John 21:3 - Nǫ̀htsı̨ Nı̨htł'è

³ Sımon-Peter gots'ǫ̀ hadı, “Mį̀ t'à łı k'alahwho ha,” gòhdı. “Nexè ats'ede ha,” gıìhdı. Eyıt'à ekǫ geèɂe. Hanìkò eyı toò k'e t'asìı wı̨ı̨zìı gehłì-le.

John 21:3 ပူးပေါင်းရင်းမြစ်များ

Luke 5:5

Sımon yets'ǫ̀ hadı, “Gots'ǫ̀ K'àowo, to ghàà mį̀ k'alats'ı̨ı̨dè, hanìkò t'asìı wı̨ı̨zìı ts'ehłì-le. Hanìkò ‘hanele,’ sį̀ı̨dı nı̨dè mį̀ tènaehwha ha,” yèhdı.

John 21:4

K'omǫǫ̀dǫǫ̀ agòjà ekò Zezì tabàa nàwo. Hanìkò wecheekeè nàgeèhzhį̀-le.

Zezì Wecheekeèdeè 18:3

Paul, goxèht'eè nı̨hbàa-ehtsı̨ı̨-dǫǫ̀ elı̨ t'à goxè nàı̨dè eyıts'ǫ goxè eghàlaı̨dà.

Zezì Wecheekeèdeè 20:34

Sılà t'à edegha eghàlaıhdà eyıts'ǫ dǫ sexè aget'ı̨ı̨ sìı gıgha aeht'į̀, wek'èahsǫ hǫt'e.

1 Corınth 3:7

Eyıt'à dǫ dèè goyìı t'asìı nèyele, eyıts'ǫ dǫ tı yek'e ayehɂı̨ı̨ sìı t'asìı gı̨ı̨lı̨ı̨ nıìle, hanìkò Nǫ̀htsı̨, t'asìı hazǫǫ̀ dehsheè ayehɂı̨ ts'ıhɂǫ̀ ededı̨ zǫ wet'àaɂà hǫt'e.

1 Corınth 9:6

Hanì-le-ı̨dè asį̀į̀ Barnabas eyıts'ǫ sı̨ zǫ wet'à ts'eeda gha hòtł'ò eghàladıìda ha hǫt'e nì?

1 Thessalonıca 2:9

Sèot'ı̨ı̨, dànì hòtł'ò eghàlats'ı̨ı̨dà xè gogha hoìla ı̨lèe sìı wenaahdì sǫnı. Nǫ̀htsı̨ wegodıì nezı̨ı̨ t'à naxıts'ǫ̀ gots'ı̨ı̨de ekò, t'asìı t'à gots'àahdı ha-le naxets'ı̨ı̨hwhǫ t'à toò, dzęę̀, ehk'ę̀ę̀ hòtł'ò eghàlats'ı̨ı̨dà ı̨lè.