John 20:29 - Nǫ̀htsı̨ Nı̨htł'è

²⁹ Zezì yets'ǫ̀ hadı, “Seghànedà t'à negha ehkw'ı-ahodı. Hanìkò amìı saɂı̨-le kò wegha ehkw'ı-ahodıı sìı wexè sìghà hǫt'e,” yèhdı.

John 20:29 ပူးပေါင်းရင်းမြစ်များ

Matthew 13:16

Hanìkò naxı̨ sìı naxıdaà t'à k'eaht'į̀ eyıts'ǫ naxıdzıìhkw'ǫǫ̀ t'à aàhkw'ǫ t'à naxıxè sìghà hǫt'e.

Luke 1:45

Gots'ǫ̀ K'àowo ayìı dànèhdıı sìı wek'ę̀ę̀ agode ha, negha ehkw'ı-ahodı t'à nexè sìghà hǫt'e,” Elızabeth wınà t'à hadıì xàyaı̨htı.

John 20:28

Thomas yets'ǫ̀ hadı, “Sets'ǫ̀ K'àowo eyıts'ǫ Senǫ̀htsı̨ anet'e!” yèhdı.

John 20:8

Nǫǫde t'à wecheekeè ı̨łè Sımon kwe eyı nììtła ı̨lèe sìı ededı̨ sı goyaèhtła. Hagǫ̀ht'e hoaɂı̨ t'à wegha ehkw'ı-ahodıì ajà.

John 4:48

Zezì yets'ǫ̀ hadı, “Naxıdaà enıìyah nàhòwo lenǫsıı naxıgha ehkw'ı-ahodı ha nıìle,” yèhdı.

2 Corınth 5:7

Ayìı gogha ehkw'ı-ahodıı sìı k'ę̀ę̀ ts'eeda hǫt'e, ayìı gogha wègaat'ı̨ı̨ sìı k'ę̀ę̀ ts'eeda nıìle.

Hebrew 11:1

Gogha ehkw'ı-ahodı nı̨dè Nǫ̀htsı̨ gots'ǫ̀ edeyatıì k'èdì ha hotıì wek'èts'eezǫ hǫt'e, eyıts'ǫ ayìı goghàɂà ha sìı gogha wègaat'ı̨-le kò goghǫet'a ha wek'èts'eezǫ.

Hebrew 11:27

Wegha ehkw'ı-ahodı t'à k'àowocho wek'èch'a kò yets'àejı̨-le xè Egypt nèk'e gots'ǫ xàèhtła. Nǫ̀htsı̨ wègaat'ı̨-le sìı yaɂı̨ lanì t'à deɂǫ̀ǫ̀ Nǫ̀htsı̨ ts'ǫ̀ edınì nàtso ayį̀į̀hwhǫ.

Hebrew 11:39

Eyı dǫ hazǫǫ̀ Nǫ̀htsı̨ gogha ehkw'ı adı t'à Nǫ̀htsı̨ goghǫ nezı̨į̀ xàyaı̨htı hǫt'e, hanìkò ı̨łè kò Nǫ̀htsı̨ edeyatıì goghàı̨ɂǫǫ sìı wek'ę̀ę̀ t'asìı gıghǫ̀t'ǫ nıìle.

1 Peter 1:8

Weahɂı̨ gǫ̀hłı̨-le, hanìkò weghǫnıahtǫ eyıts'ǫ dıì naxıgha wègaat'ı̨-le kò, naxıgha ehkw'ı adı. Eyı ts'ıhɂǫ̀ sıì naxınà xè naxıgha enıìyah dìì.