John 3:21 - Nǫ̀htsı̨ Nı̨htł'è

²¹ Hanìkò dǫ ehkw'ı eda ha nıwǫǫ sìı dzęh ts'ǫ̀ at'ı̨, hanì-ı̨dè ayìı eghàlaedaa sìı Nǫ̀htsı̨ wedahxà at'ı̨, hotıì wek'èhoedzǫ hǫt'e,” Zezì gòhdı.

John 3:21 ပူးပေါင်းရင်းမြစ်များ

John 1:47

Zezì, Nathanael naetłe yaɂı̨ ekò yets'ǫ̀ hadı, “Dıı dǫ Israel got'ı̨į̀ wedeèdlı̨ı̨ elı̨ hǫt'e, eyıts'ǫ eghǫyats'eeɂàa wı̨ı̨zìı wets'ǫ̀-èlı̨-le,” Zezì yeghǫ hadı.

John 3:20

Dǫ hołı̨ı̨ hogehtsı̨ı̨ sìı dzęh dzagı̨ı̨hwhǫ. Gıhołı̨į̀ wègaat'ı̨ ha sǫnı gı̨ı̨wǫ t'à, dzęh ts'ǫ̀ aget'ı̨-le.

John 5:39

Nǫ̀htsı̨ Nı̨htł'è wet'à welǫ whìle ts'ǫ̀ ts'eeda ha dahwhǫ t'à, hotıì weghàdeahtǫ. Eyı Nǫ̀htsı̨ Nı̨htł'è sìı seghǫ godeè adı hǫt'e,

John 7:17

Amìı Nǫ̀htsı̨ k'èı̨t'e ha sìı asį̀į̀ Nǫ̀htsı̨ wedahxà gohde, hanì-le-ı̨dè ededahxà gohde, yek'èezǫ ha hǫt'e.

1 Corınth 15:10

Hanìkò Nǫ̀htsı̨ wesǫnıwǫ ts'ıhɂǫ̀ wecheekeèdeè whıhłı̨, wesǫnıwǫ t'à dǫ eładı̨ı̨ whıhłı̨į̀ asį̀į̀là. Wecheekeèdeè hazǫǫ̀ gınahk'e hòtł'ò eghàlaıhdà, hanìkò sı̨ adehɂı̨ nıìle, Nǫ̀htsı̨ wesǫnıwǫ seyìı eghàlaedaa sìı at'ı̨ hǫt'e.

2 Corınth 1:12

Godzeè t'à nàowo degaı k'ę̀ę̀ eyıts'ǫ ehkw'ı k'ę̀ę̀ eghàlats'ı̨ı̨dà wek'èts'eezǫ hǫt'e. Nǫ̀htsı̨ wek'ę̀ę̀ dıı nèk'e dǫ gıta eyıts'ǫ naxıta hanì denahk'e eghàlats'ı̨ı̨dà hǫt'e. Dıı nèk'e gots'ǫ wet'à gots'ı̨ı̨zǫǫ nàowoò k'ę̀ę̀ ats'ı̨ı̨t'į̀ nıìle, Nǫ̀htsı̨ wesǫnıwǫ k'ę̀ę̀ ats'ı̨ı̨t'į̀ hǫt'e. Eyı weghǫ xàdahots'edì ha dìì-le.

Galatıa 6:8

Dǫ wınìłı̨ı̨ k'ę̀ę̀ eghàlaeda nı̨dè wınìłı̨ı̨ ts'ıhɂǫ̀ wedıhołè ha. Ekò dǫ Yedàyeh Nezı̨ı̨ dànıwǫ k'ę̀ę̀ eghàlaeda nı̨dè Yedàyeh Nezı̨ı̨ ts'ıhɂǫ̀ welǫ whìle ts'ǫ̀ eda ha hǫt'e.

Ephesus 5:9

(Dzęh ts'eeda nı̨dè t'asìı nezı̨ı̨ zǫ eghàlats'eeda, ehkw'ı k'ehots'eɂa eyıts'ǫ nàowo ehkw'ıı xè ts'eeda.)

Phılıppı 1:11

Eyıts'ǫ Zezì-Krı wets'ıhɂǫ̀ t'asìı hazǫǫ̀ t'à ehkw'ı k'ehoahɂa, hanì-ı̨dè Nǫ̀htsı̨ weghàsǫhoedı ha hǫt'e.

Phılıppı 2:13

Nǫ̀htsı̨ ededı̨ naxıdzeè yìı eghàlaeda t'à. Ededı̨ sìı wenàowoò nezı̨ı̨ k'ę̀ę̀ dahwhǫǫ̀ anaxehɂı̨ eyıts'ǫ wek'ę̀ę̀ aahdaà anaxehɂı̨.

Colosse 1:29

Eyı gha hòtł'ò eghàlaehda xè nàhǫhoehwho. Nǫ̀htsı̨ wet'ıì t'asìı hazǫǫ̀ gha nàhtso asehɂı̨, eyıt'à hanì eghàlaehda ha dìì-le.

Hebrew 13:21

Nǫ̀htsı̨ wınì k'ę̀ę̀ eghàlaahda gha t'asìı hazǫǫ̀ naxıghàyııle. Eyıts'ǫ ayìı wınì k'ę̀ę̀ ne sìı Zezì-Krı wet'ǫ̀ǫ̀ naxıdzeè yìı yeghàlaıdà. Welǫ whìle ts'ǫ̀ Zezì weghàsǫhoedı welè. Amen.

1 Peter 1:22

Hòt'a nàowo ehkw'ıı k'èaht'e t'à degaı k'ę̀ę̀ aahda adèahłà hǫt'e. Eyı ts'ıhɂǫ̀ naxèot'ı̨ sıì gıghǫnıahtǫ. Hęɂę, naxıdzeè t'à sıì ełeghǫnıahtǫ ha hǫt'e.

1 John 1:6

Wexè ats'et'ı̨ ts'edı kò ı̨łaà togoòtł'òo k'ę̀ę̀ ts'eeda nı̨dè, hots'ets'ì hǫt'e, eyıts'ǫ nàowo ehkw'ıı k'ę̀ę̀ ts'eeda nıìle.

3 John 1:11

Seàgı̨ą, ayìı hołı̨ı̨ ne sìı k'ę̀ę̀ anet'ı̨-le, hanìkò ayìı nezı̨ı̨ sìı k'ę̀ę̀ anet'ı̨. Dǫ nezı̨į̀ k'ehoɂaa sìı Nǫ̀htsı̨ wets'ǫ at'ı̨ hǫt'e. Dǫ hołı̨ı̨ hohtsı̨ı̨ sìı Nǫ̀htsı̨ k'èezǫ nıìle.

John Wenazhıı 3:15

Dànì eghàlaahdaa sìı wek'èehsǫ, segha whek'òo eyıts'ǫ whekǫ̀ǫ laaht'e-le. Eyı nàke sìı ı̨łè ààhchı nı̨dè dehwhǫ.