John 21:15 - Nǫ̀htsı̨ Nı̨htł'è

¹⁵ Shègıazhe tł'axǫǫ̀ Zezì Sımon-Peter ts'ǫ̀ hadı, “John weza Sımon, dıı dǫ gınahk'e seghǫneę̀tǫ nì?” Sımon yets'ǫ̀ hadı, “Hęɂę, sets'ǫ̀ K'àowo, neghǫneehtǫ wek'èı̨zǫ ne,” yèhdı. Zezì hayèhdı, “Sesahzǫ̀ą gıwàı̨dı,” yèhdı.

John 21:15 ပူးပေါင်းရင်းမြစ်များ

Dànì Kèhoį̀wo 33:13

Hanìkò Jacob yets'ǫ̀ hadı, “K'àowo, chekoa nàgetso nıìle wek'èı̨zǫ, eyıts'ǫ sahzǫ̀ą dets'è eyıts'ǫ ejıe dets'è gıza gǫ̀hłı̨ı̨ sìı gıghǫ nànıhwho hǫt'e. Įłè dzęę̀ kò t'à ı̨whąą̀ nagıadè nı̨dè hazǫǫ̀ ełaàgede ha hǫt'e.

Matthew 10:37

“Amìı edetà eyıts'ǫ edemǫ senahk'e goghǫneètǫǫ sìı, secheekeè elı̨ ha dìì. Eyıts'ǫ amìı edeza eyıts'ǫ edetì senahk'e goghǫneètǫǫ sìı secheekeè elı̨ ha dìì.

Matthew 16:17

Zezì yets'ǫ̀ hadı, “Jonah weza Sımon nexè sìghà hǫt'e. Dǫ dahxà eyı wek'èı̨zǫ nıìle, hanìkò Setà yak'e whedaa sìı wedahxà wek'èı̨zǫ hǫt'e.

Matthew 18:10

“Dıı chekoa nechà-lea sìı gıt'àhoòɂà-le dahwhǫ sǫ̀ǫ̀. Ehkw'ı anaxèehsı̨, gıts'ǫ yak'eet'ı̨į̀, Setà yak'e whedaa sìı t'aats'ǫǫ̀ wınì ghàgeeda hǫt'e.

Matthew 26:33

Peter yets'ǫ̀ hadı, “Dǫ hazǫǫ̀ nets'ǫǫ̀ nageèhde kò sı̨ nek'èè k'ehda ghǫ naht'è ha nıìle,” yèhdı.

Matthew 26:35

Hanìkò Peter yets'ǫ̀ hadı, “Nexè ełaehwhı ha nǫǫ̀ kò, nek'èehsǫ-le dehsı̨ ha nıìle,” yèhdı. Wecheekeè hazǫǫ̀, ededı̨ sı, hagedı.

Mark 14:29

Peter yets'ǫ̀ hadı, “Dǫ hazǫǫ̀ nets'ǫǫ̀ kwı̨geèhde kò sı̨ hahde ha nıìle,” yèhdı.

Luke 12:32

“Secheekeè, łǫ-lea aaht'e kò dahjı̨-le. Nǫ̀htsı̨ naxıtà, Nǫ̀htsı̨ Wenàowoò k'ę̀ę̀ hòɂǫǫ naxıghàɂà ha wegha nezı̨ hǫt'e.

Luke 22:32

hanìkò, Sımon, ı̨łaà nınì nàtso ha, negha yaehtı. Sets'ǫ̀ ek'èt'à anaąjà nı̨dè nèot'ı̨ gınì nàtsoò agı̨ı̨le nǫǫ̀,” yèhdı.

John 1:42

Eyıt'à Andrew edı̨ı̨de Zezì ts'ǫ̀ yeèhchì. Zezì hotıì Sımon ghàı̨dà ekò hayèhdı, “Nı̨ sìı John weza Sımon anet'e. Cephas nìyeh ha,” yèhdı. (“Cephas” gedı nı̨dè “Peter” gedıì-agedı.)

John 13:37

Peter k'achı̨ dayeehke, “Sets'ǫ̀ K'àowo, dànìghǫ dıì nek'èehtła ha dìì? Negha ełaehwhı ha ts'atà whıhda,” yèhdı.

John 16:27

Į̀le, seghǫnıahtǫ eyıts'ǫ Nǫ̀htsı̨ yak'e whedaa gots'ǫ aht'ı̨ naxıgha ehkw'ı-ahodı t'à, Setà ededı̨ xàè naxıghǫneètǫ hǫt'e.

John 21:12

Zezì gots'ǫ̀ hadı, “Jǫ aahdè gà shèahzhe,” gòhdı. Wecheekeè gots'ǫ̀ K'àowo at'ı̨ ne gık'èezǫ t'à “Amìı anet'e,” gıìhdı ha gı̨ı̨wǫ-le.

John 21:7

Wecheekeè ı̨łè Zezì yeghǫneètǫǫ sìı Peter ts'ǫ̀ hadı, “Gots'ǫ̀ K'àowo at'ı̨,” yèhdı. Peter ıìkw'o ts'ǫ̀et'ıì edeɂeè nedèe yìı naetła (yeyìı xàetła t'à) eyıts'ǫ Zezì ts'ǫ̀ tèèhko.

John 8:42

Zezì gots'ǫ̀ hadı, “Nǫ̀htsı̨ naxıtà elı̨ nı̨dè seghǫnıahtǫ ha ı̨lè. Nǫ̀htsı̨ gots'ǫ aht'ı̨ eyıts'ǫ dıì jǫ whıhda hǫt'e. Sı̨ sedahxà jǫ ts'ǫ̀ ahjà nıìle, Nǫ̀htsı̨ jǫ ts'ǫ̀ sı̨ı̨hɂà hǫt'e.

Zezì Wecheekeèdeè 20:28

Hotıì edexoahdı eyıts'ǫ Nǫ̀htsı̨ wecheekeè sı gıxoahdı, Yedàyeh Nezı̨ı̨ eyı la naxıghàı̨ɂǫ hǫt'e. Nǫ̀htsı̨ ededoò t'à edets'ǫ dǫ edaxàwhela ne t'à nezı̨į̀ gıxoahdı.

Zezì Wecheekeèdeè 20:29

Setł'axǫǫ̀ dàgode ha sìı wek'èehsǫ. Dìga ı̨ghǫǫ lanì naxıta agede ha, naxıts'ǫ sahzǫ̀ą hazǫǫ̀ dzıìgehɂà ha.

Rome 14:1

Dǫ wınì nàtso-le sìı wedę aahłe-le, t'asìı wet'àaɂà-le k'èxa wek'e nìdahoahɂà-le.

Rome 15:1

Goxı̨ eyı hanıı ghǫ goınì nàtso nı̨dè dǫ gınì nàtso-le sìı gıts'àts'edı ha hǫt'e, eyıts'ǫ t'ats'ı̨ı̨wǫ k'ę̀ę̀ zǫ k'ehots'eɂa ha nıìle.

1 Corınth 8:11

Eyı gòet'ı̨ wınì nàtso-le sìı Zezì-Krı yegha ełaı̨wo kò, ayìı k'èahsǫ t'à wedıhoahtsı̨ hǫt'e.

Galatıa 5:6

Zezì-Krı gogha ehkw'ı-ahodı nı̨dè nàgoet'àa, nàgoet'à-le, ehk'ę̀ę̀ gogha wet'àaɂà-le. Edaxàts'eedè ha, gogha ehkw'ı-ahodıı eyı zǫ gogha wet'àaɂà hǫt'e, eyıts'ǫ ełeghǫnets'eètǫ sìı dǫ yek'èezǫ ats'ehɂı̨ hǫt'e.

Ephesus 4:14

Hanì-ı̨dè k'achı̨ bebìa lats'ı̨ı̨t'e ha-le, taatı̨į̀ t'à goxè k'etaetı̨ lanì ha-le. Dǫ goghǫyageeɂà t'à gogı̨ı̨zǫǫ sìı ładı̨į̀ hoghàgogeehtǫ nı̨dè goxè ts'ıɂǫ̀-hogeeɂà ha-le.

Ephesus 6:24

Dǫ hazǫǫ̀ t'aats'ǫǫ̀ gots'ǫ̀ K'àowo Zezì-Krı ghǫnegeètǫǫ sìı Nǫ̀htsı̨ gots'ǫ̀ sǫnıwǫ welè.

Hebrew 13:20

Nǫ̀htsı̨ wet'à ts'èwhı̨į̀ hòɂǫǫ sìı Zezì sahzǫ̀ą-k'èdìı-deè elı̨ı̨ sìı naìdà ayį̀į̀là, eyıts'ǫ wedoò t'à goxè nakenawhehtsı̨ hǫt'e.

Hebrew 4:13

T'asìı hazǫǫ̀ hòèlı̨ı̨ sìı ı̨łè kò Nǫ̀htsı̨ wenaàhtǫ wheɂǫ nıìle. T'asìı hazǫǫ̀ wegha ts'ǫwhela xè wenadąą̀ wègaat'ı̨, eyıts'ǫ t'asìı hazǫǫ̀ k'èxa gosınìyaehtı ha hǫt'e.

1 Peter 1:8

Weahɂı̨ gǫ̀hłı̨-le, hanìkò weghǫnıahtǫ eyıts'ǫ dıì naxıgha wègaat'ı̨-le kò, naxıgha ehkw'ı adı. Eyı ts'ıhɂǫ̀ sıì naxınà xè naxıgha enıìyah dìì.

1 Peter 2:2

Bebìa k'ǫǫ̀t'a dǫ gı̨ı̨lı̨ı̨ sìı edemǫ wet'ò wedeèdlı̨ı̨ ghageewı lanì Nǫ̀htsı̨ wenàowoò ghaahwhı welì. Hanì-ı̨dè edaxàahdè gha naxınì nàtsoò ade ha,

1 Peter 2:25

Naxı̨ hazǫǫ̀ sahzǫ̀ą dıkǫèdee laaht'e, hanìkò dıì amìı sahzǫ̀ą k'èdìı elı̨ı̨ sìı ts'ǫ̀ anaahde; ededı̨ sìı naxıdą̀ązhį̀ı̨ k'èdìı elı̨ hǫt'e.

1 John 4:19

Nǫ̀htsı̨ ededı̨ t'akwełǫ̀ǫ̀ goghǫneètǫ ts'ıhɂǫ̀ goxı̨ sı ełeghǫnets'eètǫ hǫt'e.

1 John 5:1

Amìı, Zezì Nǫ̀htsı̨ yį̀į̀hchì hǫt'e wegha ehkw'ı-ahodıı sìı Nǫ̀htsı̨ gots'ǫ wegǫ̀hłı̨ hǫt'e, eyıts'ǫ amìı Gotà ghǫneètǫǫ sìı Weza sı ghǫneètǫ hǫt'e.

John Wenazhıı 2:23

Ts'èko wecheekeè hazǫǫ̀ ełaàgehde ha. Hanì-ı̨dè Nǫ̀htsı̨ wecheekeè hazǫǫ̀ dǫdzeè yìı eyıts'ǫ dǫnì yìı k'eeht'į̀ aht'e sek'ègeezǫ ha. Eyıts'ǫ naxıhołı̨į̀ k'èxa naxık'eehkwa hǫt'e sek'ègeezǫ ha.