John 17:9 - Nǫ̀htsı̨ Nı̨htł'è

⁹ Dıì gıgha yahtı. Dıı nèk'e gots'ǫ dǫ hazǫǫ̀ gha yahtı ha dehsı̨į̀-aehsı̨-le, hanìkò dǫ seghàneelaa sìı gıgha yahtı, nets'ǫ agı̨ı̨t'e t'à.

John 17:9 ပူးပေါင်းရင်းမြစ်များ

Luke 22:32

hanìkò, Sımon, ı̨łaà nınì nàtso ha, negha yaehtı. Sets'ǫ̀ ek'èt'à anaąjà nı̨dè nèot'ı̨ gınì nàtsoò agı̨ı̨le nǫǫ̀,” yèhdı.

Luke 23:34

Zezì hadı, “Setà, gıghǫ nahoı̨le, dàget'ı̨ı̨ sìı gık'èezǫ nıìle t'à,” hadı. Eghǫǫ-dǫǫ̀ wegoht'ǫǫ̀ ełetaàgeelè gha ekw'ǫą k'egehdè.

Luke 8:34

Dǫ gogòò k'ègedìı sìı hagòjà gıaɂı̨ t'à natı̨mǫgeèhde. Gıxè dàgòjàa sìı kǫ̀ta yàgòlaa hazǫǫ̀ dǫ ts'ǫ̀ hagedı.

John 14:16

Setà naxıgha weehkè ha, setł'axǫǫ̀ naxıts'àdıı elı̨ ha sìı naxıts'ǫ̀ ayele ha, welǫ whìle ts'ǫ̀ naxıts'ǫ̀-èlı̨ ha.

John 17:2

Dǫ weghàneelaa sìı welǫ whìle ts'ǫ̀ geedaà agole ha t'à, dǫ hazǫǫ̀ ts'ǫ̀ k'àowo awènelà.

John 17:20

“Secheekeèdeè zǫ gıgha yahtı nıìle. Secheekeèdeè gıyatıì t'à dǫ seghǫ gıgha ehkw'ı-ahodıı sìı hazǫǫ̀ gıgha yahtı hǫt'e.

John 17:6

“Dıı nèk'e dǫ hazǫǫ̀ seghàneelaa sìı nek'ègeezǫǫ̀ agèhłà. Nets'ǫ agı̨ı̨t'e ı̨lèe sìı seghàgınèela, eyıts'ǫ neyatıì k'èagı̨ı̨t'e.

John 6:37

Setà dǫ hazǫǫ̀ seghàı̨laa sìı sets'ǫ̀ agede ha, amìı sets'ǫ̀ at'ı̨ı̨ sìı naweehɂà hǫı̨lı̨ ha-le.

John 6:39

Amìı sı̨ı̨hɂàa sìı dıı hanıwǫ: dǫ hazǫǫ̀ seghàı̨laa sìı ı̨łè kò seghǫ dıkǫetła ha-le, hanìkò nǫǫde dzęę̀ k'e nı̨dè hazǫǫ̀ nagìdà agehłe ha.

Hebrew 7:25

Eyıt'à Zezì ededı̨ wet'ǫ̀ǫ̀ amìı Nǫ̀htsı̨ ts'ǫ̀ at'ı̨ı̨ sìı deghàà edaxàgole ha wegha dìì-le hǫt'e. T'aats'ǫǫ̀ eda t'à dǫ gha Nǫ̀htsı̨ ts'ǫ̀ yahtı ha dìì-le hǫt'e.

Hebrew 9:24

Zezì-Krı sìı nı̨hbàa dǫlà t'à hòèlı̨ı̨ k'è goyaı̨za nıìle, eyı nı̨hbàa sìı yak'e degaı k'è gòɂǫǫ k'ę̀ę̀ hòèlı̨ı̨ hǫt'e. Zezì xàè yak'e goyaı̨za hǫt'e, dıì Nǫ̀htsı̨ nadąą̀ gogha nàwo hǫt'e.

1 John 5:19

Nǫ̀htsı̨ weza ats'ı̨ı̨t'e, eyıts'ǫ dıı nèk'e dǫ hazǫǫ̀ Nǫ̀htsı̨ dę geedaa sìı wehłı̨ı̨ gıts'ǫ̀ k'àowo hǫt'e, wek'èts'eezǫ.

John Wenazhıı 12:9

Eyı tıts'aàdìıcho dek'oo sìı ı̨nę̀ę whaà gots'ǫ gòocho hǫt'e. Eyı sìı wehłı̨ı̨ hanì-le-ı̨dè “Satan” wìyeh hǫt'e. Ededı̨ sìı dıı nèk'e dǫ hazǫǫ̀ ekǫ-le ts'ǫ̀ goèhɂa. Wets'ǫ yak'eet'ı̨łı̨ı̨ xè dıı nèk'e ts'ǫ̀ gogeèhde.

John Wenazhıı 13:8

Dıı nèk'e dǫ hazǫǫ̀ tıts'aàdìı nechàa ts'ǫ̀ yagehtı ha. Sahzǫ̀ą ełaàwìgwo wenı̨htł'è k'e gıızì dek'eèhtł'è-le agı̨ı̨t'e. Dıı dèè hòèlı̨ gots'ǫ amìı welǫ whìle ts'ǫ̀ geeda ha sìı eyı enı̨htł'è yìı gıızì dek'eèhtł'è.

John Wenazhıı 20:15

Amìı eyı enı̨htł'è wek'e dǫ welǫ whìle ts'ǫ̀ geeda gha gıızì dek'eèhtł'è-le sìı kwe dèk'ǫ̀ǫ ta ts'ǫ̀ gogeèhde hǫt'e.