John 20:16 - Nǫ̀htsı̨ Nı̨htł'è

¹⁶ Zezì yets'ǫ̀ hadı, “Mary,” yèhdıì yıızı. Mary yets'ǫ̀ ets'aèhtła, Aramaıc yatıì k'ę̀ę̀, hǫtsaa whezeh, hadı, “Rabbonı!” hadı. (“Rabbonı” gedı nı̨dè “hoghàehtǫǫ-dǫǫ̀,” gedıì-agedı.)

John 20:16 ပူးပေါင်းရင်းမြစ်များ

Dànì Kèhoį̀wo 22:1

Sìghaı̨waà hoòwo tł'axǫǫ̀ Abraham Nǫ̀htsı̨ yeèhdzà. “Abraham,” yèhdı yets'ǫ̀ gode. “Hęɂę, neèhkw'ǫ,” Abraham yèhdı.

Dànì Kèhoį̀wo 22:11

Hanìkò gots'ǫ̀ K'àowo weyak'eet'ı̨į̀ yak'e gots'ǫ yets'ǫ̀ whezeh, “Abraham! Abraham!” yèhdı hǫt'e. “Hęɂę, neèhkw'ǫ,” Abraham yèhdı.

Dànì Kèhoį̀wo 45:12

“Naxı̨ eyıts'ǫ sechı Benjamın sı naxıdaà t'à seghàahda hǫt'e, xàè sı̨ Joseph naxıts'ǫ̀ gohdee sìı eyı aht'e.

Matthew 14:27

Ekòet'ıì Zezì gots'ǫ̀ hadı, “Naxıdzeè nàtsoò aahłe. Sı̨ aht'ı̨. Dahjı̨-le,” gòhdı.

Mark 10:51

Zezì yets'ǫ̀ hadı, “Ayìı negha dàhłe ha seneehwhǫ?” yèhdı. Eyı dǫ Zezì ts'ǫ̀ hadı, “K'àowo, segha xègaat'ı̨ ha dehwhǫ,” yèhdı.

Luke 10:41

Zezì yets'ǫ̀ hadı, “Martha, Martha, t'asìı łǫ ghǫ nànınewo t'à negha gots'eèdı,

John 1:38

Zezì gots'ǫ̀ ets'aèhtła, gık'èè geède goaɂı̨ t'à Zezì dagoehke, “Ayìıha aaht'ı̨?” gòhdı. “Rabbı, edı̨į̀ nàądè?” gıìhdı. (“Rabbı” gedı nı̨dè “dǫ hoghàehtǫǫ” gedıì-agedı.)

John 1:49

Eyıt'à Nathanael hadı, “K'àowo, nı̨ sìı Nǫ̀htsı̨ Weza anet'e, Israel got'ı̨į̀ gha K'àowocho anet'e,” yèhdı.

John 10:3

Enìı̨tǫ-k'èdìı-dǫǫ̀ yets'ǫ̀ enìxàechı, eyıts'ǫ wesahzǫ̀ą gohaezeh ha egeèhkw'ǫ. Edesahzǫ̀ą gıızì t'à goızı, eyıts'ǫ mǫ̀ht'a xàgoèwa.

John 11:28

Hadı tł'axǫǫ̀ ek'èt'à naèhtła gà ededè ts'ǫ̀ gode. Whatsǫą yets'ǫ̀ hadı, “Gots'ǫ̀ K'àowo nììtła, nets'ǫ̀ gode ha nıwǫ,” ededè èhdı.

John 13:13

“ ‘K'àowo’ sèahdıı sìı ehkw'ı aahdı hǫt'e, naxıts'ǫ̀ K'àowo aht'e ne t'à.

John 20:28

Thomas yets'ǫ̀ hadı, “Sets'ǫ̀ K'àowo eyıts'ǫ Senǫ̀htsı̨ anet'e!” yèhdı.

John 5:2

Jerusalem ekǫ enìı̨tǫ nechàa gà tıa whehtǫ. (Eyı enìı̨tǫ nechàa sìı “sahzǫ̀ą-gha-enìı̨tǫ” wìyeh, eyıts'ǫ eyı tıa, Aramaıc gıyatıì k'ę̀ę̀, Betesda wìyeh.) Eyı tıa wemǫǫ̀ sagòhɂı̨ı̨-k'è sı̨làı gòla.

John 6:25

Įnǫ̀ǫ̀ dǫ Zezì gıaɂı̨ ekò dageehke, “K'àowo, dàht'e jǫ nǫǫ̀neetła?” gıìhdı.

Zezì Wecheekeèdeè 10:3

Įłàà taı nìı̨ɂǫ ekò Cornelıus wenazhıı xègoèht'į̀. Yak'eet'ı̨į̀ yeghǫ nììtła yaɂı̨, yets'ǫ̀ hadı, “Cornelıus!” yèhdı.

Zezì Wecheekeèdeè 9:4

Saul dèè k'e nàakw'o eyıts'ǫ wets'ǫ̀ hats'edıì hǫt'e, “Saul, Saul, dànìghǫ dasenèehɂa?”