John 19:15 - Nǫ̀htsı̨ Nı̨htł'è

¹⁵ Hanìkò dǫ yagìzeh, hagedı, “Ełaàwèahwhı! Ełaàwèahwhı! Dechı̨et'aa k'e wedeàhtsò!” gedıì nàdahogehdè. K'àowo Pılate gots'ǫ̀ hadı, “Naxıts'ǫ k'àowocho wedıìtsò ha dahwhǫ nì?” gòhdı. Hanìkò yahtıı-gha-k'aodèe hagedı, “Caesar ededı̨ zǫ gogha k'àowocho elı̨ ne,” gıìhdı.

John 19:15 ပူးပေါင်းရင်းမြစ်များ

Dànì Kèhoį̀wo 49:10

Judah, k'àowocho-geè t'aats'ǫǫ̀ wetł'aà wheɂǫ ha. Amìı wets'ǫ nee sìı nììtła gots'ǫ̀ k'àowocho-geè t'aats'ǫǫ̀ Judah wexè hòɂǫ ha, eyıts'ǫ dǫ hazǫǫ̀ xàɂaa gık'èı̨t'e ha.

Matthew 22:17

Eyıt'à dıı weghǫ dàneewǫ gots'ǫ̀ haı̨dı. K'àowodeè Caesar, sǫǫ̀mba wets'àts'eehdìı sìı asį̀į̀ eyı negha ehkw'ı ne?” gıìhdı.

Luke 23:18

Hanìkò dǫ hazǫǫ̀ yagìzeh, “Eyı dǫ ełaahwhı! Barabas eyı gots'ǫ̀ xàetłaà awı̨ı̨le!” gedı.

John 18:31

Eyıt'à k'àowo Pılate hagòhdı, “Naxı̨ neweàhchı, naxınàowoò k'ę̀ę̀ wesınìyaahtı,” gòhdı. Israel got'ı̨į̀ hagedı, “Goxı̨ dǫ ełaàts'ehwhı ha gogha hòɂǫ nıìle,” gedı.

John 19:6

Yahtıı-gha-k'aodèe eyıts'ǫ gıcheekeè gıaɂı̨ ts'ǫ̀et'ıì yagìzeh, hagedı, “Dechı̨et'aa k'e wedeàhtsò! Dechı̨et'aa k'e wedeàhtsò!” gedı. Hanìkò k'àowo Pılate hagòhdı, “Naxı̨ neweàhchı, dechı̨et'aa k'e wedıìtsò aweahłe! Sı̨ sìı dıı dǫ ayìı wek'e nìdahoehɂà ha sìı wek'èehsǫ-le,” gòhdı.

Zezì Wecheekeèdeè 13:28

Yek'èxa ełaàwı ha whìle kò ełaàgıìhwhı ha k'àowo Pılate ts'ǫ̀ gogı̨ı̨de.

Zezì Wecheekeèdeè 21:36

Dǫ hazǫǫ̀ gok'èè gıadèe sìı “Weweè aahłe!” gedıì yagìzeh.

Zezì Wecheekeèdeè 22:22

Dǫ hazǫǫ̀ hagǫǫwa gots'ǫ̀ Paul gı̨į̀hkw'ǫ̀, hanìkò eyıì-le dǫ xàɂaa gıts'ǫ̀ ahde ha, gòhdı ts'ǫ̀et'ıì dǫ yagìzeh xè hagedı, “Eyı dǫ weweè aahłe! Ełaàwèahwhı!” gedıì yagìzeh.