John 17:21 - Nǫ̀htsı̨ Nı̨htł'è

²¹ Hanì-ı̨dè hazǫǫ̀ ı̨łè zǫ lagı̨ı̨t'e ha. Setà, nexè aht'ı̨ eyıts'ǫ nı̨ sexè anet'ı̨, ededı̨ sı goxèht'eè ı̨łè lagı̨ı̨t'e ha. Goxè ı̨łè lagııt'è, hanì-ı̨dè dıı nèk'e gots'ǫ dǫ jǫ ts'ǫ̀ seneehɂà, gıgha ehkw'ı-ahodı ha.

John 17:21 ပူးပေါင်းရင်းမြစ်များ

Mark 3:24

K'àowocho wenèk'e dǫ ełets'ǫ̀ xànıgı̨ı̨ɂa nı̨dè k'àowocho wenèè weghǫ wedıhołè ha hǫt'e.

John 10:16

Sesahzǫ̀ą eyıì-le gǫ̀hłı̨, jǫ gık'èhodìı gots'ǫ agı̨ı̨t'e-le. Ededı̨ sı goyageehwha ha hǫt'e. Gıts'ǫ̀ gohde nı̨dè, segıìkw'o ha hǫt'e. Hanì-ı̨dè sesahzǫ̀ą hazǫǫ̀ ełexè geèhkw'e ha, eyıts'ǫ gok'èdìı-dǫǫ̀ ı̨łè zǫ gǫ̀hłı̨ ha.

John 10:30

Sı̨ eyıts'ǫ Setà sı ı̨łè zǫ lawììt'e,” Zezì gòhdı.

John 10:38

Hanìkò Setà xèht'eè eghàlaehda nı̨dè, naxıgha ehkw'ı aehsı̨-le kò enıìyah ghàlaehdaa sìı eyı weghàà naxıgha ehkw'ı-ahodı welè. Hanì-ı̨dè, Setà sexè at'ı̨ eyıts'ǫ sı̨ Setà xè aht'ı̨ı̨ sìı, eyı wek'èahsǫ xè wenıahdì ha,” Zezì gòhdı.

John 11:42

T'aats'ǫǫ̀ sı̨į̀hkw'ǫ ne wek'èehsǫ, hanìkò dıı haehsı̨ı̨ sìı dǫ gıgha aehsı̨. Hanì-ı̨dè dıı nèk'e ts'ǫ̀ seneehɂàa sìı gıgha ehkw'ı-ahodı ha,” hadıì yaı̨htı.

John 13:32

Dǫ-wet'àaɂàa-deè wet'à Nǫ̀htsı̨ weghàsǫhoedı nı̨dè, Nǫ̀htsı̨ ededı̨ edet'à Weza weghàsǫhoedıì ayele ha, ekòet'ıì hayele ha.

John 13:35

Ełeghǫnıahtǫ nı̨dè, eyı weghàà dǫ hazǫǫ̀ secheekeè aaht'e naxık'ègeezǫ ha,” Zezì gòhdı.

John 17:11

Hòt'a dıı nèk'e aht'e ha-le, nets'ǫ̀ anahde ha, hanìkò secheekeè ı̨łaà dıı nèk'e agı̨ı̨t'e. Setà Degaı, nıızì dahxà gıxonehdı; nıızì wedahxà eghàlaehdaà asèneelàa sìı t'à gıxonehdı. Hanì-ı̨dè ededı̨ sìı dǫ ı̨łè zǫ lagı̨ı̨t'e ha, goxı̨ ı̨łè lawììt'e lanì.

John 17:18

Dıı nèk'e ts'ǫ̀ seneehɂà xèht'eè, ededı̨ sı dıı nèk'e dǫ ta ts'ǫ̀ gııhɂà hǫt'e.

John 17:20

“Secheekeèdeè zǫ gıgha yahtı nıìle. Secheekeèdeè gıyatıì t'à dǫ seghǫ gıgha ehkw'ı-ahodıı sìı hazǫǫ̀ gıgha yahtı hǫt'e.

John 17:25

“Setà, nı̨ sìı ehkw'ı anet'e. Dıı nèk'e dǫ nek'ègeezǫ-le kò, sı̨ nek'èehsǫ hǫt'e, eyıts'ǫ dıı dǫ seghàneelaa sìı jǫ ts'ǫ̀ asèneelà gık'èezǫ hǫt'e.

John 17:3

Welǫ whìle ts'ǫ̀ ts'eedaa ts'edıı sìı dıı awèts'edı: Nı̨ nek'ègeezǫ ha, nı̨ zǫ Nǫ̀htsı̨ ehkw'ıı anet'e gık'èezǫ ha, eyıts'ǫ Zezì-Krı, jǫ ts'ǫ̀ weneehɂàa sìı, gık'èezǫ ha.

John 17:8

Yatı seghàneeɂǫǫ sìı gıghàehɂǫ xè gıgha ehkw'ı-ahodı. Nets'ǫ aht'ı̨ hotıì sek'ègeezǫ, eyıts'ǫ nı̨ seneehɂàa sìı gıgha ehkw'ı-ahodı.

John 3:17

Nǫ̀htsı̨ dǫ xè hoìla hòèhtsı̨ gha, edeza dıı nèk'e ts'ǫ̀ ayı̨į̀là nıìle, hanìkò ededı̨ wet'à dǫ edaxàgole gha ayı̨į̀là.

John 5:23

Hanì-ı̨dè dǫ hazǫǫ̀ Gotà ts'ǫ̀ nezı̨į̀ nageɂa lanì Weza ts'ǫ̀ nezı̨į̀ nageɂa ha. Gotà Edeza gots'ǫ̀ yı̨ı̨hɂà t'à, amìı Weza ts'ǫ̀ nezı̨į̀ nageɂa-le sìı Wetà ts'ǫ̀ nezı̨į̀ nageɂa-le hǫt'e.

Zezì Wecheekeèdeè 2:46

Dzę taàt'eè Nǫ̀htsı̨kǫ̀-gocho gà łą̀ą nègııdè. Edekǫ̀ Nǫ̀htsı̨ łèt'è tàgeezhì gà ełexè shègezhe, sìgeèt'ı̨ xè ehkw'ı agı̨ı̨wǫ.

Zezì Wecheekeèdeè 4:32

Hazǫǫ̀ gıgha ehkw'ı-ahodıı sìı gıdzeè eyıts'ǫ gınì ı̨łè zǫ lajà. Dǫ t'asìı gıts'ǫ sìı edegha zǫ gık'èdì-le, t'asìı hazǫǫ̀ gıts'ǫ sìı ełetaàgeelè.

Rome 12:5

Goxı̨ Zezì-Krı wexè ats'ı̨ı̨t'ee sìı goxè hagǫ̀ht'e. Goxı̨ łǫ ts'eet'eè ats'ı̨ı̨t'e kò gozhį̀į̀ ı̨łè zǫ lanì, eyıts'ǫ ełets'ǫ ats'ı̨ı̨t'e.

1 Corınth 1:10

Sèot'ı̨ı̨, Zezì wedahxà hazǫǫ̀ ı̨łè zǫ laaht'e naxèehsı̨, hanì-ı̨dè ełek'èch'a aaht'e ha-le eyıts'ǫ hotıì naxınì ı̨łè zǫ lanì ha.

1 Corınth 12:12

Gozhį̀į̀ ı̨łè zǫ hǫt'e hanìkò wek'e t'asìı łǫ xàɂaa whela. T'asìı ładı̨ı̨ łǫ wek'e whela kò gozhį̀į̀ ı̨łè zǫ elı̨ hǫt'e. Zezì wexè eyı lanì hǫt'e.

1 Corınth 6:17

Hanìkò amìı gots'ǫ̀ K'àowo xè at'ı̨ı̨ sìı wets'ǫ Įnì t'à yexè ı̨łè zǫ lade ha.

Galatıa 3:28

Zezì-Krı wexè naxı̨ hazǫǫ̀ ı̨łè laaht'e hǫt'e t'à, Israel got'ı̨į̀ eyıts'ǫ Greece got'ı̨į̀ gıxè eładı̨į̀ hòɂǫ-le, dǫ edets'ǫ̀ k'àowo-le, eyıts'ǫ dǫ edets'ǫ̀ k'àowo gıxè eładı̨į̀ hòɂǫ-le, dǫzhìı eyıts'ǫ ts'èko gıxè eładı̨į̀ hòɂǫ-le.

Phılıppı 1:27

Naxıts'àwhıhtła, naxıts'àwhıhtła-le, ehk'ę̀ę̀, Zezì-Krı wegodıì nezı̨ı̨ k'ę̀ę̀ hotıì ehkw'ı aahda. Hanì-ı̨dè naxıts'àhtła, hanì-le-ı̨dè naxıghǫ eèhkw'o zǫ t'à, naxınì ı̨łè zǫ lanì wek'èehsǫ ha. Dǫ ı̨łè zǫ laaht'e xè godı nezı̨ı̨ gha naxınì nàtso aahwhǫ.

1 John 1:3

Ayìı ts'aɂı̨ı̨ eyıts'ǫ ayìı wets'eèhkw'ǫǫ sìı eyı ghǫ naxıxè gots'edo, goxè aaht'ı̨ ha naxets'ı̨ı̨hwhǫ t'à. Goxı̨ sìı Nǫ̀htsı̨-Gotà eyıts'ǫ Weza Zezì-Krı gıxè ats'et'ı̨ hǫt'e.

1 John 5:7

T'asìı taı xàyagehtı hǫt'e: