John 2:11 - Nǫ̀htsı̨ Nı̨htł'è

¹¹ Zezì kǫ̀ta Cana wheda ekò eyı t'akwełǫ̀ǫ̀ enıìyah whehtsı̨ ı̨lè. Enıìyah deè elı̨ı̨ sìı dǫ gıaɂı̨į̀ agǫ̀ǫ̀là, eyıt'à wecheekeè weghǫ gınì nàtsoò agejà.

John 2:11 ပူးပေါင်းရင်းမြစ်များ

John 1:14

Eyı yatı wehòhɂǫǫ sìı dǫ whelı̨ eyıts'ǫ gota nàı̨dè. Dànì enıìyah deè t'à wehòhɂǫǫ sìı wets'aɂı̨. Ededı̨ ı̨łàet'ee zǫ hanì enıìyah deè elı̨. Ededı̨ sìı Nǫ̀htsı̨-Gotà gots'ǫ nììtła hǫt'e, wesǫnıwǫ deè eyıts'ǫ nàowo ehkw'ıı wets'ǫ̀-èlı̨ hǫt'e.

John 1:17

Nǫ̀htsı̨ sìı Moses wet'ǫ̀ǫ̀ nàowo wet'à ts'eedaa sìı gots'ǫ̀ ayį̀į̀là ı̨lè, hanìkò Zezì-Krı wets'ıhɂǫ̀ wesǫnıwǫ deè eyıts'ǫ nàowo ehkw'ıı gots'ǫ̀ ajà.

John 1:43

Ek'èdaedzęę̀ k'e Zezì Galılee nèk'e ts'ǫ̀ ajà. Ekǫ Phılıp wheda yaɂı̨, yets'ǫ̀ hadı, “Sek'èı̨tła,” yèhdı.

John 1:50

Zezì hadı, “Jìechots'ıì tł'a wheęda nèehsı̨ t'à negha ehkw'ı-ahodı. Eyı wenahk'e t'asìı deè łǫ neɂį̀ ha hǫt'e,” yèhdı.

John 10:41

dǫ łǫ gıts'ǫ̀ède. Hagedı, “John-Baptıst enıìyah hòèhtsı̨-le, hanìkò dıı dǫ ghǫ dàdı ı̨lèe sìı hazǫǫ̀ ehkw'ı hǫt'e nǫǫ̀,” gedı.

John 11:15

Naxıgha sınà wegà whıhda-le ı̨lè. Hanì-ı̨dè ehkw'ı adı seahwhǫ ha. Hòt'a wets'ǫ̀ ts'ııdè,” gòhdı.

John 11:47

Eyıt'à yahtıı-gha-k'aodèe eyıts'ǫ Pharısee gı̨ı̨lı̨ı̨ sìı ełegeèhdì gha Israel got'ı̨į̀ gha k'aodèe hazǫǫ̀ gokayagı̨ı̨htı, hagedı, “Eyı dǫ enıìyah łǫ hohtsı̨, eyıt'à ayìı dàwets'ele ha?

John 12:18

Zezì hanì enıìyah hòèhtsı̨ ghǫ egıìkw'o t'à dǫ łǫ Zezì nìhdǫǫ̀ geède.

John 12:37

Zezì hanì enıìyah łǫ godaà eghàlaı̨dà kò, ı̨łaà gıgha ehkw'ı-ahodı-le.

John 12:41

Isaıah, Zezì wexè enıìyah agode ha nadąą̀ yaɂı̨ t'à hanì yeghǫ goı̨de ı̨lè.

John 14:13

Eyıts'ǫ sıızì t'à t'asìı seahkè nı̨dè naxıgha hahłe ha, hanì-ı̨dè Nǫ̀htsı̨ Weza Edetà ghàsǫhoedıì ayele ha.

John 16:27

Į̀le, seghǫnıahtǫ eyıts'ǫ Nǫ̀htsı̨ yak'e whedaa gots'ǫ aht'ı̨ naxıgha ehkw'ı-ahodı t'à, Setà ededı̨ xàè naxıghǫneètǫ hǫt'e.

John 16:30

T'asìı hazǫǫ̀ k'èı̨zǫ hǫt'e wek'èts'eezǫǫ̀ ats'ejà, eyıts'ǫ dǫ danegeehke kwe gınàowoò k'èı̨zǫ. Eyı weghàà Nǫ̀htsı̨ gots'ǫ anet'e gogha ehkw'ı-ahodıì ajà hǫt'e,” gıìhdı.

John 2:1

Taı dzęę̀ tł'axǫǫ̀ Galılee nèk'e, kǫ̀ta Cana ekǫ dǫ ı̨łè honìda ha nǫǫ̀. Zezì wemǫ ekǫ wheda.

John 2:23

Zezì, dzędeè Passover gha kǫ̀ta Jerusalem wheda ekò, dǫ łǫ Zezì enıìyah łǫ eghàlaı̨dà gıaɂı̨, eyıt'à ehkw'ı adı gı̨ı̨wǫǫ̀ agejà.

John 4:3

Zezì hagedı ghǫ ıìkw'o ekò Judea nèk'e gots'ǫ naèhtła, Galılee nèk'e ts'ǫ̀ anajà.

John 4:46

Zezì k'achı̨ Galılee nèk'e kǫ̀ta Cana nììtła, ekǫ tı t'à jìetì whehtsı̨ ı̨lè. Dèe-ts'ǫ̀-k'àowo-cheekeè ı̨łè ekǫ wheda, kǫ̀ta Capernaum ekǫ weza eyaelı̨.

John 4:54

Dıì xè Zezì nàekeè enıìyah hòèhtsı̨ hǫt'e. Judea nèk'e gots'ǫ Galılee nèk'e nǫ̀ǫtła tł'axǫǫ̀ eyı hagòjà.

John 5:23

Hanì-ı̨dè dǫ hazǫǫ̀ Gotà ts'ǫ̀ nezı̨į̀ nageɂa lanì Weza ts'ǫ̀ nezı̨į̀ nageɂa ha. Gotà Edeza gots'ǫ̀ yı̨ı̨hɂà t'à, amìı Weza ts'ǫ̀ nezı̨į̀ nageɂa-le sìı Wetà ts'ǫ̀ nezı̨į̀ nageɂa-le hǫt'e.

John 6:14

Zezì dıı hanì dǫ gha enıìyah hòèhtsı̨ gıaɂı̨ t'à dǫ ełets'ǫ̀ hagedı, “Nakwenàoɂǫǫ deè dıı nèk'e nììtła ha ı̨lèe sìı eyı at'ı̨ sǫnı,” gedı.

John 6:2

Zezì dǫ-eyaelı̨ı̨ gha enıìyah ghàlaı̨dà gıaɂı̨ t'à dǫ łǫ gık'èè goòhwho.

John 6:26

Zezì hadı, “Ehkw'ı anaxèehsı̨, t'aahwhǫ ts'ǫ̀ łèt'è ghǫ shèahzhe t'à sekaahwhǫ hǫt'e, naxıdaà enıìyah nàhòwo t'à sekaahwhǫ nıìle.

John 6:30

Eyıt'à hagıìhdı, “Godaà enıìyah deè hoı̨htsı̨ nı̨dè weghàà ehkw'ı aı̨dı nets'ı̨ı̨hwhǫ ha.

John 7:31

Eyı hagot'ı̨, hanìkò dǫ łǫ ehkw'ı adı gı̨ı̨hwhǫǫ̀ agejà t'à hagedı, “Chrıst nììtła nı̨dè dıı dǫ nahk'e enıìyah łǫ hohtsı̨ ha nì? Į̀le sǫnı,” gedı.

John 9:16

Pharısee mǫ̀hdaa Zezì ghǫ hagedı, “Eyı dǫ at'ı̨ı̨ sìı Nǫ̀htsı̨ Dzęę̀ k'èdì nıìle t'à, Nǫ̀htsı̨ gots'ǫ at'ı̨ nıìle,” gedı. Hanìkò mǫ̀hdaa hagedı, “Dıı hanì enıìyah hòèhtsı̨ nı̨dè dànì hołı̨ı̨-hohtsı̨ı̨-dǫǫ̀ welè?” gedı t'à ełek'ę̀ę̀ agı̨ı̨wǫ-le agejà.

2 Corınth 3:18

Goxı̨ sìı goınì k'e ɂehtł'ı̨ whehchìı nıìle, gots'ǫ̀ K'àowo dànì enıìyah elı̨ı̨ sìı gok'e saı̨dı̨ hǫt'e. Gots'ǫ̀ K'àowo, Įnì Degaı elı̨ı̨ sìı godzeè yìı eładı̨į̀ agohɂį̀, eyıt'à denahk'e wexèht'eè ats'et'į̀ agohɂı̨.

2 Corınth 4:17

Whaà-lea gots'ǫ̀ yaazea goxè hoìla hǫt'e, hanìkò wet'à welǫ whìle ts'ǫ̀ goxè sıì enıìyah hòɂǫ gha agot'ı̨ hǫt'e, eyı sìı hazǫǫ̀ t'à denahk'e wet'àaɂà hǫt'e.

2 Corınth 4:6

Nǫ̀htsı̨ hadı, “Togoòtł'òo yìı gots'ǫ dzęh xàı̨dı̨į̀ awede,” hadıı sìı godzeè yìı dzęh nı̨ı̨dı̨į̀ ayį̀į̀là, eyı ts'ıhɂǫ̀ Zezì-Krı weghàts'eeda nı̨dè Nǫ̀htsı̨ dànì enıìyah elı̨ı̨ sìı wek'èts'eezǫ ats'et'į̀.

1 John 5:13

Naxı̨, Nǫ̀htsı̨ Weza naxıgha ehkw'ı adıı sìı welǫ whìle ts'ǫ̀ aahda ha hotıì wek'èahsǫ ha dehwhǫ t'à naxıts'ǫ̀ eehtł'è aht'ı̨.