John 17:6 - Nǫ̀htsı̨ Nı̨htł'è

⁶ “Dıı nèk'e dǫ hazǫǫ̀ seghàneelaa sìı nek'ègeezǫǫ̀ agèhłà. Nets'ǫ agı̨ı̨t'e ı̨lèe sìı seghàgınèela, eyıts'ǫ neyatıì k'èagı̨ı̨t'e.

John 17:6 ပူးပေါင်းရင်းမြစ်များ

John 1:18

Dǫ wı̨ı̨zìı Nǫ̀htsı̨ aɂı̨ whìle. Nǫ̀htsı̨ ededı̨ ı̨łàet'ee zǫ Nǫ̀htsı̨-Gotà gà whedaa sìı, Nǫ̀htsı̨ k'èts'eezǫǫ̀ agǫ̀ǫ̀là.

John 12:28

Setà, nıızì weghàsǫhoedı anele!” Hadı tł'axǫǫ̀ yak'e gots'ǫ dıı hats'edıì hǫt'e, “Sıızì hòt'a weghàsǫhoedı ahłà, eyıts'ǫ k'achı̨ hanahłe ha,” wets'ǫ̀ hats'edıì hǫt'e.

John 15:19

Dıı nèk'e dǫ gıxè aaht'ı̨ nı̨dè xàè edets'ǫ dǫ lanì naxıghǫnegeètǫ ha hǫt'e. Hanìkò dıì, gıts'ǫ dǫ aaht'e nıìle, dıı nèk'e dǫ gıta gots'ǫ naxìhchì hǫt'e. Eyı ts'ıhɂǫ̀ dǫ naxıdzagı̨ı̨hwhǫ hǫt'e.

John 15:3

Yatı naxıghàehɂǫ t'à hòt'a degaı anaxììdlà.

John 15:7

Sexè aahda xè seyatıì k'èahdì nı̨dè Setà ayìı weahkèe sìı naxıghàyeɂà ha.

John 17:12

Įłaà gıxè aht'e ekò nıızì dahxà gık'èhdì ı̨lè. Įłè kò seghǫ wedıhòłı̨-le. Įłè wedıhołè ha weghàhòt'ǫǫ sìı eyı zǫ wedıhołè ha. Hanì-ı̨dè ayìı dek'eèhtł'èe sìı wek'ę̀ę̀ agode ha.

John 17:14

Neyatıì gıghàehɂǫ hǫt'e, eyıt'à dıı nèk'e ts'ǫ dǫ secheekeè dzagı̨ı̨hwhǫ, sexèht'eè dıı nèk'e gots'ǫ agı̨ı̨t'e-le t'à.

John 17:16

Dıı nèk'e gots'ǫ aht'e-le, sexèht'eè ededı̨ sı dıı nèk'e gots'ǫ agı̨ı̨t'e-le.

John 17:2

Dǫ weghàneelaa sìı welǫ whìle ts'ǫ̀ geedaà agole ha t'à, dǫ hazǫǫ̀ ts'ǫ̀ k'àowo awènelà.

John 17:24

“Setà, dǫ hazǫǫ̀ seghàneelaa sìı t'aats'ǫǫ̀ sexè agı̨ı̨t'e ha dehwhǫ, eyıts'ǫ sexè enıìyah hòɂǫ anelàa sìı geɂį̀ ha dehwhǫ. Dıı nèè hòèlı̨ kwe seghǫneètǫ t'à sexè enıìyah hòɂǫ anelà ı̨lè.

John 17:26

Nek'ègeezǫ agèhłà, deɂǫ̀ǫ̀ nek'ègeezǫǫ̀ agehłe ha. Hanì-ı̨dè dànì seghǫneètǫǫ sìı ededı̨ sìı hanì ełeghǫnegeètǫǫ̀ agede ha, eyıts'ǫ sı̨ gıxè ı̨łè zǫ laht'e ha,” Zezì hadıì Edetà ts'ǫ̀ xàyahtı.

John 17:7

T'asìı hazǫǫ̀ seghàneelaa sìı nets'ǫ zǫ hǫt'e, eyı gık'èezǫǫ̀ agejà.

John 18:9

Eyıt'à ı̨dì dànì yaı̨htı ı̨lèe sìı wek'ę̀ę̀ agode ha t'à hagogį̀į̀là. Dıı hadıì yaı̨htı ı̨lè: “Dǫ seghàneelaa sìı ı̨łè kò seghǫ wedıhòłı̨-le,” hadıì yaı̨htı ı̨lè.

John 6:37

Setà dǫ hazǫǫ̀ seghàı̨laa sìı sets'ǫ̀ agede ha, amìı sets'ǫ̀ at'ı̨ı̨ sìı naweehɂà hǫı̨lı̨ ha-le.

John 6:39

Amìı sı̨ı̨hɂàa sìı dıı hanıwǫ: dǫ hazǫǫ̀ seghàı̨laa sìı ı̨łè kò seghǫ dıkǫetła ha-le, hanìkò nǫǫde dzęę̀ k'e nı̨dè hazǫǫ̀ nagìdà agehłe ha.

John 8:51

Ehkw'ı anaxèehsı̨, amìı seyatıì k'èdìı sìı ełaàwı ha nıìle,” Zezì gòhdı.

John 8:52

Zezì hadı t'à k'aodèe dıı hagedıì yagìzeh, “Hòt'a ı̨nìłı̨ı̨ nets'ǫ̀-èlı̨ hotıì wek'èts'eezǫ ne! Abraham ełaı̨wo ı̨lè eyıts'ǫ nakwenàoɂǫǫ sı hazǫǫ̀ ełaàgı̨ı̨dè ne, hanìkò dǫ neyatıì k'èdì nı̨dè ełaàwı ha nıìle nı̨ı̨dı.

Zezì Wecheekeèdeè 13:48

Dǫ eyıì-le xàɂaa eyı nàgeèhzaa sìı hagedı egıìkw'o ekò sıì gınà ahodı eyıts'ǫ gots'ǫ̀ K'àowo weyatıì ghǫ nezı̨į̀ agedı. Dǫ hazǫǫ̀ welǫ whìle ts'ǫ̀ geeda ha Nǫ̀htsı̨ goghàhòı̨ɂǫǫ sìı hazǫǫ̀ gıgha ehkw'ı-ahodı.

Rome 11:2

Nǫ̀htsı̨ amìı weza gı̨ı̨lı̨ ha nadąą̀ yek'èezǫǫ sìı ɂǫ̀goèhde nıìle. Nǫ̀htsı̨ Nı̨htł'è k'e nakwenàoɂǫǫ Elıjah weghǫ ayìı dek'eèhtł'èe sìı ghǫ nànıahdè. Elıjah Israel got'ı̨į̀ k'èch'a Nǫ̀htsı̨ ts'ǫ̀ xàyaı̨htı, hadı,

2 Corınth 4:6

Nǫ̀htsı̨ hadı, “Togoòtł'òo yìı gots'ǫ dzęh xàı̨dı̨į̀ awede,” hadıı sìı godzeè yìı dzęh nı̨ı̨dı̨į̀ ayį̀į̀là, eyı ts'ıhɂǫ̀ Zezì-Krı weghàts'eeda nı̨dè Nǫ̀htsı̨ dànì enıìyah elı̨ı̨ sìı wek'èts'eezǫ ats'et'į̀.

Colosse 3:16

Zezì-Krı weyatıì hazǫǫ̀ naxıdzeè yìı t'aats'ǫǫ̀ wet'à goahsǫ aahda, eyıts'ǫ wet'à hoghàłaahtǫ xè nezı̨į̀ ełek'èahdì. Naxıdzeè t'à Nǫ̀htsı̨ masì weahwhǫ eyıts'ǫ shı̨ xàɂaa t'à wegha aahjı̨.

2 Tımothy 1:13

Nàowo ehkw'ıı hoghàneehtǫǫ sìı nezı̨į̀ wek'ę̀ę̀ ı̨da. T'aats'ǫǫ̀ Zezì-Krı gha nınì nàtso anehwhǫ xè Zezì wets'ıhɂǫ̀ dǫ ghǫneę̀tǫ.

Hebrew 2:12

Zezì, Nǫ̀htsı̨ ts'ǫ̀ dıı hadı, “Neghǫ sechı gıts'ǫ̀ gohde ha, łą̀ą nègedè nı, gınadąą̀ enıìyah deè anet'e dehsı̨ xè shı̨ t'à neghàsǫehdı ha,” hadı.

Hebrew 3:6

Hanìkò Zezì-Krı, Nǫ̀htsı̨ Weza elı̨ k'ę̀ę̀ Edetà k'èı̨t'e xè ededı̨ Nǫ̀htsı̨ wekǫ̀ gots'ǫ dǫ ts'ǫ̀ K'àowo hǫt'e. Nǫǫde ts'ǫ̀ goınì dejı̨-le xè gogha ehkw'ı-ahodı ts'edı nı̨dè Nǫ̀htsı̨ wekǫ̀ gots'ǫ dǫ ats'ı̨ı̨t'e.

1 Peter 1:1

Sı̨ Peter Zezì-Krı wecheekeèdeè aht'e. Nǫ̀htsı̨ dǫ edegha gòį̀hchìı sìı eyıts'ǫ dıı nèk'e ts'ǫ dǫ gıta xàhtǫ lagı̨ı̨t'ee sìı gıts'ǫ̀ eehtł'è. Pontus nèk'e, Galatıa nèk'e, Cappadocıa nèk'e, Asıa nèk'e eyıts'ǫ Bıthynıa nèk'e hazǫǫ̀ ts'ǫ̀ nàgedèe gıts'ǫ̀ eehtł'è.

1 John 5:20

Nǫ̀htsı̨ Weza sìı dıı nèk'e ts'ǫ̀ ajà, eyıts'ǫ wenàowoò wenıts'eedì agǫ̀ǫ̀là wek'èts'eezǫ, eyıt'à ededı̨ sìı ehkw'ı hǫt'e wek'èts'eezǫ. Nǫ̀htsı̨ Weza Zezì-Krı ehkw'ı hǫt'e sìı wexè ats'ı̨ı̨t'e. Ededı̨ xàè Nǫ̀htsı̨ ehkw'ı elı̨, eyıts'ǫ ededı̨ wet'à welǫ whìle ts'ǫ̀ ts'eeda ha hǫt'e.

John Wenazhıı 2:13

Edı̨į̀ nàahdèe sìı wek'èehsǫ; edı̨į̀ wehłı̨ı̨ wedaèhchı̨cho whetǫǫ eyıts'ǫ edı̨į̀ nàdèe sìı ekǫ nàahdè hǫt'e. Hanìkò ı̨łaà naxıgha ehkw'ı-ahodı. Sek'èahsǫ-le dahdı nıìle. Secheekeè Antıpas t'aats'ǫǫ̀ segha gode elı̨ı̨ ı̨lèe sìı wenaahdì. Naxıkǫ̀ta ełaàwìgwo kò ı̨łaà seghǫ naxınì nàtso ı̨lè.

John Wenazhıı 3:10

Senàowoò k'èahdì eyıts'ǫ ts'èwhı̨į̀ daahɂa t'à hazǫǫ̀ dıı nèk'e dǫ xè hoìla agode ha sìı ch'à naxık'èhdì ha. Dıı nèk'e dǫ hazǫǫ̀ nàdèe sìı hoìla t'à geèdzà ha.

John Wenazhıı 3:8

Dànì eghàlaahdaa sìı wek'èehsǫ. Aàhkw'ǫ, naxınadąą̀ enìxàı̨tǫ ahłà eyıts'ǫ dǫ wı̨ı̨zìı enìyeechı ha dìì. Nàahtso-le naxık'èehsǫ, hanìkò seyatıì k'èahdì hǫt'e eyıts'ǫ sek'èahsǫ-le dahdı nıìle.