John 18:3 - Nǫ̀htsı̨ Nı̨htł'è

³ Eyıt'à, eghǫǫ-dǫǫ̀, yahtıı-gha-k'aodèe gıcheekeè, eyıts'ǫ Pharısee gı̨ı̨lı̨ı̨ sìı Zhıdàà ekǫ nègòı̨wa. Dǫ eyı nègı̨ı̨dee sìı dechı̨ welǫ kǫ̀ dèk'ǫ̀ǫ k'egele, tłeèk'ǫ̀ǫ eyıts'ǫ behcho sı k'egele.

John 18:3 ပူးပေါင်းရင်းမြစ်များ

Matthew 25:1

“Ekìıyeè k'e nı̨dè Nǫ̀htsı̨ Wenàowoò k'ę̀ę̀ dıı lagode ha: T'eekoa hoònǫ tłeèk'ǫ̀ǫ xè xàgeède gà mǫ̀ht'a dǫzhìı honìda ha sìı k'enageèhɂı̨.

John 13:2

Xèhts'ǫ̀ shègezhe ha kw'à nègı̨ı̨la. Ekìıyeè k'e wehłı̨ı̨, Sımon weza Zhıdàà-Iscarıyot, Zezì k'èch'a nànıwoò ayį̀į̀là ı̨lè, eyıt'à Zezì, k'aodèe gotł'aàyehtè ha nıwǫ.

John 18:12

Hadı tł'axǫǫ̀ eghǫǫ-dǫǫ̀, gıts'ǫ k'àowo, eyıts'ǫ Israel got'ı̨į̀ gha k'aodèe Zezì dagıachì. Wegǫ̀ǫ̀ ełeetł'ı̨į̀ agı̨į̀là

John 18:18

Edza t'à dǫ goyìı eghàlagıìdèe eyıts'ǫ k'aodèe kǫ̀ dèk'ǫ̀ǫ gà nàgeèhza xè nagìgwı. Peter ededı̨ sı gogà nàwo xè naìgwı.

John 18:22

Zezì hadı t'à k'àowo ı̨łè yegà nàwoo sìı yınì nàı̨kà, hayèhdı, “Hanì yahtıı-wet'àaɂàa-deè ts'ǫ̀ goı̨de ha nì?” yèhdı.

John 19:6

Yahtıı-gha-k'aodèe eyıts'ǫ gıcheekeè gıaɂı̨ ts'ǫ̀et'ıì yagìzeh, hagedı, “Dechı̨et'aa k'e wedeàhtsò! Dechı̨et'aa k'e wedeàhtsò!” gedı. Hanìkò k'àowo Pılate hagòhdı, “Naxı̨ neweàhchı, dechı̨et'aa k'e wedıìtsò aweahłe! Sı̨ sìı dıı dǫ ayìı wek'e nìdahoehɂà ha sìı wek'èehsǫ-le,” gòhdı.

John 7:32

Pharısee gı̨ı̨lı̨ı̨ sìı dǫ hagedıì ełets'ǫ̀ gogede gogıìkw'o. Eyıt'à yahtıı-gha-k'aodèe eyıts'ǫ Pharısee gı̨ı̨lı̨ı̨ sìı Zezì dageechı ha Nǫ̀htsı̨kǫ̀-xogııhdıı-dǫǫ̀ kayagı̨ı̨htı.

Zezì Wecheekeèdeè 1:16

Peter gots'ǫ̀ hadı, “Sèot'ı̨ı̨, Nǫ̀htsı̨ wenı̨htł'è k'e dànì dek'eèhtł'èe sìı wek'ę̀ę̀ agode ha hǫt'e. T'akwe whaà k'àowocho Davıd Yedàyeh Nezı̨ı̨ dahxà Zhıdàà ghǫ xàyaı̨htı ı̨lè. Zhıdàà Zezì gìhchı ha dǫ k'egohɂı̨ı̨ sìı dıı hanì weghǫ dek'eèhtł'è,

Zezì Wecheekeèdeè 10:1

Dǫ ı̨łè Cornelıus wìyeh kǫ̀ta Caesarea nàdè. Italy nèk'e gots'ǫ eghǫǫ-dǫǫ̀-gha-k'àowo elı̨.