John 21:12 - Nǫ̀htsı̨ Nı̨htł'è

¹² Zezì gots'ǫ̀ hadı, “Jǫ aahdè gà shèahzhe,” gòhdı. Wecheekeè gots'ǫ̀ K'àowo at'ı̨ ne gık'èezǫ t'à “Amìı anet'e,” gıìhdı ha gı̨ı̨wǫ-le.

John 21:12 ပူးပေါင်းရင်းမြစ်များ

Matthew 22:46

Agııdì whìle agejà. Į̀į̀zhagı̨ı̨lı̨į̀ agedle ha gı̨ı̨wǫ-le t'à, ekò gots'ǫ t'asìı ghǫ Zezì dageehke-le agejà.

Mark 9:32

Hanìkò wecheekeè ayìı ghǫ adıı sìı gınıedì-le, eyı ghǫ dageehke ha gı̨ı̨wǫ kò t'asagedı-le.

Luke 9:45

Hanìkò wecheekeè gıgha deɂı̨į̀ wheɂǫ t'à ayìı ghǫ adıı sìı gınıedì-le. Eyı ghǫ dageehke ha gı̨ı̨wǫ kò t'asagedı-le.

John 16:19

Zezì eyı ghǫ dageehke ha gı̨ı̨wǫ gok'èezǫ t'à gots'ǫ̀ hadı, “ ‘Whaà-le-t'ıì seahɂį̀ ha-le, eyıts'ǫ k'achı̨ whaà-le-t'ıì seahɂį̀ ha,’ dehsı̨ı̨ sìı ayìı awèehsı̨ dahwhǫ t'à weghǫ dałeahke nì-aahdı?

John 21:11

Sımon-Peter elà yìetła gà mį̀ tabàa ts'ǫ̀ tàyeèlì. Mį̀ weyìı łıwe nechàa dagoòɂǫ ehłì; hazǫǫ̀ t'à ı̨łèakw'eènǫ-daats'ǫ̀-sı̨laènǫ-daats'ǫ̀-taı (153) łıwe ehłì. Łıwe łǫ ehłì hanìkò mį̀ tàı̨dlà-le.

John 21:15

Shègıazhe tł'axǫǫ̀ Zezì Sımon-Peter ts'ǫ̀ hadı, “John weza Sımon, dıı dǫ gınahk'e seghǫneę̀tǫ nì?” Sımon yets'ǫ̀ hadı, “Hęɂę, sets'ǫ̀ K'àowo, neghǫneehtǫ wek'èı̨zǫ ne,” yèhdı. Zezì hayèhdı, “Sesahzǫ̀ą gıwàı̨dı,” yèhdı.

John 4:27

Ekìıyeè k'e Zezì wecheekeè nǫǫ̀gı̨ı̨de. Zezì ts'èko ts'ǫ̀ gode t'à sıì gıgha enıìyah. Hanìkò Zezì dagı̨ı̨hke t'à, “Ayìı neewǫ?” hanì-le-ı̨dè “Dànìghǫ wets'ǫ̀ goı̨de?” gıìhdı-le.

Zezì Wecheekeèdeè 10:41

Dǫ hazǫǫ̀ gıaɂı̨ nıìle, Nǫ̀htsı̨ dǫ nàwhehtsı̨ı̨ sìı eyı zǫ gıaɂı̨ hǫt'e. Naìdà tł'axǫǫ̀ goxı̨ wets'aɂı̨ eyıts'ǫ wexè shèts'azhe.