John 19:42 - Nǫ̀htsı̨ Nı̨htł'è

⁴² Hòt'a Israel got'ı̨į̀ gıgha Nǫ̀htsı̨ Dzęę̀ ts'ǫ̀ whaà-le t'à, eyıts'ǫ eyı dǫkw'ǫǫ̀ whetǫǫ k'è ts'ǫ̀ nıwà-lea t'à ekǫ Zezì wekw'ǫǫ̀ nègı̨į̀tǫ.

John 19:42 ပူးပေါင်းရင်းမြစ်များ

Matthew 12:40

Taı dzęę̀ eyıts'ǫ taı toò ts'ǫ̀ Jonah łıwecho bò yìı̨dà. Eyı xèht'eè Dǫ-wet'àaɂàa-deè taı dzęę̀ eyıts'ǫ taı toò ts'ǫ̀ dèè goyìı wheda ha.

John 19:14

Dzędeè Passover wexèhoìwı gha Israel got'ı̨į̀ sınìgedè ekò dzętanı ekìıyeè k'àowo Pılate Israel got'ı̨į̀ ts'ǫ̀ hadı, “Jǫ naxıts'ǫ k'àowocho nàwo,” gòhdı.

John 19:20

Edı̨į̀ Zezì dechı̨et'aa k'e wedıìtsòo sìı Jerusalem ts'ǫ̀ nıwà-le agǫ̀ht'e t'à hanì dek'eèhtł'èe sìı dǫ łǫ gık'eyaı̨htı. Aramaıc got'ı̨į̀, Rome got'ı̨į̀ eyıts'ǫ Greece got'ı̨į̀ gıyatıì sı k'ę̀ę̀ dek'eèhtł'è.

John 19:31

Eyı dzęę̀ sìı Nǫ̀htsı̨ Dzęę̀ gha sınìgedèe dzęę̀ k'e agǫ̀ht'e, eyıts'ǫ ek'èdaedzęę̀ k'e Nǫ̀htsı̨ gha dzędeè hołè ha. Nǫ̀htsı̨ Dzęę̀ k'e dǫkw'ǫǫ̀ dechı̨et'aa k'e dawhela ha-le gı̨ı̨wǫ t'à Israel-got'ı̨į̀-gha-k'aodèe k'àowo Pılate ts'àgede. Eyı dǫ taı gıdzaà nàgeezhì gha eyıts'ǫ gıkw'ǫǫ̀ dechı̨et'aa k'e gots'ǫ hodàgewa gha k'àowo Pılate dagı̨ı̨hke.

John 19:41

Edı̨į̀ Zezì dechı̨et'aa k'e wedıìtsòo gà jìecho dehshee k'è gòɂǫ. Ekǫ kwe yìı dǫkw'ǫǫ̀ whetǫǫ k'è gòɂǫǫ sìı weyìı dǫkw'ǫǫ̀ ı̨ı̨tǫ̀-le t'à wegòò hǫt'e.

Zezì Wecheekeèdeè 13:29

T'asìı hazǫǫ̀ weghǫ dek'eèhtł'èe sìı hanì gıts'ǫ̀ eghàlaı̨dà tł'axǫǫ̀, dechı̨et'aa k'e gots'ǫ hodàgıachì gà kwe yìı wekw'ǫǫ̀ nègı̨į̀tǫ.

1 Corınth 15:4

Zezì wekw'ǫǫ̀ nìtǫ ı̨lè, eyıts'ǫ taı dzęę̀ k'ehǫǫwo tł'axǫǫ̀ naìdà, eyı sìı Nǫ̀htsı̨ Nı̨htł'è k'ę̀ę̀ agòjà.

Colosse 2:12

Naxık'ètaìdzǫ t'à wexè naxıkw'ǫǫ̀ nìtǫ lanì ı̨lè. Nǫ̀htsı̨-Gotà enıìyah t'à nàtso xè Zezì naìdà ayį̀į̀là, eyı sìı naxıgha ehkw'ı-ahodı t'à, Zezì wexè naàhdà anaxììdlà hǫt'e.