John 18:8 - Nǫ̀htsı̨ Nı̨htł'è

⁸ “Eyı aht'e naxèehsı̨,” Zezì gòhdı. “Sehak'eaht'į̀ nı̨dè dıı dǫ sexè aget'ı̨ı̨ sìı nageedè agıahłe,” gòhdı.

John 18:8 ပူးပေါင်းရင်းမြစ်များ

Matthew 26:56

Hanìkò nakwenàoɂǫǫ gını̨htł'è k'ę̀ę̀ agode ha t'à dıı hagode ha t'ıį̀t'e,” gòhdı. Eyı tł'axǫǫ̀ wecheekeè hazǫǫ̀ gıts'ǫǫ̀ natı̨mǫgeèhde, eyıts'ǫ nakwı̨geède.

John 10:28

Welǫ whìle ts'ǫ̀ geedaà agehłe ha, ełaàgede hǫı̨lı̨ ha-le. Dǫ wı̨ı̨zìı seghǫ nıgoòwa ha nıìle.

John 13:1

Dzędeè Passover wets'ǫ̀ hawe. Zezì, hòt'a whaà-le dıı nèk'e gots'ǫǫ̀ naetła ha eyıts'ǫ Edetà ts'ǫ̀ anade ha yek'èezǫ. Xàè wets'ǫ dǫ dıı nèk'e dǫta nàgedèe sìı goghǫneètǫ, dànì hòtł'ò goghǫneètǫǫ sìı gık'èezǫǫ̀ agole ha.

John 13:36

Sımon-Peter dayeehke, “Sets'ǫ̀ K'àowo, edı̨į̀ ts'ǫ̀ aąde ha?” Zezì hayèhdı, “Edı̨į̀ ts'ǫ̀ aht'ı̨ı̨ sìı dıì sek'èahde ha dìì, hanìkò nǫǫde-ı̨dè sek'èahde ha,” yèhdı.

John 16:32

Hanìkò whaà-le-t'ıì hazǫǫ̀ ekèahdè ha ne, hòt'a eyı nìhǫǫwo hǫt'e. Hazǫǫ̀ naxıkǫ̀ ts'ǫ̀ naahdè anaxedle ha, sı̨ whatsǫǫ̀ whıhda aseahłe ha. Hanìkò whatsǫǫ̀ whıhda nıìle, Setà sexè at'ı̨ hǫt'e.

John 18:7

K'achı̨ dagoehke, “Amìı hak'eaht'į̀?” K'achı̨ hagedı, “Zezì, Nazareth got'ı̨į̀,” gedı.

John 18:9

Eyıt'à ı̨dì dànì yaı̨htı ı̨lèe sìı wek'ę̀ę̀ agode ha t'à hagogį̀į̀là. Dıı hadıì yaı̨htı ı̨lè: “Dǫ seghàneelaa sìı ı̨łè kò seghǫ wedıhòłı̨-le,” hadıì yaı̨htı ı̨lè.

1 Corınth 10:13

Dǫ hazǫǫ̀ hołı̨ı̨ t'à dànì geèdzàa sìı wedaats'ǫ̀ naxeèdzà ha nıìle. Nǫ̀htsı̨ sìı t'aats'ǫǫ̀ goxoehdı ha hǫt'e, naxınì nàtso nahk'e ts'ǫ̀ naxeèdzà anaxele ha nıìle. Hanìkò hołı̨ı̨ t'à naxeèdzà nı̨dè, weghǫahnè ha naxınì nàtsoò ayele ha.

2 Corınth 12:9

Hanìkò sets'ǫ̀ hadı, “Nets'ǫ̀ sǫdehwhǫǫ sìı eyı negha hòt'a hǫt'e. Dǫ nàgetso-le nı̨dè, gıdzeè yìı denahk'e enıìyah eghàlaehda hǫt'e,” sèhdı. Eyıt'à ayìı t'à nàhtso-le sìı weghǫ sınà xè weghǫ denahk'e xàdahohdì ha. Hanì-ı̨dè Zezì-Krı wedahxà nàhtsoò asedle ha hǫt'e.

Ephesus 5:25

Dǫzhìı yàahłı̨ı̨ sìı naxıts'èkeè ghǫnıahtǫ, Zezì-Krı edecheekeè goghǫneètǫ lanì eyıts'ǫ gogha ełaı̨wo lanì.

1 Peter 5:7

Naxıghǫneètǫ ne t'à t'asìı hazǫǫ̀ ghǫ nànıahdèe sìı weghàahłe.