John 19:28 - Nǫ̀htsı̨ Nı̨htł'è

²⁸ Sìghaı̨waà tł'axǫǫ̀ Zezì hadı, “Tı waehwhı.” Hòt'a t'asìı hazǫǫ̀ weghàlaedà, eyıts'ǫ Nǫ̀htsı̨ Nı̨htł'è k'ę̀ę̀ agode ha yek'èezǫ t'à, “Tı waehwhı,” hadı.

John 19:28 ပူးပေါင်းရင်းမြစ်များ

Luke 12:50

Hanìkò hoìla setehoewı ha hǫt'e. Eyı wetehoewı gots'ǫ̀ sıì segha dìì.

Luke 18:31

Zezì edecheekeè whatsǫǫ̀ gots'ǫ̀ hadı, “Kǫ̀ta Jerusalem ts'ǫ̀ ts'eedè ha. Nakwenàoɂǫǫ t'asìı hazǫǫ̀ Dǫ-wet'àaɂàa-deè ghǫ egı̨ı̨tł'èe sìı hazǫǫ̀ wek'ę̀ę̀ agode ha.

Luke 22:37

Dıı hanì dek'eèhtł'è hǫt'e, ‘Dǫjıı xè nagı̨ı̨htà.’ Hanì seghǫ dek'eèhtł'èe sìı wek'ę̀ę̀ ahde ha hǫt'e. Hęɂę, dànì seghǫ dek'eèhtł'èe sìı wek'ę̀ę̀ agodaade,” Zezì gòhdı.

John 13:1

Dzędeè Passover wets'ǫ̀ hawe. Zezì, hòt'a whaà-le dıı nèk'e gots'ǫǫ̀ naetła ha eyıts'ǫ Edetà ts'ǫ̀ anade ha yek'èezǫ. Xàè wets'ǫ dǫ dıı nèk'e dǫta nàgedèe sìı goghǫneètǫ, dànì hòtł'ò goghǫneètǫǫ sìı gık'èezǫǫ̀ agole ha.

John 17:4

La seghàneeɂǫǫ sìı weghǫ naht'e t'à dıı nèk'e neghàsǫhoedıì anèhłà.

John 18:4

Zezì wexè dàgode ha sìı hazǫǫ̀ yek'èezǫ t'à gots'ǫ̀ èhtła, hagòhdı, “Amìı hak'eaht'į̀?” gòhdı dagoehke.

John 19:24

Eyıt'à eghǫǫ-dǫǫ̀ ełets'ǫ̀ hagedı, “Tàts'ııhdlà-le, amìı weghaelı̨ ha sìı eyı gha ekw'ǫą ts'ııhdè,” gedı. Dànì Nǫ̀htsı̨ Nı̨htł'è k'e dek'eèhtł'èe sìı k'ę̀ę̀ agode ha t'à hagòjà. Dıı hanì dek'eèhtł'è, “Segoht'ǫǫ̀ łats'ıgı̨ı̨wa eyıts'ǫ seɂeè gha ekw'ǫą k'egeehdè,” dek'eèhtł'è. Eyıt'à eghǫǫ-dǫǫ̀ gıxè hagòjà.

John 19:30

Zezì yaazea wewàhǫǫdì ajà tł'axǫǫ̀, “Hòt'a enahǫ̀t'e,” hadı, eyı tł'axǫǫ̀ wekwì ı̨zhıì ajà gà ełaı̨wo.

John 19:36

Nǫ̀htsı̨ Nı̨htł'è k'e dıı hanì dek'eèhtł'è: “Wekw'ǫǫ̀ ı̨łàet'ee wı̨ı̨zìı nàtį̀ ha-le,” eyıts'ǫ dıı hanì sı dek'eèhtł'è, “Eyı dǫ gıghaı̨hkoo sìı gıghàeda ha,” dek'eèhtł'è. Nǫ̀htsı̨ Nı̨htł'è k'e dànì dek'eèhtł'èe sìı wek'ę̀ę̀ agode ha t'à, eyı hazǫǫ̀ hagòjà hǫt'e.

John 4:34

Zezì gots'ǫ̀ hadı, “Amìı jǫ ts'ǫ̀ sı̨ı̨hɂàa sìı wek'èaht'e ha hǫt'e eyıts'ǫ la seghàı̨ɂǫǫ sìı weghǫ naht'è ha hǫt'e. Eyı sedıì hǫt'e.

Zezì Wecheekeèdeè 13:29

T'asìı hazǫǫ̀ weghǫ dek'eèhtł'èe sìı hanì gıts'ǫ̀ eghàlaı̨dà tł'axǫǫ̀, dechı̨et'aa k'e gots'ǫ hodàgıachì gà kwe yìı wekw'ǫǫ̀ nègı̨į̀tǫ.