John 3:14 - Nǫ̀htsı̨ Nı̨htł'è

¹⁴ T'akwe whaà Moses, ekìı-ka nèk'e dechı̨ k'e gòo ı̨dòo ts'ǫ̀ ayį̀į̀là ı̨lè. Eyı xèht'eè Dǫ-wet'àaɂàa-deè dechı̨ k'e ı̨dòo awedle ha hǫt'e.

John 3:14 ပူးပေါင်းရင်းမြစ်များ

Matthew 26:54

Eyı weehkè nı̨dè, Nǫ̀htsı̨ Nı̨htł'è k'e ayìı dek'eèhtł'èe sìı wek'ę̀ę̀ agode ha nıìle,” Zezì yèhdı.

Matthew 8:20

Zezì yets'ǫ̀ hadı, “Nǫgèe gıɂǫ gǫ̀hłı̨ eyıts'ǫ chı̨ą sı gıt'oh gǫ̀hłı̨, hanìkò Dǫ-wet'àaɂàa-deè edı̨į̀ kwìhɂǫ ha gǫ̀hłı̨-le,” yèhdı.

Luke 24:20

Yahtıı-gha-k'aodèe, eyıts'ǫ gogha k'aodèe gı̨ı̨lı̨ı̨ sìı k'àowo Pılate tł'aàgį̀ı̨htı̨. Ełaàwı ha gısınìyaı̨htı tł'axǫǫ̀ dechı̨et'aa k'e gedı̨į̀htsò.

John 18:32

(Eyı hagòjàa sìı Zezì dànì ełaàwı ha edeghǫ goı̨de ı̨lèe sìı wek'ę̀ę̀ agode ha t'à hagòjà.)

John 6:51

Yak'e gots'ǫ łèt'è dıı nèk'e ts'ǫ̀ ajàa sìı, eyı aht'e. Dıı łèt'è dǫ yeghǫ shètı̨ nı̨dè welǫ whìle ts'ǫ̀ eda ha. Dıı łèt'è sezhį̀į̀ hǫt'e, dıı nèk'e dǫ hazǫǫ̀ gıgha hǫt'e, wet'à dǫ eda ha,” Zezì gòhdı.

John 8:28

Eyıt'à Zezì gots'ǫ̀ hadı, “Dǫ-wet'àaɂàa-deè ı̨dòo dexewıìtsò awèahłà nı̨dè, amìı aht'e naxèehsı̨ı̨ sìı k'ǫǫ̀t'a wek'èahsǫ ha. Sı̨ sedahxà t'asìı ghàlaehda nıìle, Setà ayìı hoghàseèhtǫǫ sìı eyı zǫ t'à gohde hǫt'e.

Zezì Wecheekeèdeè 2:23

Eyı Zezì sìı naxıghàwììtı̨ hǫt'e. Nǫ̀htsı̨ hanì ha nıwǫ t'à eyıts'ǫ hawedle ha nadąą̀ yek'èezǫ t'à naxıghàyı̨ı̨htı̨ hǫt'e. Naxı̨ dǫjıı naxıts'àgı̨ı̨dì t'à dechı̨et'aa k'e wedeàhtsò xè ełaàwèahwho hǫt'e.