John 18:20 - Nǫ̀htsı̨ Nı̨htł'è

²⁰ Zezì yets'ǫ̀ hadı, “Dǫ hazǫǫ̀ gıdaà goıhde ı̨lè. Ełègehdèe-kǫ̀ eyıts'ǫ Nǫ̀htsı̨kǫ̀-gocho gà Israel got'ı̨į̀ ełègehdèe sìı t'aats'ǫǫ̀ ekǫ zǫ goıhde ı̨lè t'à dǫ naàhtǫ wı̨ı̨zìı xàyaehtı whìle.

John 18:20 ပူးပေါင်းရင်းမြစ်များ

Matthew 24:26

“Eyıt'à, ‘Ekìı-ka nèk'e ekǫ wheda,’ dǫ naxıts'ǫ̀ hagedı nı̨dè, ekǫ aahdè-le. Hanì-le-ı̨dè, ‘Jǫ kǫ̀ goyìı wheda,’ gedı nı̨dè naxıgha ehkw'ı agııdì-le.

Matthew 26:55

Eyı tł'axǫǫ̀ Zezì dǫ nègı̨ı̨dee sìı ts'ǫ̀ hadı, “Ayìıha behcho eyıts'ǫ dechı̨ sets'ǫ̀ k'eahłe? Ełets'egǫ gha aht'ı̨ dahwhǫ nì? Dzę taàt'eè Nǫ̀htsı̨kǫ̀-gocho gà dǫ hoghàehtǫ ı̨lè, hanìkò sèahchì-le ı̨lè.

Matthew 26:65

Hadı t'à yahtıı-wet'àaɂàa-deè sıì wek'èch'a t'à edeɂeè tàı̨hdlà gà dǫ hazǫǫ̀ ts'ǫ̀ hadı, “Nǫ̀htsı̨ k'èch'a xàyaı̨htı hodeè! Hòt'a k'achı̨ dǫ gık'e nìdahogeeɂà-le kò. Naxı̨ xàè weyatıì ààhkw'o hǫt'e.

Matthew 4:23

Eyı tł'axǫǫ̀ Zezì Galılee nèk'e kǫ̀ta yàgòlaa sìı gota k'etło, ełègehdèe-kǫ̀ goyìı dǫ hoghàehtǫ. Nǫ̀htsı̨ Wenàowoò k'ę̀ę̀ hòɂǫǫ wegodıì nezı̨ı̨ t'à dǫ ts'ǫ̀ gode, eyıts'ǫ dǫ hazǫǫ̀ eyagı̨ı̨lı̨ı̨ sìı k'aàt'ıì agǫ̀ǫ̀là.

Matthew 9:35

Zezì eyı nèk'e kǫ̀ta hazǫǫ̀ gota k'eetło. Ełègehdèe-kǫ̀ goyìı dǫ hoghàehtǫ. Nǫ̀htsı̨ Wenàowoò k'ę̀ę̀ hòɂǫǫ wegodıì nezı̨ı̨ t'à dǫ ts'ǫ̀ gode, eyıts'ǫ tàda hazǫǫ̀ t'à dǫ eyagı̨ı̨lı̨ı̨ sìı k'aàt'ıì anagǫ̀ǫ̀là.

Mark 8:32

Hanì ehkw'ı gots'ǫ̀ xàyaı̨htı, eyıt'à Peter whatsǫǫ̀ yets'ǫ̀ goı̨de, hayèhdı, “Nexè hagode ha nıìle!” yèhdı.

Luke 21:37

Dzę taàt'eè Zezì Nǫ̀htsı̨kǫ̀-gocho gà dǫ hoghàgoehtǫ, eyıts'ǫ xèhts'ǫ̀ taàt'eè shìh Olıvet ekǫ to hoehwhı.

Luke 4:15

Ełègehdèe-kǫ̀ goyìı dǫ hoghàehtǫ ts'ıhɂǫ̀ dǫ hazǫǫ̀ gıghǫ nezı̨į̀ agedı.

John 18:21

Eyıt'à ayìıha dası̨ı̨hke? Dǫ segıìkw'oo sìı dagıahke, dàehsı̨į̀ goıhdee sìı hotıì gık'èezǫ hǫt'e,” yèhdı.

John 6:59

Zezì hadıì kǫ̀ta Capernaum ełègehdèe-kǫ̀ goyìı dǫ hoghàgoehtǫ.

John 7:14

Įłè dzęahta ts'ǫ̀ dzędeè hołèe sìı tanı nìhǫǫwo ekò, k'ǫǫ̀t'a Zezì Nǫ̀htsı̨kǫ̀-gocho gà dǫ hoghàehtǫ ha ekǫ èhtła.

John 7:26

“Eyı dǫ jǫ wheda xè dǫnı ts'ǫ̀ gode hanìkò k'aodèe t'asagıìhdı-le. Chrıst hǫt'e gı̨ı̨wǫǫ̀ agejà nì-ghǫ agı̨ı̨t'e?

John 7:28

Zezì ı̨łaà Nǫ̀htsı̨kǫ̀-gocho gà dǫ ts'ǫ̀ godeè ekò dǫnı ts'ǫ̀ hòtł'ò hadı, “Hęɂę, sek'èahsǫ, eyıts'ǫ edı̨į̀ gots'ǫ aht'ı̨ı̨ sìı wek'èahsǫ hǫt'e. Sı̨ sedahxà jǫ whıhda nıìle. Amìı sı̨ı̨hɂàa sìı ededı̨ sìı ehkw'ı hǫt'e. Naxı̨ wek'èahsǫ nıìle,

John 7:4

Dǫ t'asìı wehłè nıwǫǫ sìı dǫ naàhtǫ eghàlaeda nıìle. Enıìyah hoı̨htsı̨ nı̨dè dǫ hazǫǫ̀ neghàıdà agı̨ı̨le,” gıìhdı.

John 8:2

Èhkǫ ekò Zezì Nǫ̀htsı̨kǫ̀-gocho gà nǫ̀ǫtła, ekǫ dǫ łǫ wets'ǫ̀ ełèwhede, eyıts'ǫ hoghàgoehtǫ.

John 8:26

T'asìı łǫ ghǫ naxısınìyahtı ha dìì-le, hanìkò amìı sı̨ı̨hɂàa sìı weyatıì ehkw'ı hǫt'e. Dàsèhdıı sìı dǫ hazǫǫ̀ ts'ǫ̀ haehsı̨ hǫt'e,” Zezì gòhdı.

Zezì Wecheekeèdeè 26:26

K'àowocho Agrıppa, ededı̨ eyı hazǫǫ̀ yek'èezǫ hǫt'e, wets'ǫ̀ gohde ha edèdaehdı-le. Eyı hazǫǫ̀ deɂı̨į̀ agòjà-le t'à wenaàhtǫ nıìle hotıì wek'èehsǫ.