John 3:15 - Nǫ̀htsı̨ Nı̨htł'è

¹⁵ Dǫ ehkw'ı adı yı̨ı̨hwhǫǫ sìı welǫ whìle ts'ǫ̀ eda ha.

John 3:15 ပူးပေါင်းရင်းမြစ်များ

Matthew 18:10

“Dıı chekoa nechà-lea sìı gıt'àhoòɂà-le dahwhǫ sǫ̀ǫ̀. Ehkw'ı anaxèehsı̨, gıts'ǫ yak'eet'ı̨į̀, Setà yak'e whedaa sìı t'aats'ǫǫ̀ wınì ghàgeeda hǫt'e.

Matthew 25:46

“Eyı dǫ gots'ı̨hts'ǫ nàgeèhzaa sìı welǫ whìle ts'ǫ̀ dagı̨ı̨ɂa ha, hanìkò amìı ehkw'ı edaa sìı welǫ whìle ts'ǫ̀ eda ha,” Zezì hadıì goxè godo.

Mark 16:16

Amìı wegha ehkw'ı-ahodı xè wek'ètaìdzǫǫ sìı edaxàweetè ha, hanìkò amìı wegha ehkw'ı-ahodı-le sìı wegha hoìla ha.

Luke 19:10

Dǫ-wet'àaɂàa-deè sìı dǫ dıkǫèdee gokak'eet'į̀ xè edaxàgole gha jǫ nììtła hǫt'e,” Zezì yèhdı.

John 1:12

Hanìkò dǫ hazǫǫ̀ ehkw'ı adı gı̨ı̨hwhǫ xè wexè aget'ı̨ ha gı̨ı̨wǫǫ sìı Nǫ̀htsı̨ weza gı̨ı̨lı̨ k'ę̀ę̀ gııtà agǫ̀ǫ̀là.

John 16:33

“Dıı hazǫǫ̀ naxıts'ǫ̀ haehsı̨ hǫt'e, hanì-ı̨dè sı̨ set'à naxıgha ts'èwhı̨į̀ hòɂǫ ha. Dıı nèk'e naxıxè hoìla ha hǫt'e. Hanìkò sı̨ sìı dıı nèk'e hazǫǫ̀ gıghǫèhnǫ ne t'à, naxınì nàtsoò aahłe,” Zezì gòhdı.

John 20:31

Hanìkò ayìı dek'eèhtł'èe sìı naxıgha adlà hǫt'e. Zezì, Nǫ̀htsı̨ Weza, Chrıst hǫt'ee sìı, eyı naxıgha ehkw'ı-ahodı gha dek'eèhtł'è hǫt'e. Naxıgha ehkw'ı-ahodı nı̨dè Zezì wets'ıhɂǫ̀ welǫ whìle ts'ǫ̀ aahda ha.

John 3:16

“Nǫ̀htsı̨ dıı nèk'e dǫ hazǫǫ̀ sıì goghǫneètǫ t'à, edeza ı̨łàet'ee dǫ tł'aàyį̀ı̨htı̨. Amìı ehkw'ı adı yı̨ı̨hwhǫǫ sìı wedıhołè ha-le, welǫ whìle ts'ǫ̀ eda ha.

John 3:36

Amìı Nǫ̀htsı̨ Weza ehkw'ı adı yı̨ı̨hwhǫǫ sìı welǫ whìle ts'ǫ̀ eda ha. Amìı Weza nıwǫ-le sìı welǫ whìle ts'ǫ̀ eda ha-le, Nǫ̀htsı̨ hoìla yeghàhòɂà ha sìı wedawheɂǫ hǫt'e,” John-Baptıst edecheekeè gòhdı.

John 5:24

“Ehkw'ı anaxèehsı̨, amìı seyatıì ıìkw'o xè t'aa sı̨ı̨hɂàa sìı ehkw'ı adı yı̨ı̨hwhǫǫ sìı welǫ whìle ts'ǫ̀ eda ha, eyıts'ǫ hoìla awedle ha-le. Ełaı̨wo gots'ǫ eda ts'ǫ̀ łataèhtła hǫt'e.

John 6:27

Łèt'è tsį̀wı ha sìı gha eghàlaahda-le, hanìkò łèt'è wet'à welǫ whìle ts'ǫ̀ aahda ha sìı gha eghàlaahda. Dǫ-wet'àaɂàa-deè eyı łèt'è naxıghàɂà ha. Ededı̨ sìı Nǫ̀htsı̨-Gotà wınì k'ę̀ę̀ eghàlaeda wek'èedzǫǫ̀ ayı̨į̀là hǫt'e,” hadı.

John 6:40

Dǫ hazǫǫ̀ Weza ts'ǫ̀ nageɂa xè gıgha ehkw'ı ahodıı sìı welǫ whìle ts'ǫ̀ geeda ha, Setà hanì ha nıwǫ hǫt'e. Amìı ehkw'ı aehsı̨ sı̨ı̨hwhǫǫ sìı nǫǫde dzęę̀ k'e nı̨dè naìdà awehłe ha,” Zezì hadı edeghǫ gode.

John 6:47

Ehkw'ı anaxèehsı̨, amìı ehkw'ı adı sı̨ı̨hwhǫǫ sìı welǫ whìle ts'ǫ̀ edaa sìı hòt'a weghǫ̀t'ǫ hǫt'e.

Zezì Wecheekeèdeè 13:41

‘Naxı̨ seyatıì ghaahdlòo yàahłı̨ı̨ sìı aàhkw'o xè ts'ehłı̨ laahde. Dıı nèk'e aahda ekìıyeè k'e t'asìı nechàa eghàlaehda ha, eyı sìı naxıgha ehkw'ı-ahodı ha-le. Dǫ hanaxègedı kò naxıgha ehkw'ı agedı ha nıìle,’ dek'eèhtł'è,” Paul gòhdı.

Zezì Wecheekeèdeè 8:36

Tı̨lı k'e nagıadè ekò tı whehtǫ gà nègı̨ı̨de. Eyı dǫ hadı, “Jǫ tı whehtǫ, asį̀į̀ sek'ètaìdzı̨ ha dìì-le?” yèhdı.

Rome 5:21

Hanì hòɂǫ t'à hołı̨ı̨ ts'ıhɂǫ̀ dǫ ełaàgede ı̨lè, hanìkò Nǫ̀htsı̨ gots'ǫ̀ sǫnıwǫ t'à ehkw'ı geedaa k'ę̀ę̀ gııtà agole ha, eyıts'ǫ Zezì-Krı wet'ǫ̀ǫ̀ welǫ whìle ts'ǫ̀ geedaà agole ha.

1 Corınth 1:18

Dǫ gıdıhołè ha sìı dechı̨et'aa wegodıì t'à gots'ede nı̨dè, gıgha ezhı̨ne k'ę̀ę̀ gots'ede lanì, hanìkò goxı̨ edaxàts'ı̨ı̨dee sìı gogha Nǫ̀htsı̨ wets'ǫ t'asìı nàtsoo hǫt'e.

2 Corınth 4:3

Gots'ǫ godı nezı̨ı̨ sìı dǫ mǫ̀hdaa deghàà gınıedì-le t'à gıgha ɂehtł'ı̨ ɂı̨į̀ wheɂǫ lanì, dǫ gıdıhołè ha ts'ǫ̀ gıadèe sìı gıgha hanì hǫt'e.

Galatıa 2:16

Hanìkò dıı wek'èts'eezǫ hǫt'e: dǫ Moses wenàowoò k'èdìı t'à ehkw'ıì awedle ha nıìle, hanìkò Zezì-Krı wegha ehkw'ı-ahodı zǫ t'à ehkw'ıì awedle ha hǫt'e. Eyıt'à Israel got'ı̨į̀ ats'ı̨ı̨t'ee sìı goxı̨ sı Zezì-Krı gogha ehkw'ı-ahodıì ats'ejà hǫt'e, hanì-ı̨dè Zezì-Krı gogha ehkw'ı-ahodı t'à Nǫ̀htsı̨ ehkw'ıì agole ha. Moses wenàowoò k'èts'edì t'à ehkw'ıì ats'ede ha nıìle, dǫ wı̨ı̨zìı Moses wenàowoò k'èdìı t'à ehkw'ıì awedle ha nıìle t'à.

Galatıa 2:20

Zezì-Krı wexè dechı̨et'aa k'e ełaıhwho hǫt'e, eyıt'à sı̨ xàè ehda nıìle, hanìkò Zezì-Krı ededı̨ sedzeè yìı eda hǫt'e. T'aı̨waà sezhį̀į̀ t'à ehda gots'ǫ̀ Nǫ̀htsı̨ Weza segha ehkw'ı-ahodı t'à ehda hǫt'e. Ededı̨ sìı seghǫneètǫ t'à segha ełaı̨wo hǫt'e.

Hebrew 10:39

Hanìkò goxı̨ sìı dǫ ek'èt'à anagejà t'à gıdıhòłı̨ı̨ sìı gıta gots'ǫ ats'ı̨ı̨t'e nıìle, dǫ gıgha ehkw'ı-ahodıı xè edaxàgı̨ı̨dee sìı gıta ats'ı̨ı̨t'e.

Hebrew 7:25

Eyıt'à Zezì ededı̨ wet'ǫ̀ǫ̀ amìı Nǫ̀htsı̨ ts'ǫ̀ at'ı̨ı̨ sìı deghàà edaxàgole ha wegha dìì-le hǫt'e. T'aats'ǫǫ̀ eda t'à dǫ gha Nǫ̀htsı̨ ts'ǫ̀ yahtı ha dìì-le hǫt'e.

1 John 2:25

Dıı hanì goxè yatı nàtsoo whehtsı̨ ı̨lè, “Welǫ whìle ts'ǫ̀ ts'eeda ha,” gòhdı ı̨lè.

1 John 5:1

Amìı, Zezì Nǫ̀htsı̨ yį̀į̀hchì hǫt'e wegha ehkw'ı-ahodıı sìı Nǫ̀htsı̨ gots'ǫ wegǫ̀hłı̨ hǫt'e, eyıts'ǫ amìı Gotà ghǫneètǫǫ sìı Weza sı ghǫneètǫ hǫt'e.

1 John 5:20

Nǫ̀htsı̨ Weza sìı dıı nèk'e ts'ǫ̀ ajà, eyıts'ǫ wenàowoò wenıts'eedì agǫ̀ǫ̀là wek'èts'eezǫ, eyıt'à ededı̨ sìı ehkw'ı hǫt'e wek'èts'eezǫ. Nǫ̀htsı̨ Weza Zezì-Krı ehkw'ı hǫt'e sìı wexè ats'ı̨ı̨t'e. Ededı̨ xàè Nǫ̀htsı̨ ehkw'ı elı̨, eyıts'ǫ ededı̨ wet'à welǫ whìle ts'ǫ̀ ts'eeda ha hǫt'e.