John 21:17 - Nǫ̀htsı̨ Nı̨htł'è

¹⁷ K'achı̨ taı t'à Zezì yets'ǫ̀ hadı, “John weza Sımon, seghǫneę̀tǫ nì?” yèhdı. Peter, Zezì taà-eht'aà hayèhdı t'à wegha dìì agòjà. Peter hayèhdı, “Sets'ǫ̀ K'àowo t'asìı hazǫǫ̀ k'èı̨zǫ ne, neghǫneehtǫ sek'èı̨zǫ hǫt'e,” yèhdı. Zezì yets'ǫ̀ hadı, “Sesahzǫ̀ą gıwàı̨dı.

John 21:17 ပူးပေါင်းရင်းမြစ်များ

Matthew 25:40

“K'àowocho hagòhdı ha, ‘Ehkw'ı anaxèehsı̨, sechı dek'aɂį̀ elı̨ı̨ sìı wegha ayìı dàahłàa sìı sı̨ segha haahłà hǫt'e,’ gòhdı ha.

Mark 14:72

Hadı ts'ǫ̀et'ıì k'àba nàekeè whezeh. Hanì et'ıì Peter, Zezì dàyèhdı ı̨lèe sìı yenadì. “K'àba nàekeè ezeh kwe, taà-eht'aà sek'èı̨zǫ-le nı̨ı̨dı ha,” yèhdı ı̨lè. Peter sıì wegha dìì agòjà t'à sıì ededzeè t'à ı̨tsè.

John 12:8

Dǫ-teèt'ı̨ı̨ sìı t'aats'ǫǫ̀ naxıxè geeda ha hǫt'e, hanìkò sı̨ sìı t'aats'ǫǫ̀ naxıta whıhda ha nıìle,” yèhdı.

John 13:38

Zezì yets'ǫ̀ hadı, “Hotıì segha ełaı̨wı ha nì? Ehkw'ı anèehsı̨, k'àba ezeh kwe taà-eht'aà sek'èı̨zǫ-le nı̨ı̨dı ha hǫt'e!” yèhdı.

John 14:15

Zezì edecheekeè ts'ǫ̀ hadı, “Seghǫnıahtǫ nı̨dè seyatıì k'èaht'e ha hǫt'e.

John 15:10

Seyatıì k'èaht'e nı̨dè sexè aaht'e ha eyıts'ǫ t'aats'ǫǫ̀ naxıghǫneehtǫ ha. Sı̨ sı Setà weyatıì k'èaıht'è eyıt'à t'aats'ǫǫ̀ seghǫneètǫ hǫt'e.

John 16:30

T'asìı hazǫǫ̀ k'èı̨zǫ hǫt'e wek'èts'eezǫǫ̀ ats'ejà, eyıts'ǫ dǫ danegeehke kwe gınàowoò k'èı̨zǫ. Eyı weghàà Nǫ̀htsı̨ gots'ǫ anet'e gogha ehkw'ı-ahodıì ajà hǫt'e,” gıìhdı.

John 18:27

Hanìkò Peter k'achı̨ hadı, “Į̀le, wexè aeht'į̀ nıìle,” yèhdı. Hadı ts'ǫ̀et'ıì k'àba whezeh.

John 18:4

Zezì wexè dàgode ha sìı hazǫǫ̀ yek'èezǫ t'à gots'ǫ̀ èhtła, hagòhdı, “Amìı hak'eaht'į̀?” gòhdı dagoehke.

John 21:18

Ehkw'ı anèehsı̨, cheko nelı̨ ekò k'edı̨ı̨tł'ı̨ xè edı̨į̀ ts'ǫ̀ k'eı̨tło ha neewǫǫ sìı ekǫ k'eı̨tło ı̨lè. Hanìkò eneèko wheęlı̨ nı̨dè negǫ̀ǫ̀ ehts'ǫǫ̀ anele ha, eyıts'ǫ dǫ eyıì-le k'enegehtł'ı̨ ha, edı̨į̀ ts'ǫ̀ neewǫ-le sìı ts'ǫ̀ anegele ha,” Zezì yèhdı.

John 4:16

Zezì yets'ǫ̀ hadı, “Nedǫǫ̀ xàątła gà wexè jǫ nàątła,” yèhdı.

Zezì Wecheekeèdeè 1:24

Eyı tł'axǫǫ̀ yagı̨ı̨htı, “Gots'ǫ̀ K'àowo, dǫ hazǫǫ̀ gıdzeè k'èı̨zǫ anet'e. Dıı dǫ nàke gots'ǫ amìı weneehchìı sìı wek'èts'eezǫǫ̀ agoı̨le.

Zezì Wecheekeèdeè 11:10

Taà-eht'aà hanì sexè hagòjà, eyı tł'axǫǫ̀ eyı lìbalà lanıı ı̨dòo yak'e ts'ǫ̀ anajà.

Zezì Wecheekeèdeè 15:8

Nǫ̀htsı̨ sìı goınì t'à dàts'ı̨ı̨wǫǫ sìı hazǫǫ̀ yek'èezǫ hǫt'e. Dǫ eyıì-le xàɂaa ededı̨ sı wets'ǫ dǫ gı̨ı̨lı̨ ha nıwǫ t'à, goxèht'eè Yedàyeh Nezı̨ı̨ gok'e ayį̀į̀là.

2 Corınth 1:12

Godzeè t'à nàowo degaı k'ę̀ę̀ eyıts'ǫ ehkw'ı k'ę̀ę̀ eghàlats'ı̨ı̨dà wek'èts'eezǫ hǫt'e. Nǫ̀htsı̨ wek'ę̀ę̀ dıı nèk'e dǫ gıta eyıts'ǫ naxıta hanì denahk'e eghàlats'ı̨ı̨dà hǫt'e. Dıı nèk'e gots'ǫ wet'à gots'ı̨ı̨zǫǫ nàowoò k'ę̀ę̀ ats'ı̨ı̨t'į̀ nıìle, Nǫ̀htsı̨ wesǫnıwǫ k'ę̀ę̀ ats'ı̨ı̨t'į̀ hǫt'e. Eyı weghǫ xàdahots'edì ha dìì-le.

Ephesus 4:30

Eyıts'ǫ Nǫ̀htsı̨ wets'ǫ Įnì Degaı sìı wedzeè nànııtì aweahłe-le. Ededı̨ sìı weghàà Nǫ̀htsı̨ wets'ǫ dǫ aaht'e eyıts'ǫ nǫǫde dzęę̀ k'e edaxànaxeetè gha naxık'èhoedzǫ hǫt'e.

1 Peter 1:6

Eyı sìı naxıgha ehkw'ı-ahodı t'à sıì naxınà hǫt'e. Hanìkò dıì whaà-lea gots'ǫ̀ naxıgha kèhoedı-le xè t'asìı łǫ t'à daahɂa hǫt'e.

2 Peter 3:1

Seàgı̨ą, dıì xè nàakeè naxıts'ǫ̀ eehtł'è hǫt'e. Ayìı dàehsı̨ı̨ sìı t'aats'ǫǫ̀ wenaahdì ha dehwhǫ. Eyı nı̨htł'è nàke naxıts'ǫ̀ ahłàa sìı wet'à ehkw'ı nànıahdè aahde ha naxeehwhǫ.

John Wenazhıı 2:23

Ts'èko wecheekeè hazǫǫ̀ ełaàgehde ha. Hanì-ı̨dè Nǫ̀htsı̨ wecheekeè hazǫǫ̀ dǫdzeè yìı eyıts'ǫ dǫnì yìı k'eeht'į̀ aht'e sek'ègeezǫ ha. Eyıts'ǫ naxıhołı̨į̀ k'èxa naxık'eehkwa hǫt'e sek'ègeezǫ ha.

John Wenazhıı 3:19

“T'aa gıghǫneehtǫǫ sìı hołı̨ı̨ hogehtsı̨ nı̨dè nàgeehɂǫ xè nezı̨į̀ geeda gha hoghàgeehtǫ hǫt'e. Eyıt'à ehkw'ı nànıahdè xè edek'eahłı̨.