John 17:7 - Nǫ̀htsı̨ Nı̨htł'è

⁷ T'asìı hazǫǫ̀ seghàneelaa sìı nets'ǫ zǫ hǫt'e, eyı gık'èezǫǫ̀ agejà.

John 17:7 ပူးပေါင်းရင်းမြစ်များ

John 14:20

Eyı dzęę̀ k'e nı̨dè sı̨ Setà wexè ı̨łè zǫ aht'e wek'èahsǫ ha; naxı̨ sexè ı̨łè zǫ aaht'e eyıts'ǫ sı̨ naxıxè ı̨łè zǫ aht'e wek'èahsǫ ha.

John 16:15

T'asìı hazǫǫ̀ Setà wets'ǫ sìı sets'ǫ hǫt'e. Eyıt'à dıı hanaxèehsı̨, ‘Yedàyeh Nezı̨ı̨ ayìı sets'ǫ ne sìı yìhchı gà wek'èahsǫ anaxele ha.’

John 17:10

Hazǫǫ̀ sets'ǫ agı̨ı̨t'ee sìı nı̨ nets'ǫ agı̨ı̨t'e, eyıts'ǫ hazǫǫ̀ nets'ǫ agı̨ı̨t'ee sìı sı̨ sı sets'ǫ agı̨ı̨t'e. Eyı hazǫǫ̀ gıts'ıhɂǫ̀ seghàsǫhoedı hǫt'e.

John 17:6

“Dıı nèk'e dǫ hazǫǫ̀ seghàneelaa sìı nek'ègeezǫǫ̀ agèhłà. Nets'ǫ agı̨ı̨t'e ı̨lèe sìı seghàgınèela, eyıts'ǫ neyatıì k'èagı̨ı̨t'e.

John 17:8

Yatı seghàneeɂǫǫ sìı gıghàehɂǫ xè gıgha ehkw'ı-ahodı. Nets'ǫ aht'ı̨ hotıì sek'ègeezǫ, eyıts'ǫ nı̨ seneehɂàa sìı gıgha ehkw'ı-ahodı.

John 8:28

Eyıt'à Zezì gots'ǫ̀ hadı, “Dǫ-wet'àaɂàa-deè ı̨dòo dexewıìtsò awèahłà nı̨dè, amìı aht'e naxèehsı̨ı̨ sìı k'ǫǫ̀t'a wek'èahsǫ ha. Sı̨ sedahxà t'asìı ghàlaehda nıìle, Setà ayìı hoghàseèhtǫǫ sìı eyı zǫ t'à gohde hǫt'e.