John 18:17 - Nǫ̀htsı̨ Nı̨htł'è

¹⁷ T'eekoa, Peter ts'ǫ̀ hadı, “Nı̨ Zezì wecheekeè anet'e-le nì?” “Į̀le, wecheekeè aht'e-le,” Peter yèhdı.

John 18:17 ပူးပေါင်းရင်းမြစ်များ

Matthew 26:33

Peter yets'ǫ̀ hadı, “Dǫ hazǫǫ̀ nets'ǫǫ̀ nageèhde kò sı̨ nek'èè k'ehda ghǫ naht'è ha nıìle,” yèhdı.

Luke 22:54

Eyı tł'axǫǫ̀ dagıachì gà yahtıı-wet'àaɂàa-deè wekǫ̀ ts'ǫ̀ agı̨į̀là. Peter ı̨dè sìghaı̨waà gok'èetłe.

John 18:16

Hanìkò Peter kwekwı̨į̀ gha xàgoòɂàa k'è dexaetła ha-le t'à eyı naèhɂı̨. Zezì wecheekeè ı̨łè eyı nǫ̀ǫtła ekò t'eekoa eyı eghàlaedaa sìı ts'ǫ̀ goı̨de t'à Peter goyaèhtłaà ayį̀į̀là.

John 18:25

Sımon-Peter mǫ̀ht'a naìgwı ekò dǫ ı̨łè dayeehke, “Wecheekeè ı̨łè anet'e dehwhǫ ne?” yèhdı. “Į̀le, wecheekeè aht'e nıìle,” Peter yèhdı.

John 18:5

“Zezì, Nazareth got'ı̨į̀,” gıìhdı. “Eyı aht'e,” Zezì gòhdı. (Zhıdàà, dǫ tł'aàyehtè ha sìı, gota nàwo nǫǫ̀.)

John 18:8

“Eyı aht'e naxèehsı̨,” Zezì gòhdı. “Sehak'eaht'į̀ nı̨dè dıı dǫ sexè aget'ı̨ı̨ sìı nageedè agıahłe,” gòhdı.

John 21:15

Shègıazhe tł'axǫǫ̀ Zezì Sımon-Peter ts'ǫ̀ hadı, “John weza Sımon, dıı dǫ gınahk'e seghǫneę̀tǫ nì?” Sımon yets'ǫ̀ hadı, “Hęɂę, sets'ǫ̀ K'àowo, neghǫneehtǫ wek'èı̨zǫ ne,” yèhdı. Zezì hayèhdı, “Sesahzǫ̀ą gıwàı̨dı,” yèhdı.

Zezì Wecheekeèdeè 12:13

Peter enìı̨tǫ ts'aeht'ı. T'eekoa ı̨łè gogha eghàlaeda Rhoda wìyeh enìı̨tǫ gà nììtła.