John 21:9 - Nǫ̀htsı̨ Nı̨htł'è

⁹ Tabàa dàgeède ekò kǫ̀kwıì k'e łıwe et'è eyıts'ǫ łèt'è wheɂǫ gıaɂı̨.

John 21:9 ပူးပေါင်းရင်းမြစ်များ

Matthew 4:11

Eyı tł'axǫǫ̀ wehłı̨ı̨ yets'ǫǫ̀ nàèhtła. Ekòet'ıì yak'eet'ı̨į̀ Zezì gà nègı̨ı̨de xè yeghǫ shètı̨ gıghàı̨dì.

Mark 8:3

Dǫ mǫ̀hdaa gǫǫwà gots'ǫ aget'ı̨ t'à bò dę nageedè agèhłà nı̨dè degeèhdì t'à nàgeetł'ì ha sǫnı,” gòhdı.

John 18:18

Edza t'à dǫ goyìı eghàlagıìdèe eyıts'ǫ k'aodèe kǫ̀ dèk'ǫ̀ǫ gà nàgeèhza xè nagìgwı. Peter ededı̨ sı gogà nàwo xè naìgwı.

John 21:10

Zezì gots'ǫ̀ hadı, “Łıwe whahłìı sìı, mǫ̀hdaa jǫ nìahwha,” gòhdı.

John 21:13

Zezì gots'ǫ̀ èhtła, łèt'è neyıìchı gà goghàyı̨ı̨dì eyıts'ǫ łıwe sı hayį̀į̀là.

John 21:8

Wecheekeè elà yìı geèhkw'ee sìı Peter k'èè geèɂe, tabàa ts'ǫ̀ taekw'eènǫ gokè laàgǫǫwha agǫ̀ht'e. Mį̀ t'à łı dagoòɂǫ tàgeelì.

John 6:11

Eyı tł'axǫǫ̀ Zezì łèt'è neyı̨į̀wa, yek'eèyaı̨htı gà dǫ geèhkw'ee sìı gotaàgį̀ı̨la. T'agı̨ı̨wǫ ts'ǫ̀ shègıazhe. Eyı xèht'eè łıwe hayı̨į̀là.

John 6:9

“Jǫ chekoa łèt'è nechà-lea sı̨làı eyıts'ǫ łıwe nàke k'ele, hanìkò sıì dǫ łǫ t'à t'asìı elı̨ ha-le,” yèhdı.