John 18:28 - Nǫ̀htsı̨ Nı̨htł'è

²⁸ K'omǫǫ̀dǫǫ̀ et'ıì yahtıı-wet'àaɂàa-deè Caıaphas wekǫ̀ gots'ǫ xàgeèhchì, Zezì k'àowo Pılate wekǫ̀ gocho ts'ǫ̀ geèhchì. Israel got'ı̨į̀ sìı dǫ eładı̨ı̨ kǫ̀ goyageedè ha gıgha wets'àet'ǫ hǫt'e. Hagejà nı̨dè, gınàowoò k'ę̀ę̀ “degaı gı̨ı̨lı̨-le” agede ha gı̨ı̨wǫ, hanì-ı̨dè dzędeè Passover gha nàsı̨ ghǫ shègezhe ha dìì, eyıt'à k'àowo Pılate wekǫ̀ gocho goyageède-le.

John 18:28 ပူးပေါင်းရင်းမြစ်များ

Matthew 27:27

K'àowo Pılate wets'ǫ eghǫǫ-dǫǫ̀ Zezì Praetorıum gòyeh ts'ǫ̀ geèhchì, ekǫ eghǫǫ-dǫǫ̀ łǫ wemǫǫ̀ nègı̨ı̨deè agogį̀į̀là.

Mark 15:16

Zezì k'àowo Pılate wekǫ̀ gocho (Praetorıum gòyeh) ts'ǫ̀ geèhchì, ekǫ eghǫǫ-dǫǫ̀ łǫ eyı nègı̨ı̨de agogį̀į̀là.

Luke 22:66

K'omǫǫ̀dǫǫ̀ dzęh agòjà ekò yahtıı-gha-k'aodèe, ǫhdah gı̨ı̨lı̨ı̨ eyıts'ǫ Nǫ̀htsı̨-yatıì-k'ègedìı-dǫǫ̀ łą̀ą nègı̨ı̨de gà Zezì goyageèhchì.

John 11:55

Israel got'ı̨į̀ gıts'ǫ dzędeè Passover ts'ǫ̀ hawe ekò, hazǫǫ̀ gınèè gots'ǫ Israel got'ı̨į̀ łǫ dzędeè kwe Moses wenàowoò k'ę̀ę̀ edexè sıìgogele ha t'à kǫ̀ta Jerusalem ts'ǫ̀ agejà.

John 18:13

gà yahtıı-gha-k'àowo Annas ts'ǫ̀ geèhchì. Eyı dǫ sìı Caıaphas weɂeh hǫt'e. Eyı xo k'e Caıaphas yahtıı-wet'àaɂàa-deè elı̨.

John 18:15

Sımon-Peter eyıts'ǫ Zezì wecheekeè ı̨łè Zezì k'èè geède. Eyı wecheekeè ı̨łè yahtıı-wet'àaɂàa-deè k'èezǫ t'à yekǫ̀ gà ts'ǫ̀ Zezì k'èè nììtła.

John 18:33

K'àowo Pılate edekǫ̀ gocho goyìı naèhtła. Zezì kayaı̨htı gà dayeehke, hadı, “Israel got'ı̨į̀ gha k'àowocho anet'e nì?” yèhdı.

John 18:39

Naxıgha nàowo wheɂǫ k'ę̀ę̀ dzędeè Passover k'e nı̨dè dǫ ı̨łè wedaètǫǫ sìı naxıts'ǫ̀ xàetła awehɂı̨ ı̨lè. “ ‘Israel got'ı̨į̀ gha k'àowocho’ naxıts'ǫ̀ xàetłaà awehłe ha seahwhǫ nì?” gòhdı.

John 19:11

Zezì yets'ǫ̀ hadı, “Įdòo gots'ǫ neghàhòt'ǫ lenǫsıı nets'ǫ̀ hoèlı̨ nıìle. Eyıt'à dǫ netł'aàsegį̀ı̨htı̨ı̨ sìı nenahk'e hołı̨ı̨ hogèhtsı̨ hǫt'e,” yèhdı.

John 19:14

Dzędeè Passover wexèhoìwı gha Israel got'ı̨į̀ sınìgedè ekò dzętanı ekìıyeè k'àowo Pılate Israel got'ı̨į̀ ts'ǫ̀ hadı, “Jǫ naxıts'ǫ k'àowocho nàwo,” gòhdı.

John 19:9

Kǫ̀ gocho goyanaèhtła. Zezì ts'ǫ̀ hadı, “Edı̨į̀ gots'ǫ anet'ı̨?” Hanìkò Zezì xàyaı̨htı-le.

Zezì Wecheekeèdeè 10:28

Peter gots'ǫ̀ hadı, “Goxı̨ gonàowoò k'ę̀ę̀ dànì goxè hòɂǫǫ sìı wek'èahsǫ hǫt'e. Israel got'ı̨į̀ sìı, dǫ eyıì-le xàɂaa xè aget'ı̨ ha, gıgha wets'àet'ǫ hǫt'e. Hanìkò dǫ wı̨ı̨zìı wejıı wèehsı̨ ha-le sìı Nǫ̀htsı̨ wek'èehsǫǫ̀ asį̀į̀là.

Zezì Wecheekeèdeè 10:32

Yeè kǫ̀ta Joppa ts'ǫ̀ dǫ nehɂa, ekǫ dǫ ı̨łè Sımon wìyeh, Peter sı gıìhdı, wekàı̨hɂà. Sımon, ewò-sıìhɂı̨ı̨-dǫǫ̀ tıchobàa nàdèe ekǫ yexè nàdè hǫt'e,’ yak'eet'ı̨į̀ sèhdı.

Zezì Wecheekeèdeè 11:3

Eyıt'à hagıìhdı, “Dǫ eładı̨ı̨ xàɂaa gıkǫ̀ goyaneetła xè gıxè shènetı̨ nǫǫ̀,” gıìhdı.

Zezì Wecheekeèdeè 3:13

Gocho Abraham, Isaac, Jacob eyıts'ǫ gocho hazǫǫ̀ Gınǫ̀htsı̨ sìı, edecheekeè Zezì weghàsǫhoedıì ayį̀į̀là. Ełaàwı ha dǫ tł'aàwèahtı̨ ı̨lè, eyıts'ǫ k'àowo Pılate naxıts'ǫ̀ xàetłaà ayele ha nıwǫ kò naxı̨ weahwhǫ-le ı̨lè.

Zezì Wecheekeèdeè 4:27

Hęɂę, hotıì hagòjà. K'àowocho Herod eyıts'ǫ k'àowo Pılate, dǫ eyıì-le xàɂaa eyıts'ǫ Israel got'ı̨į̀ ełexè jǫ kǫ̀ta łą̀ą ełègı̨ı̨de ı̨lè. Zezì necheekeè degaı weneehchìı sìı wek'èch'a k'ehogeɂa ı̨lè.