John 20:25 - Nǫ̀htsı̨ Nı̨htł'è

²⁵ Eyıt'à Zezì wecheekeè hagıìhdı, “Gots'ǫ̀ K'àowo wets'aɂı̨,” gedı. Hanìkò Thomas gots'ǫ̀ hadı, “Wılà gotsè k'è gòɂǫǫ selakw'ǫǫ̀ t'à daehchì lenǫsıı eyıts'ǫ sılà t'à wechǫǫ̀ k'e wekaà daehchì lenǫsıı segha ehkw'ı-ahodı ha nıìle,” gòhdı.

John 20:25 ပူးပေါင်းရင်းမြစ်များ

Matthew 27:42

hagedı, “Dǫ eyıì-le edaxàwhela, hanìkò edaxàdeetè ha dìì! Israel got'ı̨į̀ gha k'àowocho ehłı̨ hadı ne! Dechı̨et'aa k'e ts'ǫ hodàèhtła nı̨dè gogha ehkw'ı adı ha.

Mark 16:11

Zezì naìdà eyıts'ǫ Mary-Madlę̀ yaɂı̨ ghǫ gıìkw'o ekò gıgha ehkw'ı-ahodı-le.

Mark 16:13

Eyıt'à ı̨dè dǫ hazǫǫ̀ ts'ǫ̀ nałegeèhtła, gıxè dànàhòwoo sìı gots'ǫ̀ hagedı, hanìkò ı̨łaà gıgha ehkw'ı-ahodı-le.

Mark 16:14

Nǫǫde wecheekeè hoònǫ-daats'ǫ̀-ı̨łè shègezhe ekò Zezì gota wègoèht'į̀. Zezì naìdà tł'axǫǫ̀ dǫ ts'ǫ̀ wègoèht'į̀ı̨ sìı ı̨łaà gıgha ehkw'ı agedı-le t'à, “Dànìghǫ naxınì nàtso-le?” Zezì gòhdı.

Luke 24:25

Zezì gots'ǫ̀ hadı, “Sıì t'asìı nıahdì-le xè naxınì nàtso-le. Nakwenàoɂǫǫ dàgı̨ı̨dìı sìı dànìghǫ naxıgha ehkw'ı-ahodı-le?

John 1:41

Ekòet'ıì Andrew edı̨ı̨de Sımon ts'ǫ̀ èhtła, hayèhdı, “Messıah wegots'į̀hɂǫ” yèhdı. (“Messıah” gedı nı̨dè “Chrıst” gedıì-agedı.)

John 20:27

Thomas ts'ǫ̀ hadı, “Sılà ghàı̨da, nelakw'ǫǫ̀ jǫ nìı̨chı. Nılà t'à sechǫǫ̀ daı̨chı. Nınì nàtso xè negha ehkw'ı-ahodı welè,” Zezì yèhdı.

John 21:7

Wecheekeè ı̨łè Zezì yeghǫneètǫǫ sìı Peter ts'ǫ̀ hadı, “Gots'ǫ̀ K'àowo at'ı̨,” yèhdı. Peter ıìkw'o ts'ǫ̀et'ıì edeɂeè nedèe yìı naetła (yeyìı xàetła t'à) eyıts'ǫ Zezì ts'ǫ̀ tèèhko.

John 6:30

Eyıt'à hagıìhdı, “Godaà enıìyah deè hoı̨htsı̨ nı̨dè weghàà ehkw'ı aı̨dı nets'ı̨ı̨hwhǫ ha.

Hebrew 3:12

Eyıt'à sèot'ı̨ı̨, naxıdzeè yìı hołı̨ı̨ awede sǫ̀ǫ̀ eyıts'ǫ naxıgha ehkw'ı-ahodı-le t'à Nǫ̀htsı̨ edaa sìı wets'ǫǫ̀ naahdè sǫ̀ǫ̀.

Hebrew 3:18

Nǫ̀htsı̨ amìı ts'ǫ̀ yatı nàtsoo t'à dıı hadı, “Edı̨į̀ sexè ts'èwhı̨į̀ hòɂǫǫ sìı hogeɂį̀ hǫı̨lı̨ ha nıìle.” Dǫ gık'èı̨t'e-le sìı gots'ǫ̀ hadıì xàyaı̨htı ı̨lè.