John 17:23 - Nǫ̀htsı̨ Nı̨htł'è

²³ Sı̨ gıxè aht'ı̨, eyıts'ǫ nı̨ sexè anet'ı̨. Hotıì ı̨łè zǫ lagııt'è agı̨ı̨le, hanì-ı̨dè dıı nèk'e gots'ǫ dǫ sìı nı̨ seneehɂà, eyıts'ǫ seghǫneètǫ lanì gıghǫneehtǫ gık'èezǫ ha.

John 17:23 ပူးပေါင်းရင်းမြစ်များ

John 10:38

Hanìkò Setà xèht'eè eghàlaehda nı̨dè, naxıgha ehkw'ı aehsı̨-le kò enıìyah ghàlaehdaa sìı eyı weghàà naxıgha ehkw'ı-ahodı welè. Hanì-ı̨dè, Setà sexè at'ı̨ eyıts'ǫ sı̨ Setà xè aht'ı̨ı̨ sìı, eyı wek'èahsǫ xè wenıahdì ha,” Zezì gòhdı.

John 13:35

Ełeghǫnıahtǫ nı̨dè, eyı weghàà dǫ hazǫǫ̀ secheekeè aaht'e naxık'ègeezǫ ha,” Zezì gòhdı.

John 14:10

Setà xè ı̨łè zǫ aht'e, eyıts'ǫ Setà sexè ı̨łè zǫ hǫt'e, eyı naxıgha ehkw'ı-ahodı-le nì? Yatı t'à naxıts'ǫ̀ gohdee sìı xàè seyatıì zǫ nıìle. Setà sedzeè yìı nàdèe sìı ededı̨ edılaà ghàlaeda hǫt'e.

John 14:23

Zezì yets'ǫ̀ hadı, “Dǫ seghǫneètǫ nı̨dè seyatıì k'èı̨t'e ha. Setà yeghǫneètǫ ha, wets'ǫ̀ ats'ede ha, eyıts'ǫ wexè ats'ı̨ı̨t'e ha.

John 15:9

“Setà seghǫneètǫ lanì naxıghǫneehtǫ. Naxıghǫneehtǫ t'à t'aats'ǫǫ̀ sexè aaht'e.

John 16:27

Į̀le, seghǫnıahtǫ eyıts'ǫ Nǫ̀htsı̨ yak'e whedaa gots'ǫ aht'ı̨ naxıgha ehkw'ı-ahodı t'à, Setà ededı̨ xàè naxıghǫneètǫ hǫt'e.

John 17:11

Hòt'a dıı nèk'e aht'e ha-le, nets'ǫ̀ anahde ha, hanìkò secheekeè ı̨łaà dıı nèk'e agı̨ı̨t'e. Setà Degaı, nıızì dahxà gıxonehdı; nıızì wedahxà eghàlaehdaà asèneelàa sìı t'à gıxonehdı. Hanì-ı̨dè ededı̨ sìı dǫ ı̨łè zǫ lagı̨ı̨t'e ha, goxı̨ ı̨łè lawììt'e lanì.

John 17:21

Hanì-ı̨dè hazǫǫ̀ ı̨łè zǫ lagı̨ı̨t'e ha. Setà, nexè aht'ı̨ eyıts'ǫ nı̨ sexè anet'ı̨, ededı̨ sı goxèht'eè ı̨łè lagı̨ı̨t'e ha. Goxè ı̨łè lagııt'è, hanì-ı̨dè dıı nèk'e gots'ǫ dǫ jǫ ts'ǫ̀ seneehɂà, gıgha ehkw'ı-ahodı ha.

John 17:24

“Setà, dǫ hazǫǫ̀ seghàneelaa sìı t'aats'ǫǫ̀ sexè agı̨ı̨t'e ha dehwhǫ, eyıts'ǫ sexè enıìyah hòɂǫ anelàa sìı geɂį̀ ha dehwhǫ. Dıı nèè hòèlı̨ kwe seghǫneètǫ t'à sexè enıìyah hòɂǫ anelà ı̨lè.

John 17:26

Nek'ègeezǫ agèhłà, deɂǫ̀ǫ̀ nek'ègeezǫǫ̀ agehłe ha. Hanì-ı̨dè dànì seghǫneètǫǫ sìı ededı̨ sìı hanì ełeghǫnegeètǫǫ̀ agede ha, eyıts'ǫ sı̨ gıxè ı̨łè zǫ laht'e ha,” Zezì hadıì Edetà ts'ǫ̀ xàyahtı.

John 17:3

Welǫ whìle ts'ǫ̀ ts'eedaa ts'edıı sìı dıı awèts'edı: Nı̨ nek'ègeezǫ ha, nı̨ zǫ Nǫ̀htsı̨ ehkw'ıı anet'e gık'èezǫ ha, eyıts'ǫ Zezì-Krı, jǫ ts'ǫ̀ weneehɂàa sìı, gık'èezǫ ha.

John 17:8

Yatı seghàneeɂǫǫ sìı gıghàehɂǫ xè gıgha ehkw'ı-ahodı. Nets'ǫ aht'ı̨ hotıì sek'ègeezǫ, eyıts'ǫ nı̨ seneehɂàa sìı gıgha ehkw'ı-ahodı.

John 3:17

Nǫ̀htsı̨ dǫ xè hoìla hòèhtsı̨ gha, edeza dıı nèk'e ts'ǫ̀ ayı̨į̀là nıìle, hanìkò ededı̨ wet'à dǫ edaxàgole gha ayı̨į̀là.

John 6:56

Amìı sezhį̀į̀ ghǫ shètı̨ xè sedoò edǫǫ sìı, sexè nàdè ha, eyıts'ǫ sı̨ sı wexè nàhdè ha.

1 Corınth 1:30

Nǫ̀htsı̨ wets'ıhɂǫ̀ Zezì-Krı wexè aaht'e. Nǫ̀htsı̨ sìı Zezì-Krı t'à gots'ı̨ı̨zǫǫ̀ agǫ̀ǫ̀là, wet'ǫ̀ǫ̀ ehkw'ıì ats'ejà, wet'ǫ̀ǫ̀ degaı ts'ı̨ı̨lı̨, eyıts'ǫ wet'ǫ̀ǫ̀ welǫ whìle ts'ǫ̀ edaxàts'eedè hǫt'e.

2 Corınth 5:21

Zezì wehołı̨į̀ whìle sìı Nǫ̀htsı̨ gogha hołı̨ı̨ wek'e whelaà ayį̀į̀là, hanì-ı̨dè Zezì wet'ǫ̀ǫ̀ Nǫ̀htsı̨ ehkw'ı ts'eedaà agole ha.

Galatıa 3:28

Zezì-Krı wexè naxı̨ hazǫǫ̀ ı̨łè laaht'e hǫt'e t'à, Israel got'ı̨į̀ eyıts'ǫ Greece got'ı̨į̀ gıxè eładı̨į̀ hòɂǫ-le, dǫ edets'ǫ̀ k'àowo-le, eyıts'ǫ dǫ edets'ǫ̀ k'àowo gıxè eładı̨į̀ hòɂǫ-le, dǫzhìı eyıts'ǫ ts'èko gıxè eładı̨į̀ hòɂǫ-le.

Phılıppı 3:15

Goxı̨ hazǫǫ̀ Nǫ̀htsı̨ k'èts'eezǫǫ sìı hanì ts'eeda ha hǫt'e. Hanìkò t'asìı ghǫ sek'ę̀ę̀ nànıahdè-le nı̨dè, eyı kò Nǫ̀htsı̨ naxıgha deghàà wègaat'ı̨į̀ ayele ha hǫt'e.

Colosse 1:28

Zezì-Krı weghǫ dǫ ts'ǫ̀ gots'ede. Dǫ ehkw'ı geeda ha ts'ı̨ı̨wǫ ts'ıhɂǫ̀, wet'à gots'ı̨ı̨zǫǫ̀ ats'ejàa sìı t'à dǫ hazǫǫ̀ nàgets'eɂǫ xè hoghàgets'eehtǫ. Hanì-ı̨dè Zezì-Krı wets'ıhɂǫ̀ dǫ hazǫǫ̀ degaı k'ę̀ę̀ agets'ele ha ts'ı̨ı̨wǫ.

Colosse 2:2

Gıdzeè nàtso ha, eyıts'ǫ dǫ ı̨łè lanì ełeghǫnegeètǫ ha, gıgha daıhɂa. Hanì-ı̨dè deghàà t'asìı k'ègeezǫǫ̀ agede ha, eyıts'ǫ Nǫ̀htsı̨ t'asìı deɂı̨į̀ whehɂǫǫ sìı k'ègeezǫǫ̀ agede ha, Zezì-Krı k'ègeezǫǫ̀ agede ha t'à.

Colosse 3:14

Eyı nàowo nezı̨ı̨ hazǫǫ̀ k'ę̀ę̀ aahda, eyı wedaats'ǫ̀ ełeghǫnıahtǫ, hanì-ı̨dè eyı nàowo nezı̨ı̨ hazǫǫ̀ sìı nàowodeè ı̨łè zǫ k'ę̀ę̀ aahda ha.

1 Peter 5:10

Nǫ̀htsı̨ t'aats'ǫǫ̀ naxıts'ǫ̀ sǫnıwǫǫ sìı Zezì-Krı wedahxà welǫ whìle ts'ǫ̀ enıìyah k'ę̀ę̀ aahda ha naxıkayaı̨htı hǫt'e. Whaà-lea gots'ǫ̀ daahɂa tł'axǫǫ̀ xàè ededı̨ naxıxè sìghà hòɂǫǫ̀ ayele ha eyıts'ǫ t'aats'ǫǫ̀ naxınì nàtsoò ayele ha hǫt'e.

1 John 1:3

Ayìı ts'aɂı̨ı̨ eyıts'ǫ ayìı wets'eèhkw'ǫǫ sìı eyı ghǫ naxıxè gots'edo, goxè aaht'ı̨ ha naxets'ı̨ı̨hwhǫ t'à. Goxı̨ sìı Nǫ̀htsı̨-Gotà eyıts'ǫ Weza Zezì-Krı gıxè ats'et'ı̨ hǫt'e.

1 John 3:1

Nǫ̀htsı̨-Gotà sıì goghǫneètǫ t'à Nǫ̀htsı̨ weza gòyeh agǫ̀ǫ̀là. Eyı sıì gogha enıìyah hǫt'e! Weza ats'ı̨ı̨t'e t'ıį̀t'e. Dıı nèk'e ts'ǫ dǫ Nǫ̀htsı̨ k'ègeezǫ-le t'à gok'ègeezǫ-le hǫt'e.

1 John 4:19

Nǫ̀htsı̨ ededı̨ t'akwełǫ̀ǫ̀ goghǫneètǫ ts'ıhɂǫ̀ goxı̨ sı ełeghǫnets'eètǫ hǫt'e.

John Wenazhıı 3:9

Eyı dǫ wehłı̨ı̨ wecheekeè agı̨ı̨t'ee sìı naxınadąą̀ nàgògehgè agehłe ha. Naxıghǫneehtǫ hǫt'e gık'èezǫǫ̀ agehłe ha. Israel got'ı̨į̀ agı̨ı̨t'e-le kò xàè ‘Israel got'ı̨į̀ ats'ı̨ı̨t'e’ gedı t'à hogets'ìı-dǫǫ̀ agı̨ı̨t'e.