John 19:18 - Nǫ̀htsı̨ Nı̨htł'è

¹⁸ Ekǫ dechı̨et'aa k'e Zezì gıdı̨į̀htsò eyıts'ǫ dǫ nàke weghǫhk'eè dexegı̨į̀htsò.

John 19:18 ပူးပေါင်းရင်းမြစ်များ

Matthew 27:44

Dǫjıı nàke weghǫhk'eè gıdıìtsòo sìı, ededı̨ sı, gık'adaedè.

John 18:32

(Eyı hagòjàa sìı Zezì dànì ełaàwı ha edeghǫ goı̨de ı̨lèe sìı wek'ę̀ę̀ agode ha t'à hagòjà.)

John 19:32

Eyıt'à eghǫǫ-dǫǫ̀ dǫjıı ı̨łè Zezì xè wedıìtsòo sìı wedzaà k'egı̨ı̨zhì, wek'èè k'achı̨ dǫjıı ı̨łè hagı̨į̀là.

Zezì Wecheekeèdeè 2:23

Eyı Zezì sìı naxıghàwììtı̨ hǫt'e. Nǫ̀htsı̨ hanì ha nıwǫ t'à eyıts'ǫ hawedle ha nadąą̀ yek'èezǫ t'à naxıghàyı̨ı̨htı̨ hǫt'e. Naxı̨ dǫjıı naxıts'àgı̨ı̨dì t'à dechı̨et'aa k'e wedeàhtsò xè ełaàwèahwho hǫt'e.

Galatıa 3:13

Moses wenàowoò k'èts'edì ha dìì t'à gosınìyaetı ch'à Zezì-Krı edaxàgoı̨la hǫt'e. Zezì gotł'axǫǫ̀ Nǫ̀htsı̨ yesınìyaı̨htı hǫt'e, dıı hanì dek'eèhtł'è t'à, “Dǫ dechı̨ k'e ełaàwìgwoo sìı hoìla gha wesınìyaetı hǫt'e,” dek'eèhtł'è.

Hebrew 12:2

Zezì zǫ wedaànıts'ııdè, ededı̨ sìı Nǫ̀htsı̨ gogha ehkw'ı-ahodıı yexèhoį̀hwho hǫt'e, eyıts'ǫ ededı̨ nǫǫde ts'ǫ̀ deghàà gogha ehkw'ı-ahodıì agole ha hǫt'e. Ededı̨ ı̨daà nı̨dè wınà agode ha yek'èezǫ t'à dechı̨et'aa k'e dàı̨ɂàa sìı yeghǫ į̀į̀zhawhelı̨-le. Eyı tł'axǫǫ̀ Nǫ̀htsı̨ t'asìı hazǫǫ̀ gha K'àowocho elı̨ı̨ sìı yegà nàgòts'ehnèe wheda.