John 17:22 - Nǫ̀htsı̨ Nı̨htł'è

²² Sexè enıìyah hòɂǫ anelàa sìı ededı̨ sı gıxè hanì enıìyah hòɂǫ ahłà. Hanì-ı̨dè goxı̨ ı̨łè lawììt'e, goxèht'eè, ededı̨ ełexè ı̨łè lagı̨ı̨t'e ha.

John 17:22 ပူးပေါင်းရင်းမြစ်များ

Mark 6:7

Zezì edecheekeè hoònǫ-daats'ǫ̀-nàke gokayaı̨htı t'à, łą̀ą nègı̨ı̨de. Įnìłı̨ı̨ dǫ yìı gots'ǫ xàdegeezhı ha goghàhòı̨ɂǫ eyıts'ǫ wecheekeè hazǫǫ̀ nàke ełexè aget'ı̨ xè kǫ̀ta yàgòlaa ts'ǫ̀ goèhɂà.

Luke 22:30

K'àowocho whıhłı̨ nı̨dè seladà k'e shèahzhe ha eyıts'ǫ daèhchı̨cho k'e dahkw'e ha. Israel got'ı̨į̀ hoònǫ-daats'ǫ̀-nàke xàɂaa gı̨ı̨lı̨ı̨ sìı gısınìyaahtı ha,” gots'ǫ̀ hadı.

John 1:14

Eyı yatı wehòhɂǫǫ sìı dǫ whelı̨ eyıts'ǫ gota nàı̨dè. Dànì enıìyah deè t'à wehòhɂǫǫ sìı wets'aɂı̨. Ededı̨ ı̨łàet'ee zǫ hanì enıìyah deè elı̨. Ededı̨ sìı Nǫ̀htsı̨-Gotà gots'ǫ nììtła hǫt'e, wesǫnıwǫ deè eyıts'ǫ nàowo ehkw'ıı wets'ǫ̀-èlı̨ hǫt'e.

John 1:16

Sıì gots'ǫ̀ sǫnıwǫ ts'ıhɂǫ̀ ełek'èdaà goxè sìghà hòɂǫǫ̀ agǫ̀ǫ̀là.

John 14:20

Eyı dzęę̀ k'e nı̨dè sı̨ Setà wexè ı̨łè zǫ aht'e wek'èahsǫ ha; naxı̨ sexè ı̨łè zǫ aaht'e eyıts'ǫ sı̨ naxıxè ı̨łè zǫ aht'e wek'èahsǫ ha.

John 17:24

“Setà, dǫ hazǫǫ̀ seghàneelaa sìı t'aats'ǫǫ̀ sexè agı̨ı̨t'e ha dehwhǫ, eyıts'ǫ sexè enıìyah hòɂǫ anelàa sìı geɂį̀ ha dehwhǫ. Dıı nèè hòèlı̨ kwe seghǫneètǫ t'à sexè enıìyah hòɂǫ anelà ı̨lè.

Zezì Wecheekeèdeè 5:41

Zezì wecheekeèdeè Israel got'ı̨į̀ gha k'aodèe gots'ǫǫ̀ nageèhde. Zezì gha dagı̨ı̨ɂaà agììdlà t'à sıì gınà xè masì gı̨ı̨wǫ.

Rome 8:30

Nǫ̀htsı̨ nadąą̀ dǫ weza gı̨ı̨lı̨ ha gòį̀hchì ı̨lèe sìı gokayaı̨htı hǫt'e; dǫ gokayaı̨htıı sìı ehkw'ı agǫ̀ǫ̀là; eyıts'ǫ dǫ ehkw'ı agǫ̀ǫ̀làa sìı welǫ whìle ts'ǫ̀ gıxè enıìyah hòɂǫǫ̀ agǫ̀ǫ̀là.

2 Corınth 3:18

Goxı̨ sìı goınì k'e ɂehtł'ı̨ whehchìı nıìle, gots'ǫ̀ K'àowo dànì enıìyah elı̨ı̨ sìı gok'e saı̨dı̨ hǫt'e. Gots'ǫ̀ K'àowo, Įnì Degaı elı̨ı̨ sìı godzeè yìı eładı̨į̀ agohɂį̀, eyıt'à denahk'e wexèht'eè ats'et'į̀ agohɂı̨.

2 Corınth 5:20

Eyıt'à goxı̨ sìı Zezì-Krı wegha dǫ ts'ǫ̀ gots'edee ats'ı̨ı̨t'e. Goxı̨ got'à Nǫ̀htsı̨ naxıts'ǫ̀ gode lanì hǫt'e. Zezì-Krı wedahxà naxıghǫnàdats'eetì: Nǫ̀htsı̨ wexè ts'èwhı̨į̀ aahda, naxèts'edı.

2 Corınth 6:1

Goxı̨ Nǫ̀htsı̨ gha ełexè eghàlats'eedaa ts'ı̨ı̨lı̨ı̨ sìı Nǫ̀htsı̨ wesǫnıwǫ k'ètł'ǫ̀ naxıts'ǫ̀ awede-le, naxèts'edıì naxıghǫnàdats'eetì.

Ephesus 2:20

Goxı̨ hazǫǫ̀ yìetł'aà whetǫǫ k'e kǫ̀ hòèlı̨ı̨ lanì Nǫ̀htsı̨ wecheekeèdeè eyıts'ǫ nakwenàoɂǫǫ gıyatıì k'e nàts'eèhza lats'ı̨ı̨t'e, eyıts'ǫ Zezì-Krı ededı̨ sìı kwe denahk'e wet'àaɂàa elı̨, wet'à yìetł'aà whetǫǫ k'e kǫ̀ hòèlı̨ı̨ sìı nàtsoò yııtǫ̀.

Phılıppı 1:29

Zezì-Krı naxıgha ehkw'ı-ahodıı sìı naxıghǫ̀t'ǫ hǫt'e, eyı zǫǫ̀-le, wegha daahɂa ha, eyı sı naxıghǫ̀t'ǫ hǫt'e.

Colosse 1:24

Naxıgha daıhɂà t'à sınà hǫt'e. Zezì-Krı gogha daı̨ɂà, eyıts'ǫ Nǫ̀htsı̨ wecheekeè gogha denahk'e daı̨ɂa ha nı̨dè, sı̨ sı, sezhį̀į̀ t'à wegha daıhɂa kò dehwhǫ.

1 John 1:3

Ayìı ts'aɂı̨ı̨ eyıts'ǫ ayìı wets'eèhkw'ǫǫ sìı eyı ghǫ naxıxè gots'edo, goxè aaht'ı̨ ha naxets'ı̨ı̨hwhǫ t'à. Goxı̨ sìı Nǫ̀htsı̨-Gotà eyıts'ǫ Weza Zezì-Krı gıxè ats'et'ı̨ hǫt'e.

1 John 3:24

Amìı yenàowoò k'èı̨t'ee sìı Nǫ̀htsı̨ xè eda hǫt'e, eyıts'ǫ Nǫ̀htsı̨ yexè eda hǫt'e. Yedàyeh Nezı̨ı̨ goghàı̨ɂǫ t'à goxè eda wek'èts'eezǫ hǫt'e.

1 John 4:17

Hanì-ı̨dè deghàà ełeghǫnets'eètǫǫ̀ ats'ede ha hǫt'e, eyıts'ǫ dıı nèk'e wexèht'eè ts'ı̨ı̨dà t'à gosınìyaetıı dzęę̀ k'e nı̨dè ts'atà goınì nàtso ha.

John Wenazhıı 21:14

Eyı kǫ̀godeè wemǫǫ̀ kwı̨į̀ danı̨ı̨chàa nıɂàa sìı wets'ǫ yìetł'aà hoònǫ-daats'ǫ̀-nàke hǫt'e. Eyı yìetł'aà whelaa wek'e sahzǫ̀ą wecheekeèdeè hoònǫ-daats'ǫ̀-nàke gıızì dek'eèhtł'è.