12:11

Yedàyeh Nezı̨ı̨ ı̨łè zǫ hǫt'e, hanìkò eyı hazǫǫ̀ yeghàlaeda hǫt'e. Hotıì dànıwǫǫ sìı k'ę̀ę̀ edets'ǫ dǫ t'asìı goghàɂà hǫt'e.

1 Corınth 15:10

Hanìkò Nǫ̀htsı̨ wesǫnıwǫ ts'ıhɂǫ̀ wecheekeèdeè whıhłı̨, wesǫnıwǫ t'à dǫ eładı̨ı̨ whıhłı̨į̀ asį̀į̀là. Wecheekeèdeè hazǫǫ̀ gınahk'e hòtł'ò eghàlaıhdà, hanìkò sı̨ adehɂı̨ nıìle, Nǫ̀htsı̨ wesǫnıwǫ seyìı eghàlaedaa sìı at'ı̨ hǫt'e.

1 Corınth 3:5

Apollos eyıts'ǫ Paul, ayìı gı̨ı̨lı̨ı̨ ghǫ aahdı? Ekìı Nǫ̀htsı̨ wecheekeè awììt'e. Nǫ̀htsı̨ naxıts'ǫ̀ goı̨hɂà t'à naxıgha ehkw'ı-ahodıì aahjà hǫt'e. Goxı̨ ı̨łak'aà Nǫ̀htsı̨ la goghàı̨ɂǫ k'ę̀ę̀ weghàlawìda hǫt'e.

1 Corınth 4:7

Amìı dǫ nahk'e aaht'eè anaxį̀į̀là? T'asìı naxıts'ǫ sìı naxıghǫ̀t'ǫ hǫt'e. T'asìı naxıghǫ̀t'ǫ nı̨dè dànìghǫ t'asìı naxıghǫ̀t'ǫ-le lanì xàdahoahdì?

Galatıa 1:1

Sı̨, Paul, Zezì wecheekeèdeè aht'e. Dǫ segı̨ı̨hɂà nıìle, hanìkò Zezì-Krı sı̨ı̨hɂà hǫt'e, eyıts'ǫ Nǫ̀htsı̨-Gotà, Zezì naìdà ayį̀į̀làa sìı sı̨ı̨hɂà hǫt'e.

Ephesus 1:1

Sı̨ Paul, Nǫ̀htsı̨ wedahxà Zezì-Krı wecheekeèdeè aht'e. Dıı enı̨htł'è kǫ̀ta Ephesus Nǫ̀htsı̨ wets'ǫ dǫ nàgedèe eyıts'ǫ Zezì-Krı ghǫ t'aats'ǫǫ̀ gınì nàtsoo sìı gıts'ǫ̀ eehtł'è hǫt'e.

1 Tımothy 2:7

Eyı weghǫ gohde ha t'à wecheekeèdeè ehłı̨ ha sìhchì, eyıts'ǫ dǫ Israel got'ı̨į̀ agı̨ı̨t'e-le sìı nàowo ehkw'ıı k'ę̀ę̀ Nǫ̀htsı̨ gıgha ehkw'ı-ahodı ha hoghàgeehtǫ. Ehkw'ı naxıts'ǫ̀ haehsı̨, hohts'ì gohde nıìle.

James 1:17

T'asìı hazǫǫ̀ nezı̨ı̨ xè wedeèdlı̨ı̨ gots'ǫ̀ at'ı̨ı̨ sìı ı̨dòo yak'e gots'ǫ hǫt'e. Nǫ̀htsı̨-Gotà, sa eyıts'ǫ whǫ̀ whehtsı̨ı̨ sìı gots'ǫ̀ ayehɂı̨ hǫt'e. Nǫ̀htsı̨ sìı, wınì nàke nıìle, edınì eładı̨į̀ ayehɂı̨ nıìle.