John 3:13 - Nǫ̀htsı̨ Nı̨htł'è

¹³ Dǫ wı̨ı̨zìı yak'e hoaɂı̨ whìle, amìı yak'e gots'ǫ dıı nèk'e ts'ǫ̀ ajàa sìı ededı̨ zǫ yak'e hoaɂı̨ hǫt'e. Eyı sìı Dǫ-wet'àaɂàa-deè hǫt'e.

John 3:13 ပူးပေါင်းရင်းမြစ်များ

Matthew 28:20

Eyıts'ǫ yatı hazǫǫ̀ naxıghàıhɂǫǫ sìı gık'į̀ı̨t'e ha hoghàgıahtǫ. Nǫǫde dzęę̀ agode ts'ǫ̀ t'aats'ǫǫ̀ naxıxè aht'e ha hǫt'e,” gòhdı.

Matthew 8:20

Zezì yets'ǫ̀ hadı, “Nǫgèe gıɂǫ gǫ̀hłı̨ eyıts'ǫ chı̨ą sı gıt'oh gǫ̀hłı̨, hanìkò Dǫ-wet'àaɂàa-deè edı̨į̀ kwìhɂǫ ha gǫ̀hłı̨-le,” yèhdı.

John 1:18

Dǫ wı̨ı̨zìı Nǫ̀htsı̨ aɂı̨ whìle. Nǫ̀htsı̨ ededı̨ ı̨łàet'ee zǫ Nǫ̀htsı̨-Gotà gà whedaa sìı, Nǫ̀htsı̨ k'èts'eezǫǫ̀ agǫ̀ǫ̀là.

John 13:3

Zezì, Wetà t'asìı hazǫǫ̀ ts'ǫ̀ k'àowo ayį̀į̀là, yek'èezǫ. Nǫ̀htsı̨ gots'ǫ at'ı̨ eyıts'ǫ Nǫ̀htsı̨ ts'ǫ̀ anade ha edek'èezǫ.

John 17:5

Setà, dıı nèè hòèlı̨ kwe nexè seghàsǫhoedı ı̨lè xèht'eè nexè seghàsǫhoedı ası̨ı̨le.

John 3:12

Dıı nèè gots'ǫ t'asìı ghǫ naxıxè gohdo, hanìkò naxıgha ehkw'ı-le. Ekò yak'e gots'ǫ t'asìı ghǫ naxıxè gohdo nı̨dè dànì naxıgha ehkw'ı aehsı̨ lì?

John 3:31

“Įdòo gots'ǫ hodàèhtłaa sìı eyı denahk'e wet'àaɂàa deè hǫt'e. Dıı nèk'e gots'ǫ dǫ elı̨ı̨ sìı dıı nèè gots'ǫ dǫ hǫt'e, eyıt'à dıı nèè gots'ǫ dǫ gok'ę̀ę̀ gode. Ekò yak'e gots'ǫ nììtłaa sìı hazǫǫ̀ t'à gonahk'e wet'àaɂàa deè hǫt'e.

John 6:33

Yak'e gots'ǫ hodàèhtłaa sìı ededı̨, Nǫ̀htsı̨ wełèt'è hǫt'e, dıı nèk'e dǫ geedaà agohɂı̨,” gòhdı.

John 6:38

Sınì k'ę̀ę̀ eghàlaehda ha yak'e gots'ǫ jǫ nèehtła nıìle, hanìkò amìı sı̨ı̨hɂàa sìı ededı̨ wınì k'ę̀ę̀ eghàlaehda ha ahjà.

John 6:42

Hagedı, “Dıı Joseph weza Zezì nì-ı̨t'e? Wetà eyıts'ǫ wemǫ gık'èts'eezǫ hǫt'e. Eyıt'à dànìghǫ edeghǫ hadı, ‘Yak'e gots'ǫ hodàèhtła,’ ” gedı.

John 6:46

Dǫ wı̨ı̨zìı Gotà aɂı̨ whìle, Nǫ̀htsı̨ wets'ǫ ne sìı ededı̨ zǫ Gotà eɂı̨ hǫt'e.

John 6:51

Yak'e gots'ǫ łèt'è dıı nèk'e ts'ǫ̀ ajàa sìı, eyı aht'e. Dıı łèt'è dǫ yeghǫ shètı̨ nı̨dè welǫ whìle ts'ǫ̀ eda ha. Dıı łèt'è sezhį̀į̀ hǫt'e, dıı nèk'e dǫ hazǫǫ̀ gıgha hǫt'e, wet'à dǫ eda ha,” Zezì gòhdı.

John 6:62

Dǫ-wet'àaɂàa-deè edı̨į̀ gots'ǫ at'ı̨ı̨ sìı naxıdaà ı̨dòo anajà nı̨dè weghǫ dàahwhǫ ha?

John 8:42

Zezì gots'ǫ̀ hadı, “Nǫ̀htsı̨ naxıtà elı̨ nı̨dè seghǫnıahtǫ ha ı̨lè. Nǫ̀htsı̨ gots'ǫ aht'ı̨ eyıts'ǫ dıì jǫ whıhda hǫt'e. Sı̨ sedahxà jǫ ts'ǫ̀ ahjà nıìle, Nǫ̀htsı̨ jǫ ts'ǫ̀ sı̨ı̨hɂà hǫt'e.

Zezì Wecheekeèdeè 2:34

K'àowocho Davıd ı̨dòo yak'e ts'ǫ̀ nıwıìtı̨ nıìle, hanìkò dıı hadı, ‘Gots'ǫ̀ K'àowo, sets'ǫ̀ K'àowo ts'ǫ̀ hadı, Amìı nets'ǫ̀ xànegı̨ı̨ɂaa sìı hazǫǫ̀ gıghǫı̨hnè agehłe gots'ǫ̀, nàgòts'ehnèe k'e segà wheęda,’ dek'eèhtł'è.

Zezì Wecheekeèdeè 20:28

Hotıì edexoahdı eyıts'ǫ Nǫ̀htsı̨ wecheekeè sı gıxoahdı, Yedàyeh Nezı̨ı̨ eyı la naxıghàı̨ɂǫ hǫt'e. Nǫ̀htsı̨ ededoò t'à edets'ǫ dǫ edaxàwhela ne t'à nezı̨į̀ gıxoahdı.

Rome 10:6

Hanìkò gogha ehkw'ı-ahodı t'à ehkw'ı agòìdlà nı̨dè, dıı hats'edı ha: “ ‘Amìı ı̨dòo yak'e ts'ǫ̀ ade ha, (Zezì-Krı hodàts'eechı ha t'à)?’ naxıdzeè yìı haahdı-le,” edèts'edı ha.

1 Corınth 15:47

T'akwełǫ̀ǫ̀ dǫ wehòèlı̨ı̨ sìı dıı nèk'e gots'ǫ ehtł'è t'à hòèlı̨ hǫt'e, hanìkò dǫ nǫǫde ajàa sìı yak'e gots'ǫ hǫt'e.