John 19:41 - Nǫ̀htsı̨ Nı̨htł'è

⁴¹ Edı̨į̀ Zezì dechı̨et'aa k'e wedıìtsòo gà jìecho dehshee k'è gòɂǫ. Ekǫ kwe yìı dǫkw'ǫǫ̀ whetǫǫ k'è gòɂǫǫ sìı weyìı dǫkw'ǫǫ̀ ı̨ı̨tǫ̀-le t'à wegòò hǫt'e.

John 19:41 ပူးပေါင်းရင်းမြစ်များ

Matthew 27:60

Wets'ǫ kwe yìı dǫkw'ǫǫ̀ ı̨ı̨tǫ̀-le sìı ekǫ yekw'ǫǫ̀ nèyı̨ı̨tǫ. Eyı tł'axǫǫ̀ kwe nechàa enìı̨ɂǫǫ̀ ayį̀į̀là gà naèhtła.

Luke 23:53

Dechı̨et'aa k'e ts'ǫ Zezì wekw'ǫǫ̀ hodàı̨htı̨ gà nezı̨į̀ ehtł'ı̨ wemoèhdoò ayį̀į̀là. Eyıts'ǫ kwe yìı dǫkw'ǫǫ̀ ı̨ı̨tǫ̀-le sìı ekǫ yekw'ǫǫ̀ nèyı̨ı̨tǫ.

John 19:42

Hòt'a Israel got'ı̨į̀ gıgha Nǫ̀htsı̨ Dzęę̀ ts'ǫ̀ whaà-le t'à, eyıts'ǫ eyı dǫkw'ǫǫ̀ whetǫǫ k'è ts'ǫ̀ nıwà-lea t'à ekǫ Zezì wekw'ǫǫ̀ nègı̨į̀tǫ.

John 20:15

Zezì yets'ǫ̀ hadı, “Ts'èko, ayìıha netse? Amìı hak'eı̨t'į̀?” yèhdı. Dèè-sıìgǫǫhwhǫǫ-dǫǫ̀ at'ı̨ yı̨ı̨hwhǫ t'à, Mary hayèhdı, “K'àowo, t'asį̀ı̨ nèwı̨ı̨chì nı̨dè edı̨į̀ nèwı̨ı̨htį̀ı̨ sìı sets'ǫ̀ haı̨dı, naweehchı ha t'à,” yèhdı.