John 19:9 - Nǫ̀htsı̨ Nı̨htł'è

⁹ Kǫ̀ gocho goyanaèhtła. Zezì ts'ǫ̀ hadı, “Edı̨į̀ gots'ǫ anet'ı̨?” Hanìkò Zezì xàyaı̨htı-le.

John 19:9 ပူးပေါင်းရင်းမြစ်များ

Matthew 26:63

Hanìkò Zezì xàyaı̨htı-le. Eyıt'à yahtıı-wet'àaɂàa-deè hayèhdı, “Nǫ̀htsı̨ edaa sìı wıızì dahxà gots'ǫ̀ ehkw'ı goı̨de. Nǫ̀htsı̨ Weza, Chrıst anet'e nı̨dè gots'ǫ̀ haı̨dı,” yèhdı.

Matthew 27:27

K'àowo Pılate wets'ǫ eghǫǫ-dǫǫ̀ Zezì Praetorıum gòyeh ts'ǫ̀ geèhchì, ekǫ eghǫǫ-dǫǫ̀ łǫ wemǫǫ̀ nègı̨ı̨deè agogį̀į̀là.

Luke 23:9

Eyıt'à t'asìı łǫ ghǫ dayı̨ı̨hke, hanìkò Zezì yets'ǫ̀ xàyaı̨htı-le.

John 18:28

K'omǫǫ̀dǫǫ̀ et'ıì yahtıı-wet'àaɂàa-deè Caıaphas wekǫ̀ gots'ǫ xàgeèhchì, Zezì k'àowo Pılate wekǫ̀ gocho ts'ǫ̀ geèhchì. Israel got'ı̨į̀ sìı dǫ eładı̨ı̨ kǫ̀ goyageedè ha gıgha wets'àet'ǫ hǫt'e. Hagejà nı̨dè, gınàowoò k'ę̀ę̀ “degaı gı̨ı̨lı̨-le” agede ha gı̨ı̨wǫ, hanì-ı̨dè dzędeè Passover gha nàsı̨ ghǫ shègezhe ha dìì, eyıt'à k'àowo Pılate wekǫ̀ gocho goyageède-le.

John 18:33

K'àowo Pılate edekǫ̀ gocho goyìı naèhtła. Zezì kayaı̨htı gà dayeehke, hadı, “Israel got'ı̨į̀ gha k'àowocho anet'e nì?” yèhdı.

John 18:34

Zezì yets'ǫ̀ hadı, “Nı̨ xàè haneewǫ t'à aı̨dı nì? Hanì-le-ı̨dè dǫ eyıì-le seghǫ nets'ǫ̀ hagedı nì?” yèhdı.

John 18:37

K'àowo Pılate hadı, “Eyıt'à k'àowocho anet'e nǫǫ̀!” Zezì yets'ǫ̀ hadı, “K'àowocho aht'e nı̨ı̨dıı sìı ehkw'ı hǫt'e. Nàowo ehkw'ıı ghǫ gohde ha t'à dıı nèk'e segǫ̀hłı̨ hǫt'e. Dǫ hazǫǫ̀ nàowo ehkw'ıı gı̨ı̨wǫǫ sìı segeèhkw'ǫ hǫt'e,” yèhdı.

John 19:10

K'àowo Pılate hayèhdı, “Sets'ǫ̀ goı̨de ha neewǫ-le nì? Naı̨tłaà anehłee, nedıìtsò anehłee, sı̨ sets'ǫ̀ hoèlı̨ hǫt'e, wek'èı̨zǫ-le nì?” yèhdı.

John 19:8

K'àowo Pılate eyı ghǫ ıìkw'o ekò denahk'e dejı̨ lajà.

John 8:14

Zezì gots'ǫ̀ hadı, “Sı̨ edegha gohde kò, dàehsı̨ı̨ sìı ıtà hǫt'e, edı̨į̀ gots'ǫ aht'ı̨ eyıts'ǫ edı̨į̀ ts'ǫ̀ ahde ha wek'èehsǫ t'à. Hanìkò naxı̨ sìı edı̨į̀ gots'ǫ aht'ı̨ eyıts'ǫ edı̨į̀ ts'ǫ̀ ahde ha sìı wek'èahsǫ nıìle.

Phılıppı 1:28

Dǫ naxık'èch'a agedıı sìı gıts'àahjı̨-le, eyı weghàà gıdıhołè ha sìı gık'èezǫ ha, hanìkò naxı̨ edaxàahdè ha sìı gık'èezǫ ha, Nǫ̀htsı̨ ededı̨ at'ı̨ ne t'à.